中央公園沙地 (@Big B)

那個栱形鐵架以前d細路好大膽會"行"上而唔係爬上去。背景可見到43座、47座、鐵皮屋及聖鮑思高小學。
圖中的"格仔人"分別是相主和他的兩個弟弟。

留言

  1. 匿名3/04/2008

    Big B: For me... only walking on the little one... cos I might get hurt...

    回覆刪除
  2. 匿名3/04/2008

    中央沙池,是我們住在慈雲山既小朋友必定去既地方,我記得細個時常和大哥去玩沙,築長城和用泥沙整圓型炮彈(製作方法:是掘沙池深處的濕泥,用雙手將之揉成圓型,再在表面鋪上乾沙。)記得當時常製圓型炮彈去攻擊鄰居好友,互相投擲,這就玩了一個下午。

    不過阿媽說晚上沙池是附近野狗“方便”的好去處,所以叫我們不要去玩沙。之後,又不知是什麼原因,中央沙池被市政局封了,令我們住在慈雲山既小朋友少了一處耍樂的地方。

    回覆刪除
  3. 細個時想學同學整沙泥彈但整極都整唔到,原來要用深處的濕泥整!

    回覆刪除
  4. 匿名3/18/2008

    我而家23歲,唔睇d相都唔記得個沙池,d相好正

    回覆刪除
  5. 匿名7/10/2008

    沙地仲存在嘅時候,兒時未嚟玩過的話....都唔好話比人知你住過慈雲山啦!大佬!哈.....

    回覆刪除
  6. 匿名7/11/2008

    由兒時沙地玩泥蛋(天真小孩),至大咗波地打架犯事(問題少年),都關我事....哈!!
    慈雲山陀地......唔係、應該係沙地......?!同大家玩吓啫,我今年都38歲,仲有個仔12歲,以前住52座,現時拆遷咗去樂富。(間中都會帶埋老婆同個仔上慈雲山懷舊一吓,唔知你哋有冇呢?)
    借此;向所有當年被我蝦過嘅朋友仔,衷心認句錯!各位SORRY!對唔住!
    仲有,我响慈雲山溝到過嘅女,都要同你地講聲:多謝!我會永遠記得你哋!(排名不分先後);(51座)呀顧、(49座)九妹、(43座)呀寶、(53座)如萍、呀夢、(47座)呀妹....(應該冇漏,如有請多多包函、原諒!)

    回覆刪除
    回覆
    1. 是不是住6楼啊宝啊花個妹?

      刪除
  7. 你咁威! 可能見到你個樣我認得你都唔出奇! ^^

    個時我唔係飛仔不過都無乜人蝦我, 可能好彩掛.

    其實個時d飛仔一班班係屋村樓下行行企企都唔知佢地做乜? 現在就唔同在, 無心機讀書個班都喜歡打機上網, 玩自閉多!

    回覆刪除
  8. 匿名7/11/2008

    我知那個花心人係邊個,佢係蔡家其.

    回覆刪除
  9. 匿名7/12/2008

    好開心今晚同相識左20幾年舊同學同街坊相見,我地以前一起在中央玩.還記得那時我地成班女仔到中央球場比的飛仔療,今晚重遊舊地中央球場,大家都有千言萬語,講下我地以前發生過點滴.真是難以形容的興奮,泰昌那個太子女.翁鷄,寶儀,鷄粒,還有我.記得個時成日打架,比人打,比人溝,還差的比人劈,哈哈.,;而家想起都唔知幼稚還是好笑.我是讀至正下午校架.出產最多壞嘅學生.又講番起以前相識的人.有些己不在人世,太可惜.有的食了白粉,有的比人斬死.還聽聞有個訓在街頭死了都沒人知,我心痛,因這些都是我曾經相識的人.....但很興杏我們今天還能夠在中央公園再重逢再相遇........

    回覆刪除
  10. 匿名7/12/2008

    慈雲山人,你住邊座架?你幾歲呀?我哋真係會唔會識嘅呢?我而家38歲,前文講笑啫....我都唔係成日蝦人?!細個時貪玩年少無知,我諗嗰時好多細路都係咁上下架啦!唔中意讀書嗰班,就緊係溝吓女、週圍蒲吓....唔係咁、今曰邊得嚟咁多慈雲山回憶呀!哈....

    回覆刪除
  11. 匿名7/12/2008

    呀匿名人:
    乜你咁架?!人哋响度sorry同多謝,你就話人花心仲爆埋名?係唔係?你又知?難導你係其中一個佢要多謝嘅.....???
    (慈雲山路人)

    回覆刪除
  12. 蔡家其呢個名.....好熟?佢叫咩花名呀?住邊座架?有冇多D呢個人D料爆呀?佢靚仔嚟嘅咩?點解咁威可以溝咁多女嘅?係咪吹水咋?而家佢大約幾歲呀?我有D印像好似識佢、唔記得响邊度聽過佢個名,唔知係咪同學定鄰居?有冇人可以幫吓我?我以前住49座架。
    唔係男

    回覆刪除
  13. 匿名9/04/2008

    我以前住52座,成日在公園比d同黨圍, 比人搶手提遊戲機,晚上落街影印連書都比人搶埋...唉..唔好話比我知o個個粉皮係你呀~

    回覆刪除

發佈留言