集體回憶 - 慈雲山

搜尋

聖飽思高小學

日期： 5月 29, 2022

取得連結
Facebook
Twitter
Pinterest
電子郵件
其他應用程式

小學及幼稚園聖飽思高小學圖片

取得連結
Facebook
Twitter
Pinterest
電子郵件
其他應用程式

留言

發佈留言

好味魚肉麵

48座近聖鮑思高(在鐵皮屋出邊)的魚肉麵堪稱全慈雲山最好食的魚肉麵, 價錢好似係四、五毫子，做法跟今天一樣把放在碟上的魚肉用刀很快地打落湯中，每條魚肉打得好幼細，而且即叫即做，滾既時間又控制得好, 所以做出來每條魚肉都好滑好好食, 跟現在的粗制濫做預先做定完全無得比, 最正的是他們自制的辣椒粉，加落魚肉或魚肉麵裡, 既香又辣又唔會遮蓋魚肉的原味，現在想起都口水直流！順便一提，現在車仔麵檔常見的油麵我亦是在這裡首次見到，但我並不喜用它來配搭車仔麵。有段時候這魚肉麵檔在48座消失，曾失落了一陣子，之後重建前兩三年又神奇地在我43座樓下的鐵皮屋中出現，每次開檔都非常受歡迎圍滿了人，再之後43座重建就再也不知這魚肉麵檔的去向了。

慈雲山集體回憶 (轉載)

轉載自"香港地"網站小弟乃舊慈雲山59座鄉里，小學就讀『聖文德小學』、中學就讀『培敦中學』，小時有病就去伍若瑜健康院輪籌，有空就去小童群益會玩康樂棋及去中央球場睇人放船仔，有時會跟媽媽到『萬年戲院』睇戲大小小就會去2F、5C巴士站旁小童機場打機，晚上可以在中央公園睇未出道『黃日華』踢球......你是慈雲山人嗎小學就讀『聖文德小學』咁有冇去過寶 X 飲茶呀？我讀 1.2.3 座既中心幼稚園架~~~~~呵呵！ 123座，是近毓華街的座，或是沙田坳道的123座？我在鳳凰新村的『聖西門幼稚園』讀書當然係向旺角坐小巴過左香島中學，就叫 " 斜路 " 有落~~~~~ 個 1.2.3.座啦~~~ 你知唔知你的123座在未拆之前變成了飛虎隊訓練教場哈！唔知呀！未拆之前十年左右我都搬左~~ 不過早排我都有上去慈雲山中心，鳳德飲茶~~~~~~~~~ 四十八座,住左廾幾年,而家ｏ的路都改埋! 駕車返去都唔同晒. 四十八座是不是近觀音山腳那邊搬去樂富，你都算好早搬走個堆住過鳳凰村有無計傾呀??? 歡迎，我細個成日去鳳凰村架小時我好百厭,經常扭親手腳...然後就經常幫襯"梁華跌打"你有無幫襯過?知吾知重現壯? 我有幫襯過，但之後發現隔離香國成醫館仲正，還記得有次去那兒睇跌打，係對面酒樓斜坡上見到一隻成隻貓咁大老鼠，成間醫館人都走出去睇我住0左慈雲山30幾年, 住過2 座, 未走前都搬過去慈民村(以前66座果到). 細個讀四小, 中學讀保一. 我踼波反而去7號仔, 打機就去7-11 對面個間. 我就唔記得巴士站旁有小童場. 我小時得閒就去東區及南區借書, 有一年仲有玩具借, 不過過左一陣就無左. 前一陣子去過123座果到, 唔同晒啦, 要locate 以前 D building 都有 D 難度. 反而是萬年果堆私家樓就無點變, 當然萬年及寶爵就無左啦. 中學剛開始去打機, 去得最多的機竇就係鳳凰村間瑞利, 書局就去聖B對面間書局, 不過一時記唔起個名. BTW, 講起書局, 好似萬年後面果間導航者仲係度喎, 係咪? 想想0下導航者都有成廿幾年啦．我當年曾住鳳凰村時與吳鎮宇為街坊，時見佢喜穿一身米白乾濕褸，飄逸有型，甚有明星風範，但當時他還

張祝珊小學 (轉載)

轉載自"經典日本特撮●動畫●卡通回憶"網站 : http://oldcake.net/viewthread.php?tid=6355&page=3 我小學都係讀慈雲山"張祝珊", 係1977年畢業....亦係最後一屆升中試, 中學就讀橫頭磡"扶輪職業先修學校". 真係師兄呀! 我讀左一年.就結業了. 84年到.師兄你住讀慈雲山嗎? yes, 我還有6位姊弟妹都讀"張祝珊", 最細個細佬剛就係84年最後一屆畢業, 而家每年7月份仍有舊生與現尚在的老師搞聚餐會, 話時話我以為我讀過3間幼稚園好巴閉....估唔到你讀過4間小學 .... 你最細個細路可能我都見過. 你問下佢下學期係米去烏溪沙旅行. 師兄.懷念從前慈雲山嗎.仲記得寶爵酒樓嗎? 細時成日鬧D老人家只識圍埋想當年....成屋舊垃圾唔丟, 而家自己都有D咁嘅心態....所以我都從細教個仔要尊敬對待老人家. 你係上午還是下午班呢？下午呀..六年班主任係蕭若元個家姐..即而家變靚C個主直. 咁你可能同醒目仔時間其中一個小主持，個名好似叫甜甜(藝名)係同學. 佢中文命叫セ?? 我唔識佢，因我讀上午，放學時總見她返學認得出係佢. 有D印象!!! 記得當年曾經参加過玉泉校際錦標賽,上電視攞個冠軍,仲贏咗張乒乓抬返校......不過冇我份!! 想問一下,相中師兄師姊都是慈雲山張祝珊老師和校友 thank! Yes, 前排有位坐及坐地上的全是老師, 後排應是79年度畢業的學弟妹(其中一個是我妹妹).... 還有很多其他年度校友合照上載在其中一位學妹的個人網頁內. post多張我嘅小學畢業相俾你睇睇(張祝珊1977年度下午6C班) 真的好多謝你的相片.我真是好感動.這張照片是學校放學的出口.走落樓梯級下有個藍球場.轉彎是返學的入口.看見從前的慈雲山.令我百感交集.再一次衷心謝謝你. 客氣客氣 ....以前都無諗過D舊相可以同人分享, 我都好高興在oldcake能有機會俾我咁做.

糖膠公仔

細個時小學我是讀下午班的，有時返學校前會到48座的小版檔買o野食, 唔知大家記仲記唔記得有一檔老伯伯是買糖膠公仔？即近似現在的麵粉公仔，只是無咁細緻，但糖膠公仔除了外形吸引外還可以食落肚，所以有一段時間在電視看到有人在吹捧麵粉公仔的傳統覺得不以為然。此糖膠公仔檔還有一樣至今未再見過的絕技，「用糖膠做吹氣球」，而吹管是由糖膠拉長而成，吹管外形幼幼長長看似竹簽內裡竟是通空的。老伯伯還會預備一個小鐵圈，只要小朋友把「糖膠氣球」吹得大過小鐵圈便會獎賞多一個，小朋友時常把老伯伯團團圍著大家都看得很開心，未知老伯伯還健在嗎？後記 - 2009年7月27日: 似乎糖膠公仔公仔並未失傳，很多朋友都說在一些寶誕曾發現其縱影，甚至有"吹糖膠波"！圖片來自http://taiwan.net.tw/userfiles/image/tw/art_p01.jpg

慈雲山圖片

由 Blogger 提供