集體回憶 - 慈雲山

搜尋

中央球場

日期： 5月 25, 2022

取得連結
Facebook
Twitter
Pinterest
電子郵件
其他應用程式

中央球場圖片

取得連結
Facebook
Twitter
Pinterest
電子郵件
其他應用程式

留言

發佈留言

十二姊弟三記打冷 (轉載)

轉載自飲食男女雜誌: http://www.7headlines.com/article/show/242461693 此禎照片，攝於 1975年，三記打冷主人吳炳真一家，從官塘徙置區遷入慈雲山邨，為了住屋證要顯示家庭人數，特地上影樓拍攝的。咔嚓……慶幸舊政府有這條例，令全香港很多家庭，包括吳氏一家十四口，某年某月的樣子，得以保存。今天，事隔四十載，縱使各有生活，父母已仙遊，但每逢周末，兄弟姊妹，例必回來，聚首吃飯也懷舊。魚飯春菜，是記憶中的鹹酸；斬鵝肉煎蠔餅傳菜叫喊聲，熱鬧如舊；街燈底下，塑膠帆布與石階梯，被地上水窪映出一抹老舊。還好一切沒變，即使下雨黃昏，兄弟姊妹，還是依約撑着雨傘回來。說得興起，眾姊弟又提出不如來個全家福大合照，連忙拉大家姐過來，又調位又讓坐的，堅持要她坐正中央……咔嚓！吳家父母已過世，目前輩份最高的就是大家姐。吳家是潮州人，經營三記打冷，區內薄有名氣。兄弟姊妹十二人，兒時在慈雲山邨四十八座，天天擠在檔口幹活。年長的烹滷水劏魚炒菜，年幼的洗菜洗碗抹枱櫈。共同於鐵絲網與帆布帳篷下成長。直至老屋邨清拆，三記遷到蒲景里，童稚時光，隨而消逝。大家姐、大哥、三哥，偕伴侶兒子，守在飯店，其餘各人，各奔前程。「多得有三記呢個竇！我哋逢禮拜六晚一定喺度，風雨不改！」二哥說。除了身在廈門的阿七和去了應酬的九仔、十仔，其他都來了。十二妹告訴我，這麼多年來，大家都是大家姐、阿七、九仔的叫，習以為常。「屋企人多，個個都係叫排名！我哋唔叫名㗎！」但吳家的排名很獨特，起先是大家姐大哥二家姐二哥三家姐三哥，其後忽然變成七弟八妹九仔十仔十一妹十二妹，無形中劃分了長、幼兩輩。大家姐今年六十二歲，十二妹才三十八歲，相距一個時代。舊時父母忙於生計，幾個小輩，全交哥哥姊姊帶大，現時當政府工、地產經紀、做生意的，孩提時，只懂幫頭幫尾。「大人劏魚煮滷水做粗重嘢，我哋幾個豆丁，就好似乞兒咁踎喺檔口洗魚洗菜。」十一妹憶述，「放暑假冇人睇，都係返檔口，最多等到打烊，跟二哥三哥去黃大仙波樓食消夜、睇佢哋篤波。」 80年代，母親與六女兒們。大哥當年跟三家姐兒子合照，年輕人今在澳洲。大家姐站在打冷檔前，氣定神閒。屋邨品流複雜，大哥常擔心弟妹們學壞，一度「嚴父」上身，「大佬好惡，邊個講粗口，就敲佢個頭！」今次

慈雲山集體回憶 (轉載)

轉載自"香港地"網站小弟乃舊慈雲山59座鄉里，小學就讀『聖文德小學』、中學就讀『培敦中學』，小時有病就去伍若瑜健康院輪籌，有空就去小童群益會玩康樂棋及去中央球場睇人放船仔，有時會跟媽媽到『萬年戲院』睇戲大小小就會去2F、5C巴士站旁小童機場打機，晚上可以在中央公園睇未出道『黃日華』踢球......你是慈雲山人嗎小學就讀『聖文德小學』咁有冇去過寶 X 飲茶呀？我讀 1.2.3 座既中心幼稚園架~~~~~呵呵！ 123座，是近毓華街的座，或是沙田坳道的123座？我在鳳凰新村的『聖西門幼稚園』讀書當然係向旺角坐小巴過左香島中學，就叫 " 斜路 " 有落~~~~~ 個 1.2.3.座啦~~~ 你知唔知你的123座在未拆之前變成了飛虎隊訓練教場哈！唔知呀！未拆之前十年左右我都搬左~~ 不過早排我都有上去慈雲山中心，鳳德飲茶~~~~~~~~~ 四十八座,住左廾幾年,而家ｏ的路都改埋! 駕車返去都唔同晒. 四十八座是不是近觀音山腳那邊搬去樂富，你都算好早搬走個堆住過鳳凰村有無計傾呀??? 歡迎，我細個成日去鳳凰村架小時我好百厭,經常扭親手腳...然後就經常幫襯"梁華跌打"你有無幫襯過?知吾知重現壯? 我有幫襯過，但之後發現隔離香國成醫館仲正，還記得有次去那兒睇跌打，係對面酒樓斜坡上見到一隻成隻貓咁大老鼠，成間醫館人都走出去睇我住0左慈雲山30幾年, 住過2 座, 未走前都搬過去慈民村(以前66座果到). 細個讀四小, 中學讀保一. 我踼波反而去7號仔, 打機就去7-11 對面個間. 我就唔記得巴士站旁有小童場. 我小時得閒就去東區及南區借書, 有一年仲有玩具借, 不過過左一陣就無左. 前一陣子去過123座果到, 唔同晒啦, 要locate 以前 D building 都有 D 難度. 反而是萬年果堆私家樓就無點變, 當然萬年及寶爵就無左啦. 中學剛開始去打機, 去得最多的機竇就係鳳凰村間瑞利, 書局就去聖B對面間書局, 不過一時記唔起個名. BTW, 講起書局, 好似萬年後面果間導航者仲係度喎, 係咪? 想想0下導航者都有成廿幾年啦．我當年曾住鳳凰村時與吳鎮宇為街坊，時見佢喜穿一身米白乾濕褸，飄逸有型，甚有明星風範，但當時他還

我的光慈學校

光慈學校位於40座隔鄰，是救世軍附屬的一所基督教小學，我在那裡的下午校渾渾噩噩地渡過了三年(小一至小三)，我那時的小孩不像今天有父母或姨姨培同，大多數是自己返學。每天上課前，學校隔離的遊樂場有很多同學在玩耍，那些飛仔外形的"大哥哥"打千秋都是企在凳上好"勁"地飛上半空像要跌出千秋，旁觀的我也覺刺激。每逢星期六都需要早上上課，我會早些返學與同學在學校附近嬉戲，那時慈雲山有很多流浪狗，我們有時會用棍叉狗屎來玩，或玩下老鼠籠，雖然無聊但很好開心。逢星期六的早會都有一個著軍服的男人用國語來講耶穌，而且一講便個幾鐘，對年紀少的我只覺既悶又辛苦。細個時不知讀書為何物只顧嬉戲，默書都在低分中徘徊，不知是否這樣養成今天很善忘。小息時常玩推同學入女廁或玩閹人，有時會跟同學夾錢買"孖條"食，那時亦很流行食散裝很大塊圓形的蝦片，到三年班時試過跟同學玩兵捉賊不知如何頭撞柱流血，媽媽為此事來學校見校長，不久又玩打架令手較裂了，還因此去了幾次鳳凰新村的梁祥睇跌打，或許媽媽覺得這間小學校風不好，小四便轉校到47座的聖鮑思高讀書，結束了光慈的生活。光慈學校是在慈雲山重建前已停辦，今天我已完全忘記光慈裡同學和老師的名字，在網上亦未能找到一點兒有關光慈的資料，彷彿光慈學校已完全消失於歷史中。

慈雲山十三太保

慈雲山十三太保是1980年代位於香港黃大仙區的公共屋邨慈雲山邨當中最著名的青少年朋黨組織。當時該組織是屬於三合會社團14K，不過，今時今日，這13位成員在經歷過社會的洗禮之後，都已經改邪歸正。當中他們的首領陳慎芝更成為了十大傑出青年。而他們的故事亦被拍成電影，而其中一位成員李兆基現時則從事電影策劃及演員。陳慎芝（大陸媒體寫成陳盛之）。他是香港的傳奇人物，半生經歷比電影還要戲劇。他曾經是香港黑社會大佬。年輕時，打劫鬥毆勾女吸毒，無惡不作，早早就在有“惡人谷”之稱的慈雲山稱霸一方，外號“茅躉華”。他和他兄弟們的事跡還被搬上了銀幕，和他們的“堂口”同名，就叫《慈雲山十三太保》。早年的打打殺殺，讓他迷信“神打”，跑去拜師學藝，誤以為從此刀槍不入。一次在茶樓遭遇圍攻，他不逃反衝，結果耳朵被砍成兩邊。在慈雲山的日子裏，忐忑不安和空虛生活讓他開始吸食上吸毒，成癮後幾次入獄，九年折磨，更是讓他成為半個廢人。偶然機會，他開始信奉耶穌，一番努力成功戒掉頑癥毒癮。改邪歸正的他努力造福社會回饋社會，為慈善福音事業建功無數。後來更是大轉折的成為香港十大傑出青年之一。陳慎芝對道上人物瞭如指掌，電影界朋友如拍攝黑幫人物，時常欲請其做顧問幫忙，他如覺得題材不壞，亦肯幫忙，以助教化後生。《三狼奇案》、《跛豪》、《慈雲山十三太保》等電影他便有份參與。現在在電影圈，以電影為生的李兆基便是他當年的兄弟。 2014年7月13日更新轉載自：http://hk.apple.nextmedia.com/news/art/20140713/18797818 14K的十三太保，一個在上世紀六七十年代橫行慈雲山的童黨，成員當年個個胸肌發達，每天為毒品或睇場利益活在刀光劍影之下，「慈雲山十三太保」七個字，都曾在在江湖掀起腥風血雨，也讓人聞風喪膽。十三太保的二號人物，被喻為最兇狠的打手「貓仔」，由堂堂一個手下過千的大哥，沾上白粉毒癮後，他說「連揸刀都無力」，毒癮日益加深，最坎坷的日子，貓仔眾叛親離。古惑仔歲月廿年，他在刀口上䑛血、其後跟隨大佬「茅躉華」退出江湖，不單放下大哥的尊嚴，三十歲時更選擇在老人院工作，每天靜靜地替老人家清潔身體，甚至要替他們清理大小便，看似平淡枯燥，貓仔說他反而感到快樂，再也不用在江湖過着擔驚受怕的日子。上月貓仔確診末期肺癌，壽命剩下三個月，昔

慈雲山-舊事 (轉載)

轉載自"經典日本特撮●動畫●卡通回憶"網站巡更小時住慈雲山,那時大廈無保安.要每戶每層輪流出來巡更. 我細細個都得(10歲到),每人掛臂章,一支棍及一個BB.就四圍走. 都幾柴娃娃. 洗地大約每三個月,房署有人來洗地.洗地就係搵支大水喉來噴.噴完就走. 每戶都會走出來,用掃把擦下個地及掃走D水.好熱鬧. 收租區長帶埋一大班人每家每戶收租(都幾煩,一層都有百幾戶,重要收十六層) 所以次次收租好大陣仗.記憶中,區長係女性. 較天線如果要較天線,就要等天台開放.有人睇住才可. 那時至少3個人,一個在天台,一個地下,一個在屋企. 天台那人較天線後,打手號給地下,地下再打手號給屋企. 都幾煩. 爛屋六十六座側有個長期空置的爛屋.有人話鬼屋.大家知不知故事? 巡更頭兩三次感覺好好玩好威猛(有碌棍嘛) ....之後就唔願去lu 洗地細妹負責冇我份收租就因為區長拉隊嚟收租先睇到200呎住10個人所以俾多個單位較天線以前住四樓電視天線裝窗口邊 , 睇無線指向東面...睇麗的要指向西...死未 (有乜辦法唔慣性收視) 爛屋住咗65座咁耐都冇留意我住65座2樓,周不時在61座同65座中間公園玩. 不過我座係有問題公屋,但住咁耐好有感情! 冇記錯我係在1967年9月份由李鄭屋搬去61座4樓(近62座這邊), 依稀記得入伙時全層4樓人影都冇隻, 行咗出走廊幾乎揾唔返自己單位, 因為個個單位門口都一樣自己當時太細個冇記門牌號, 直至82年先至分多個65座4樓單位....正正救護站對上, 夜晚成日俾啲we~wo~we~wo聲嘈醒, 住咗20年太多日回憶, 間中發夢都會翻返去慈雲山. 新舊對照我屋企人拍於78年.下圖拍於04年8月,26年後用同一位置再拍多一次嘩!新舊對照, 犀利! 26 years later, d山都唔見o左, 比d新大廈遮住. 時日似風飛~~ 我見到有D頭髮嘅我媽媽抱住我細佬拍的.老人家不便上鏡嗎! 1986年同隔離屋街坊在65座走廊搞搞震各位舊街坊, 對以下美食有冇印象.(而家食唔番); 65座地下的煎"讓"三寶,馬路旁的炒面. 天井內的車仔面同牛肉粥. 家家頌的豬排飯. 61座

由 Blogger 提供