集體回憶 - 慈雲山

搜尋

1994年的44座合併圖 (Big B 提供)

日期： 5月 12, 2009

取得連結
Facebook
Twitter
Pinterest
電子郵件
其他應用程式

P.S. 謝謝網友Big B 提供照片！

44座圖片慈愛邨

取得連結
Facebook
Twitter
Pinterest
電子郵件
其他應用程式

留言

發佈留言

轉載自"香港地"網站小弟乃舊慈雲山59座鄉里，小學就讀『聖文德小學』、中學就讀『培敦中學』，小時有病就去伍若瑜健康院輪籌，有空就去小童群益會玩康樂棋及去中央球場睇人放船仔，有時會跟媽媽到『萬年戲院』睇戲大小小就會去2F、5C巴士站旁小童機場打機，晚上可以在中央公園睇未出道『黃日華』踢球......你是慈雲山人嗎小學就讀『聖文德小學』咁有冇去過寶 X 飲茶呀？我讀 1.2.3 座既中心幼稚園架~~~~~呵呵！ 123座，是近毓華街的座，或是沙田坳道的123座？我在鳳凰新村的『聖西門幼稚園』讀書當然係向旺角坐小巴過左香島中學，就叫 " 斜路 " 有落~~~~~ 個 1.2.3.座啦~~~ 你知唔知你的123座在未拆之前變成了飛虎隊訓練教場哈！唔知呀！未拆之前十年左右我都搬左~~ 不過早排我都有上去慈雲山中心，鳳德飲茶~~~~~~~~~ 四十八座,住左廾幾年,而家ｏ的路都改埋! 駕車返去都唔同晒. 四十八座是不是近觀音山腳那邊搬去樂富，你都算好早搬走個堆住過鳳凰村有無計傾呀??? 歡迎，我細個成日去鳳凰村架小時我好百厭,經常扭親手腳...然後就經常幫襯"梁華跌打"你有無幫襯過?知吾知重現壯? 我有幫襯過，但之後發現隔離香國成醫館仲正，還記得有次去那兒睇跌打，係對面酒樓斜坡上見到一隻成隻貓咁大老鼠，成間醫館人都走出去睇我住0左慈雲山30幾年, 住過2 座, 未走前都搬過去慈民村(以前66座果到). 細個讀四小, 中學讀保一. 我踼波反而去7號仔, 打機就去7-11 對面個間. 我就唔記得巴士站旁有小童場. 我小時得閒就去東區及南區借書, 有一年仲有玩具借, 不過過左一陣就無左. 前一陣子去過123座果到, 唔同晒啦, 要locate 以前 D building 都有 D 難度. 反而是萬年果堆私家樓就無點變, 當然萬年及寶爵就無左啦. 中學剛開始去打機, 去得最多的機竇就係鳳凰村間瑞利, 書局就去聖B對面間書局, 不過一時記唔起個名. BTW, 講起書局, 好似萬年後面果間導航者仲係度喎, 係咪? 想想0下導航者都有成廿幾年啦．我當年曾住鳳凰村時與吳鎮宇為街坊，時見佢喜穿一身米白乾濕褸，飄逸有型，甚有明星風範，但當時他還

有冇人以前讀過慈雲山聖公會約榮小學? (轉載)

轉載自uwants: http://www.uwants.com/viewthread.php?tid=12568107 我係喎，係 86年畢業架我86年讀到小四後就搬入屯門讀書了.我重有手冊係手我都係86年畢業架！D書同手冊家吓重在，之後去佐地記讀中一我係讀6C班的，班主任姓潘，關生係最惡死，以前都比佢打唔少，大個之後諗返起佢應該係基我都係讀6C班架，你邊年畢業架？我讀到小三時要拆校，都唔記得係邊年囉小五班主任都係潘年旺先生,小五時全班都好fd好熟,所以畢業後有同學最初兩三年都會約齊一班同學同潘生食飯,又上過佢屋企, 關生就真係惡到可怕,但好在我數學唔差所以絕少俾佢打,關生結左婚好多年住秀芳花園,學校拆左後聽潘生講佢學識燒臘移左民, 我係唔讀書日日掛住落萬年打機,所以小五後要留班,我諗唔返自己邊年畢業,以前分上下晝所以下晝班可以完全唔識上晝班既人與事, 我好記唔記反而記得的阿sir miss名~ 小一小二班主任憑福杏小三小四班主任蕭美清小五班主任潘年旺留班o個年小五同之後小六真係諗唔返... 其他阿sir miss記得重有,高sir盧sir,呂婉玲miss關, miss關教美術住銅鑼灣因為有年佢帶左我同十個八個美術好既同學去虎豹別墅寫作比賽上過佢屋企參觀成二千尺又帶我地去酒樓食飯. 有年唔記得邊個miss有事有一個鄭sir代課,鄭sir當年連D miss都可以迷倒,靚仔阿sir叫鄭天樂,永遠都係代課先生最好玩最nice, 之後拆得拆搬得就搬...可惜！我唔識一個同學小五留班嘅！不如你自己招啦！我是86年畢業的, 應該係下午6A or 甲班。班主任好似係高國英或潘年汪(呢兩個名好熟)。關生同潘生屋企我都上過去，上年在美孚撞倒潘生，同佢寒暄佐幾句添，佢而家住响美孚．諗緊係咪識你,中學讀地記id係thomas,估你個名有個德字？haha 你咁講咪等如同我係唔認識,除非你記錯o者... 咁真係唔識都唔奇,我都係估o下o既o者... 不如你比D貼士我吖！我真係唔記得有個同學係小五留班架? 如你係我所猜o既阿德,咁你應該有印象我o係鳳德撞見過你, 06年過年時我o係竹園遇過志豪同佢老婆,佢生o左件唔記得仔定女, 如果你唔識邊個叫志豪咁你就唔會係我所講o既阿德嚕！

慈雲山-舊事 (轉載)

轉載自"經典日本特撮●動畫●卡通回憶"網站巡更小時住慈雲山,那時大廈無保安.要每戶每層輪流出來巡更. 我細細個都得(10歲到),每人掛臂章,一支棍及一個BB.就四圍走. 都幾柴娃娃. 洗地大約每三個月,房署有人來洗地.洗地就係搵支大水喉來噴.噴完就走. 每戶都會走出來,用掃把擦下個地及掃走D水.好熱鬧. 收租區長帶埋一大班人每家每戶收租(都幾煩,一層都有百幾戶,重要收十六層) 所以次次收租好大陣仗.記憶中,區長係女性. 較天線如果要較天線,就要等天台開放.有人睇住才可. 那時至少3個人,一個在天台,一個地下,一個在屋企. 天台那人較天線後,打手號給地下,地下再打手號給屋企. 都幾煩. 爛屋六十六座側有個長期空置的爛屋.有人話鬼屋.大家知不知故事? 巡更頭兩三次感覺好好玩好威猛(有碌棍嘛) ....之後就唔願去lu 洗地細妹負責冇我份收租就因為區長拉隊嚟收租先睇到200呎住10個人所以俾多個單位較天線以前住四樓電視天線裝窗口邊 , 睇無線指向東面...睇麗的要指向西...死未 (有乜辦法唔慣性收視) 爛屋住咗65座咁耐都冇留意我住65座2樓,周不時在61座同65座中間公園玩. 不過我座係有問題公屋,但住咁耐好有感情! 冇記錯我係在1967年9月份由李鄭屋搬去61座4樓(近62座這邊), 依稀記得入伙時全層4樓人影都冇隻, 行咗出走廊幾乎揾唔返自己單位, 因為個個單位門口都一樣自己當時太細個冇記門牌號, 直至82年先至分多個65座4樓單位....正正救護站對上, 夜晚成日俾啲we~wo~we~wo聲嘈醒, 住咗20年太多日回憶, 間中發夢都會翻返去慈雲山. 新舊對照我屋企人拍於78年.下圖拍於04年8月,26年後用同一位置再拍多一次嘩!新舊對照, 犀利! 26 years later, d山都唔見o左, 比d新大廈遮住. 時日似風飛~~ 我見到有D頭髮嘅我媽媽抱住我細佬拍的.老人家不便上鏡嗎! 1986年同隔離屋街坊在65座走廊搞搞震各位舊街坊, 對以下美食有冇印象.(而家食唔番); 65座地下的煎"讓"三寶,馬路旁的炒面. 天井內的車仔面同牛肉粥. 家家頌的豬排飯. 61座

我的光慈學校

光慈學校位於40座隔鄰，是救世軍附屬的一所基督教小學，我在那裡的下午校渾渾噩噩地渡過了三年(小一至小三)，我那時的小孩不像今天有父母或姨姨培同，大多數是自己返學。每天上課前，學校隔離的遊樂場有很多同學在玩耍，那些飛仔外形的"大哥哥"打千秋都是企在凳上好"勁"地飛上半空像要跌出千秋，旁觀的我也覺刺激。每逢星期六都需要早上上課，我會早些返學與同學在學校附近嬉戲，那時慈雲山有很多流浪狗，我們有時會用棍叉狗屎來玩，或玩下老鼠籠，雖然無聊但很好開心。逢星期六的早會都有一個著軍服的男人用國語來講耶穌，而且一講便個幾鐘，對年紀少的我只覺既悶又辛苦。細個時不知讀書為何物只顧嬉戲，默書都在低分中徘徊，不知是否這樣養成今天很善忘。小息時常玩推同學入女廁或玩閹人，有時會跟同學夾錢買"孖條"食，那時亦很流行食散裝很大塊圓形的蝦片，到三年班時試過跟同學玩兵捉賊不知如何頭撞柱流血，媽媽為此事來學校見校長，不久又玩打架令手較裂了，還因此去了幾次鳳凰新村的梁祥睇跌打，或許媽媽覺得這間小學校風不好，小四便轉校到47座的聖鮑思高讀書，結束了光慈的生活。光慈學校是在慈雲山重建前已停辦，今天我已完全忘記光慈裡同學和老師的名字，在網上亦未能找到一點兒有關光慈的資料，彷彿光慈學校已完全消失於歷史中。

由 Blogger 提供