有無人以前是讀慈雲山聖包思高小學呀! (轉載)

轉載自 http://www.baby-kingdom.com/forum.php?mod=viewthread&tid=1178625

有無人以前是讀 -- 慈雲山聖包思高小學呀? 你們記不記得李sir / 溫生呀! 以前我是住43座 ka!

我住47座架,溫生係咪教英文,嗎人打人打到好勁個位,咁你現在搬咗去邊區呀?

係唔係miss溫呀,生得細細粒的個.

李sir係咪教體育那個呀?溫生係咪隻腳有小許跛那個呀,我係住52座.

今朝諗起,馮Sir先係跛跛地.

我都讀過架, 你地第幾年架. 睇下係師姐定師妹呀.

係呀!溫生細吾細粒,吾很定呀,因為我個時重細粒過佢,嘻嘻!我覺得佢有小小 mix, 吾知佢現在如何呢? 她是我一至六年級的班主任呀!
李SIR 其實佢好似無教過我,不過我記得佢呀!馮SIR 就好似是教下午班的? 有兩個叫大細礦,個細礦是教我健教和體育的. 我讀完六年級,學校便要破啦!我現在不是住個區啦!不過搬來搬去都係住在附近呀!你地呢?

其實我現在都好想回去43座ka, 不過已是不可能啦,現在完全吾同晒,不過有時我會發夢都會在以前的屋企.
我平時會去萬年食野,早兩個星期,我帶埋個女去中央球場影相.你們會否回去行吓 ka ?

我都係有時發夢都會係以前屋企架,去萬年食炸蛋呀,中央我以前都成日去架 我都好懷念住慈雲山日子呀.
係呀! 比你古到我係去嗰間食炸蛋! 我每次都會叫炸蛋/魚肉翅和正豬腸...的.每次都係去嗰間,吾會去第二間 ka!
請問你是那一年畢業? 是邊個做你班主任? 你是住那一座呀?
你地還記不記得,大益文具店呀? 我在鳳凰村見到個老闆和老闆娘呀! 他們的頭髮都已經白晒啦!我以前常在這間店買文具和聖誕裝飾 ka!

我都唔記得邊年畢業啦,好似姓鍾個我班主任 我住係42座架,你呢 大益我依家仲有幫襯佢地買野架.佢地兩公婆真係老左好多呀 咁我地都做人媽媽啦.時間過得真係快

你住42座,未即係我格離嗰座,我住43座呀,你重記吾記得你以前樓下嗰噹生果店呀?
我以前是讀你樓下嗰間幼稚園 ka! 你搬左去嗰間大益附近呀? 我有時都會經過 ka! 不過現在好似無文具賣啦,對嗎?
唉!時間真係好快呀!不過有時又想再快D(是在想快D放工/放假嗰時)嘻嘻!!!

圖書館-都幾近49座同街市ka! 無記錯好似係四樓.我以前借過D鬼書,最記得有一本是講關於髮型屋,幾恐怖ka!

我往30座,你應該係我小師妹,因為我係6?年度讀,咁miss都教好耐喎,我記得佢真係幾惡,

30座是否在有間可以飲早茶又可食燒野好似叫 (美景) ,又有一個街市嗰邊呀?附近好似又有一間叫做基?小學.
係呀溫生真係好惡 ka, 我比她打過手仔和罰留堂啦!

樓下生果店 係咪陳裕發,有幾個肥妹個間呀.你讀街坊幅利會呀,我細佬都係架 我就讀文彩係沙田坳道呢,你知唔知邊間呀,我成日係大益下面間餐廳富寶食野架,而大益我都係幫襯去買衣紙.咁你搬左去邊呀.

吾係呀!生果檔是在42座樓梯口附近ka.不過後來幾年無開檔la!
l陳裕發,我都常去買野食ka,我重記得以前買一包大卡樂B都是$8炸!現在要成十幾蚊!
文彩-我吾係好知呀!因為我以前多數去的地方(美景/慈雲閣/43座至44座和66座附近).
我好小去47座食野,多數去48座到食,雲吞河/西多士...我到係搬左係附近lor!

你講返起又係,有生果檔喎. 文彩就係,係慈雲閣隔離咋嗎?

美景我成日都去食架.基本上就係我飯堂 個間小學叫基慈呀,都唔係附近啦,都幾遠架.我仲記得每8月都有人唱歌,行大運,唔洗錢飲氣水架好熱鬧好開心架,你地有冇去睇架.好好好懷念呀~~~~~~~~~~~~

無呀!我都吾知有得飲,你就好啦! 我記得有一次去陳裕發買左一支大可樂(嗰時是玻璃樽),不過在等lift時,不小心跌破,不過我拿回個樽蓋去話比佢地知,她們都比個支我呀!

我多數是你們的小小師妹,我只記得我在讀小三,學校就要拆啦!只記學校對開有乒乓波枱、停車場。

oh!那你之後去左邊到讀呀!再找學校未好煩lor!學校出面還有一個小公園,不過吾知是否叫做(東姑庭).

我去左基慈。個時好細個入學D野唔記得啦!
http://www.flickr.com/photos/16901106@N06/
在聖包影的學生相,其中個是我 。個D實習老師黎嫁!


係呀!以前是會有d時候會有實習老師 ka! 我重記得d老師好小會寫黑板,通常會用一D已寫定的字條再用藍色膠貼住個黑板.
重有呀!如果答對問題,會有一張香噴噴書籤ka!

是呀!都唔知點解佢地要用藍色膠貼講書?

應該係為左方便law! 因為講來講去都係嗰d.

哈哈~乜咁橋呀?我又係住43座喎~不過我唔係讀果間學校~

呀!你又係住43座呀!吾知我地以前有無一起玩過呢!不過我相信會見過面, 我以前是住十樓ka!

我住八樓同五樓架,八樓就係日頭玩既地方,因為我D堂亞哥,夜晚要瞓覺,五樓就係我啦,伯父同埋伯娘一齊落去瞓既地方~到而家我仲好記得添呀!因為我細個係伯娘湊架~

五/八樓,我就無人識,我只識七樓和十樓d(街坊/同學仔).不過講講下,以前識得有個女仔,吾知好似花名叫(x包),佢好似又係比人湊,佢都幾可憐ka,因為佢成日都比佢呀哥打.

好彩我唔係果個女仔啫!哈哈...咁你有無印象43座樓下有間紙紮鋪?再隔離--->最篤有間叫做萬安水電既鋪頭?係我伯父開架!

無印象呀!不過嗰間紙紮鋪我呀媽以前都成日幫襯ka!個老闆好好人tim.附近有間可以食波羅冰ka! 你有無食過呀!

波羅冰同紅豆冰,綠豆冰等.我都有食好好味.隔離仲有一間叫(香港遊樂場協會)你地有冇落去玩架,我細個時成日都落去玩架.仲記得有乒乓球玩,康樂棋等.

如果入去玩要吾要比錢ka? 我無去玩過呀! 但知道好似有得保習.

30座係中央球對面,隔一條馬路,有茶飲係隔離座,咦小師妹你係讀上午or下午斑,我係讀下午班,記得陣學校隔離座有幾間士多,我經常係度買野食,特別懷念紅豆球同孖條雪條,慈雲山充滿好多我難忘回憶,特別係童年,我8歲就搬上這度住啦,而家住沙田,但係有時都會上去行下,除左中央球無變其他地方都變哂llu,講番miss佢陣教我四年級英文,我就無乜俾佢鬧,不過男同學就慘啦,俾佢勁鬧同扭耳仔 不過佢都係想我好,不過男仔又係幾曳,我條校裙係咪灰色背心裙,因為實在太耐啦 不過我重記得我著校服個樣

我是讀上午ka,嘜溫生都有教下午咩!我未去過學校附近買波羅冰,因多數去43座樓下買.
以前校服夏季:上白下藍連身裙,在心口打個藍色胡碟結,上身白色體育衫(下身吾係好記得啦).冬季:白色長袖衣和灰色連身裙.全白色長袖體育衫.

以前老師有會教埋下午班,會唔會英文科老師難請?

可能啦!不過都幾辛苦bor,我記得佢在lunch 吾食野ka,只會食一個apple.佢個桌面有一張在荃彎圓圓學院的相片.
你地還記不記得以前學校d洗手間廁格的門不可以關實,嗰時真係好煩,因好怕比人打開.

係呀,俾你提一提係有分冬夏兩季校服喎,我記得套應該係冬季的,夏季套你講起我又記得啦,因為以前貼手冊張相是冬季校服的 不過我比較喜歡夏季套,靚

係孟蘭節嗎?

乜有免費汽水飲咩,我唔知? 不過每年個時候真係好開心好熱鬧,好似係中央球每年特式咁,度有潮洲蠔粥好好食,不過要比錢,好懷念,係呢而家球每年重有冇做戲呀?

我以前都係讀聖包架 ?

咁遲先報到呀!

下晝先睇到呢個 Topic ,係咁上下啦!

吾緊要,最緊要有報到!那你是住邊座ka?

係呀係呀, 大家一齊懷念下!

我係8x年的下午班的學生,勁懷念出到門口落樓梯好多好多街邊檔,有魚肉麵,串燒.手製雪糕,魚旦,牛什,蘿白糕,同埋我至愛魚球,個時好似五毫子一串.43座間士多好似有紅豆冰,菠蘿冰,勁懷念,有時發夢都會見到,不過校服就唔係好記得,係咪上身白下身藍的裙呀????
我係住52座,仲記得成日在在52及53座中間的公園玩,好似仲有間叫誠信的酒樓.

我都係住52座, 你住幾多樓, 我住頂樓.

同你爭二層,我住14樓.

52座近邊處?

我知,我知, 附近圖書館同街市仲有我記得個頭有間酒樓架.

魚求,現在好小地方有得食啦!不過我知道在黃大仙有得食,好味呀!我記得以前好怕賣魚求個老闆娘個身形嫁,因為個時細個吾識,原來只是骨架問題,所以初時我吾會去買ka!

5毫子有2串嗎?

魚球好好味,我最鍾意吓埋甜醬一齊食,仲正!

魚球係咪炸棘椒豆付炸魚球呀!

唔係呀!

咁係乜,係咪細細粒係成鍋油度炸呀,因為見好多人鍾意買來食.

係啦 你講得對真聰明呀!

你地現在有無去慈雲閣呀! 我記得以前有隻牛ka!不過現在應該不在啦!
5毫子有2串,如果而家重有就好啦! 最低價$5都只有10粒到!你有無去買來食呀?

依家我都仲有去慈雲閣架,隻牛冇左好耐啦. d魚球依家真係貴左好多,仲冇咁好食 ,你依家係唔係都去黃大仙買呀夜晚先有架喎.

你重有去慈雲閣呀!其實現在重有d嘜野好看呀?
係呀!我會經常去買野食ka!上星期五先之買完兩串燒賣,有時9:30後再去買雞亦尖/牛雜...現在好想食呀!!!

依家慈雲閣都冇咩野睇架啦.通常d人上去都係拜袓先.
係呀d雞翼尖真係幾好食架,咁..........你要等到9:30啦.

慈雲閣以前有隻靈牛,你哋有無去過見牠呢?
慈雲閣--我以前經常上去玩的,我當那裏是我的別墅,地方又夠大,好似粵語殘片中的大錢佬屋企咁

別墅唔好玩啦.仙人地方黎架.

不過如果細個覺得是自己個別墅同d朋友仔玩,都幾好玩播,因為真係幾大同乾淨.

嘜原來係先人地方呀!我都係後來先知道有個地方是給人拜祭先人咋!
以前細個以為是比人(參觀影相/看隻靈牛/有個幾暗的長洞穴比人休息/溫書),不過我覺得個長洞穴都幾恐怖.

別墅-禁好笑! 我以前都只是去過幾次炸!不過我記得,有個幾黑的地方,有d椅子,都幾恐怖!靈牛-我以前都見過!

我講免費氣水個到唔係中央呀,係32座個頭.而中央8月都仲有大戲睇,因我行過時睇到.

可樂仔,你依家重住係慈雲山咩,乜唔係重建要搬咩,我99都搬去大仙,係呢點解你地咁叻記得座打座,我剩係記得30,31,32座,因我住呢度 同二十幾座,同以前係黃大仙搭van仔沿路上座數,咦咁我學校隔離座係第幾座,死啦好多都好模糊,但係呢回憶又好開心,

我唔係係慈雲山住,但係我媽咪仲係附近住啫 我成日都返去揾我媽咪架.學校隔離個座未係47座囉 你住30,31,32架,個到d魚肉米,狗仔粉好好味架我同家姐成日食架

狗仔粉,好味呀,講起都想食,加棘椒菜甫,唔................... 流口水呀,我對落二十幾座近街市頭都有好多野食,有個肥嬸嬸賣潮洲粉果好正,佢自己整,不過聽聞個嬸嬸己過身了,係呢你住四十幾座又會我呢頭玩,你亞媽唔鬧咩?重有,乜有圖book館咩,係咪入面有牙醫睇間

我係住42座架,咁我讀文彩放左學坐完校車係40座落,咁未同家姐行去食囉.食完先返屋企,D大人會係美景等我地架 !
仲有52座個頭有圖書館架,係政府大樓呢.有電話簿攞架呢,好似最高個層呀.

你講起慈雲山d野食,真係好多架 31,43,48,座d野食超好味依家真係好難揾到同食到 以前d水準啦.由其係魚肉麵 超 LIKE呀.

魚肉麵我都有食呀!還有排骨飯呀/車仔麵呀/雞粥...唉!真係正呀!!!由其現在d排骨飯/雞粥無以前禁好食呀!

係啦!最衰要禁夜啦!不過其實d雞亦尖都幾貴,因為成本好低之嗎!魚球我都係鍾意查甜醬ka! 唉!魚求同雞亦尖都要等到9:30才有,不過到時我應該食飯食飽左la!

大家可以去呢度睇下 http://tszwanshan.blogspot.com/

我都係住43座,七樓.但我不是讀聖包思高,而係讀救世軍光慈.有無人是我的校友呢?
慈雲山--我最懷念48座的小食,和三十幾座的小食.
又好懷念係萬年睇戲,買一張票,三姊妹一齊睇.

我都是讀此小學住 43座5樓, 但小五就搬入元朗, 到出來做事在尖沙咀才搬回43座住, 直至最後才搬, 我是差不多最尾搬那一堆, 當時每次行過小學, 就想起各小食檔及43座之大排檔, 現在已找不到了

乜學校不是在48座樓下咩? 我記得以前返學落樓就係喎!
不好意思突然說話 我都係這間學校出來的, 不過已忘記了.
我係住48座的, 請多多指教!

不用不好意思!歡迎!歡迎!!! 學校是47座隔離,如果你是住48座,返學應該是上兩條樓梯才對播!

e家黃大仙邊到有D食呀!搵左多次都見唔到 好想食呀!

依你小學讀聖包同基慈後中學讀基協架 小師妹

是呀!幼稚園是文彩tim~

咁我地未幼稚園,小學,中學都一樣.

我地都好有緣wor~

yes 你係幾多年架,唔知我地識唔識架呢!

我94年讀中一!

可能識都唔定喎,因為我都唔記得92定93讀中一啦.

依你係我師妹黎喎,因我見到我媽咪朋友個女呀! 黃大仙綠色小巴站,但係夜晚9:30先有架.

你好想食呢! 吾好!好啦!等我教你去啦!
你知吾知新光酒樓係邊呀,附近有條大行人天橋上樓梯嗰邊,再行上小小會有D綠色小巴,沿住小巴線行上去會見到D木屋仔,你就會見到ka啦!
如果你想食魚求/雞亦尖最好晚上9點後才去,雞亦尖是一至星期六 9點後才會開的.好似幫人賣廣告tim!

簡直他鄉遇故友! 我以前都住 52 座既!
自從搬離慈雲山, 我直到而家都覺得好奇怪, 我成日發夢返慈雲山, 已經搬離十幾二十年, 到而家都係咁!仲要好頻密.
請問有冇好心人可以send 一 d 係慈雲山影既外景相比我呢? 印象開始模糊, 但懷念.
謝謝.以前係何美玲做我班主任. 大約10年前同小學同學見過佢, 老了, 縮晒水!

52座是否近圖書館嗰邊呀? 我又係有時都會發夢在慈雲山ka! 我都算係好遲才搬嗰批,但時間都已相格十幾年啦!但通常都只會發夢在慈雲山,好小發搬左新嗰間ka!

我唔識BK用引言個function. 52座要過條馬路先到圖書館. 德愛中學望上去就係53座, 中間係52座, 再隔離係51座.

等我講下我記得既~
1.聖包出面有 $2 既炸薯條, 炸完灑鹽落去既.
2.仲有$0.5 杯既雪糕, 係 3 色雪糕, 個亞叔用穀"筆"落個 cone 度.
3. 魚肉麵有粗&幼, $1.5 一碗
4. 我係53座基甸幼稚園畢業既
5. 樓下有間誠信茶樓, 順發茶餐廳(唔知有冇記錯名), 同慶茶樓, 蘇記士多,新街市有個圖書館(後期起既).
有再補充...

我都係基甸幼稚園畢業,不過我讀完三年班就轉咗校, 記得三年班時要跳絲巾舞比高班畢業生睇(勁娘), 我每日放學都好鍾意走去隔離睇人整舞獅頭

要跳絲巾舞 冇乜印象喎~

52座有三間士多, 蘇記, 潮聯, 近公園個度仲有一間叫南記, 我最鍾意係潮聯買雪糕,蘇記買玩具, 南記買雪糕三文治......
仲有一間明記茶餐廳, 我老豆最鍾意飲嗰度d奶茶, 近公園個邊仲有一間雲妮春髪型屋, 誠信對住個度仲有一間賣童裝(唔記得乜名,我好中意個度d衫o架!!)
真係好懷念慈雲山的日子

潮聯好熟, 今晚問下亞媽先! 我記得南記個仔叫楊伊域! 雲妮春我都有剪過髪, 髮型師係長毛來.

南記個仔個名我都記得,鬼咩,佢阿媽成日大聲搵仔!

我讀聖包上午校, 校長叫伍鳳添, 那時有盧生&溫生(教英文), 何美玲, 蔡生( (教數學),大細鄺.
有小賣部, 放體育用品既房(好嗅), 3樓係教員室, 地下露天部份叫冬廊, 聖誕地下一定有馬糟裝飾.

WA! 你都幾西利bor!記得幾多錢.比你講到令我記得有個亞叔正雪糕tim,好味呀!
以前我同魚肉麵個老板娘好熟嫁!嘻嘻!吾知佢地一家三口現在如何呢?
你可以在我講的方格裡,左上角有個紫藍色戰咀寫住回覆,便可以引文啦!

所以我成日覺得我既思想仲徘徊在那裡! 唔知點解!
仲有檔麥芽糖, 個亞叔整到個波咁, $0.5 一粒, 如果你吹到同佢個鋼圈咁, 就獎食一次, 吹唔到會穿窿.
我仲好記得我班同學大部份既全名... 但冇聯絡啦 !

係呀!係呀!真係好餃笑呀!我又記得啦!那你有無吹到呀!你是那年畢業ka?

睇人吹多, 我冇乜錢! 我今年30歲, 唔知邊年畢業!

小息時仲有個嬸嬸係出面買燒賣同魚蛋呀.

係呀,重會有好多人迫住叫野食 tim!早餐都好似有ka! 個審審重會用支木桿勾住個碟賣比我地.D魚蛋查甜醬,正呀!

我記得啦~好似隔住度閘賣比學生! 以前有人洗樓賣野食喎!有個亞婆洗樓賣粉仔,豬紅,魚旦. 有個亞叔洗樓賣炸雞翼!

我仲記得亞婆仔首歌仔"有粉仔,有麵,有魚旦賣呀

好勁呀!

係呀!d粉仔仲好好味tim! 另外仲有一首"鏟刀呀磨鉸剪,磨鉸剪~鏟刀"

我都聽過呀!

哇 我什麼都忘記 居然也記得這句呀 呵呵

好勁, 你recall 左我既memory, 我直頭記起個音點亨!

我又記得潮聯啦, 最近互助委員會那間!!!!!

你真係好強呀,潮聯都記得,我都係住52座14樓,今年32歲,同你好接近,我諗我們試過同一時間讀聖包

好邪! 我應該識你;你又應該識我,我都住14樓! 保持神秘感好!

你地就好啦! 我開這個Topic都係想搵反d同學/朋友仔,最想搵反是住我對面嗰個朋友呀!

未必係好事, 可能有牙齒印, 就算係, 都係10幾年前既事, 應該唔會放係心既~~

我今年又係三十, 不過我唔係大包豬油膏讀, 我係53座聖公會聖十字架堂幼稚園畢業, 小學讀聖文德

"大包豬油膏"

講起洗樓賣野,我又記得有個呀怕好大聲叫豆.. ...腐花; 有個好好人肥審審賣豬腸粉/燒賣/魚蛋/粉果; 又有個呀怕大叫賣涼衫足.
有時都想而家屋企都有這些人賣野就好啦!不過就危險D!
我記得有次就到新年,去43座好似2定3樓,正D新年掛物裝飾,賺左幾十元.你地有無正過呀?

我記得有次就到新年,去43座好似2定3樓,正D新年掛物 ... <------ 呢句唔明! 43座係咪聖包斜對面, 有條樓梯行上去架! 有點模糊!

在43座,我吾記得是在2樓定係3樓,有一間屋可以比人拿D新年吊飾回家加工,賺D外快.
43座是在學校上面,要行上三 , 四條樓梯先到ka! 你有無在學校門口望上去個斜坡有D木搭柵仔呀,柵仔裡有好多野食ka!(有魚肉麵/排骨飯/車仔麵/西餐/粥...), 柵仔隔離就係啦!

記得, 車仔麵好大碗既!

請看看!http://tszwanshan.blogspot.com/2006/09/blog-post.html

有時睇到相, 但只幫到少少記憶, 我出去做野啦, 聽日得閒再上來蒲.

仲有油皮,豬腸,蘿白好味道........+D甜醬仲GOOD 我好鍾意架.你地有冇食過呀.

我係讀聖包思高下午校, 我只係記得我地上課, 一邊用學校樓梯, 一邊用唔知幾多座樓梯上課, 仲有學校聖誕節有一包小食送, 我體育老師係馮sir, 最經典有一次佢代堂, 叫我地隨便發問問題, 我記得有人問點解女人兒生仔, 佢話女人無野做(古時), 所以女人要生仔 , 仲有校歌
兒童之父包思高
愛主愛民德行好
我們老力為前途
........ 唔記得.

我都係讀下午校,馮sir都教過我,但剛剛在第二度的討論區話馮sir早兩年過了世...

原來你讀下午校, 咁或者我唔識你啦! 邊度第第二度的討論區, 可否post條link上來!

惜惜,我諗住埋一層樓,一定會識,就算唔識你,都識你屋企人啦,為保持神秘感,不如講下你同咩街坊玩吖.

我諗過, 我估你係細 no. 門牌, 因為我諗唔到你係邊個, 可能真係唔識, 我冇出去同街坊玩, 你係咪姓湯架? 你唔介意就話我聽/暗示你係邊個啦! 我部腦今日傻傻地, 今日可能唔係咁快上到來~~

惜惜,我唔係姓湯,但我一直估你係姓湯Nancy,估錯咗添,我係大no.門牌的,但都係姓湯的附近,你係住我地呢邊,定係第二邊的????

我住第二邊的, 亦認識湯Nancy. 不如pm 我呀? 你講左,我一定話番比你聽? 好嗎. 只怕你講完名, 我都唔知你係邊個.
真係唔知你係邊個, 咁多tips 大家都估唔到, 我覺得 9 成我地係唔識既!
話實亞 Nancy 幾靚, 我記得佢父母係又聾又啞既.

我可能都識你哋,因為我都識Nancy湯, 仲同佢有少少牙齒印tim, 當然希望佢唔好放係心啦,話哂都二十多年前既事

我諗我可能識你哋,因為我都識Nancy 湯,仲同佢有少少牙齒印,我當然希望佢唔好放喺心, 話哂都二十多年前既事

今日成日都上唔到bk! 可能係咩牙齒印都唔記得lu...

係啦!可否給條link上來呀!

咪係你post的那條link 囉,我睇咗好耐, 好多相,好多回憶, 正!!!
http://tszwanshan.blogspot.com/2006/09/blog-post.html

嘩! 好多謝你給 link, 原來另有網站講慈云山, 最懷念就是在43座樓下遊樂場的公眾電視機, 但最有feel 是一張幾個小朋友一起玩滑梯, 其頂的一個小朋友還背著BB. 以前有很多小朋友都要幫手背著BB才能去現, 我柒歲就要背著我妹妹周圍走了, 現在一定是奇景+給人告虐兒

我記得個音, 唔記得歌詞, 我本小學記念冊仲有keep,某部份成績表仲係度,睇黎你地好多做晒媽咪,我出年先嫁!

你出年嫁啦.恭喜晒!

me too!

多謝你呀! 愛情長跑, 我同男友跑左13年啦~~

嘩!!!!! 13年好長喎,兩個都咁勁呀,真難得.希望你同未婚夫有好多個13年啦
祝: 白頭到老,永結同心. 恭喜! 恭喜!

其他讀慈雲山聖包思高小學既同學仔, 你地有冇覺得升上中學好慘?聖包程度好低,升上中學好吃力! 我升中連 I am a girl 既文法係點結構出來都唔知, 即 subject, verb, object, noun 都唔知係乜! 小學根本冇教! 當時所謂英文測驗考試,係老師比晒範圍, 死記答案!
我升上中學後, 成績太差, miss 係我本薄寫 see me, 我冇去, 之後比佢鬧, 佢問我做乜唔去見佢, 我話我唔知see me點解, 又冇意識同我有關, 所以冇查字典! 我同中學 miss 講, 我係小學讀書好叻, 係優異生, 佢O晒咀!

吓!你這個情況好似都幾慘噃!但係我記得以前好似有教呀!這樣之後你個中學老師有無特別用心教你多D呀?

直頭入左輔導班! 之前明明名列前茅, 到中學考第尾, 仲要英語授課, 日日返學唔知做乜, 大受打擊, 成日喊, 成績追得好辛苦! 當時係人生一個大難關!心靈上既打擊最大,成績差, 同學都唔理我.

oh!真係好慘呀!好似看d 慘劇呀!
你去左一間好勁/好有錢嗰D學校咩?點解D同學仔會吾理你禁衰ka!

我原本派卜維廉, 亞媽用人事關係幫我入左間中上既學校. 小學真係冇教英文!不過經過6年中學生涯 (有一年留班), 學左好多野, 相信係卜維廉未必有咁好.
你派邊間中學呀?

你就好啦!你媽媽有人事關係可以幫到你!總算先苦後甜!
我吾係派在慈雲山裡面呀!派左去土瓜灣嗰區,返/放學都好慘,坐車好遠,所以我嗰時好想在附近讀的.

派左去土瓜灣咁遠! 不過讀邊間中學對將來真係好關鍵.
我收工啦~

係呀!所以未話你好law!
你收12點呀?我重要等到一點呀!!!

有可能wor~

我想問下中學邊個係你班主任呀.有冇D同學姓名講黎聽下呀.

我F.3個年玩劇社。你呢?

劇社咩黎架,我唔知喎. 我只係記得我係協社咋, 穿橙色p.e衫呢?

我係基社。
中二個年班主任miss X(家政室個果)
中三個年班主任miss 林(打字室個果)
你識唔識杜游詩(讀音)唔知係唔係咁寫!

家政個個唔係MISS黃咩..... 打字個位係肥LAM呀. 讀音又係咩黎架, 仲有冇D出名D同學呀!

是呀!你讀到幾年走。中三年做風紀 。我身形細細粒咖!

我讀到中五呀 係黃宗澤個年呀.

我睇下有冇新血上來, 見到呢個 topic!
好似我係新血, 無意中見到呢個 topic!
BK 唔多好用, 我蒲開 Esd life & she.com, 唔駛下下按下一頁, 睇得舒服.

hi:各位慈雲山舊街方你地好 !見到這個post好有親切感!因為你地住山頂我就住山腳!我係住係6座(伍若瑜健康院對面)讀五邑鄧樹椿小學下午校!見到你地對話內容,真係好似返回慈雲山一樣! !我細過都成日上中央玩同(鬼節)會同爸爸上去睇大戲!好開心! 記得有次差不多拆哂d舊樓同學校、郵局!我專登坐私家車返去走一趟,見到全部細個既回憶拆哂,我真係忍唔住哭咗出嚟!好似咩都無哂既感覺! 所以我到而家成日發夢都夢番舊屋同見到d舊街方,好似真一樣,但係已搬咁多年!真係其怪 !咁你地有無成日落13座對開既水塘玩叫(馬仔亢)!!!最近我都返過去仲見到未拆既有(梁華)跌打、健康院等!!!你地家人搬咗去邊!我家人就係凰德村!!!!

其實我有時都好想回以前的慈雲山ka!但... ,吾可以啦!有幾次我在想,如果無變到就好啦!可以返去行吓嗎!唉!

我都係思高出品, 我記得小小佢首校歌:
兒童之父, 包思高
愛主愛民德行好
我們努力為前途
.......

現在見到你地寫了以前校歌的歌詞時,我只記得個音和小小歌詞,但回想反以前每天早上都會唱,但跟本都吾知D歌詞什麼意思,如果當時我知道D意思的話,我覺得今天我的前途應該吾錯.

我都係讀五邑鄧樹椿小學下午校P.1A-P.6A,
1978年畢業,相信你是我師妹;我是住17座真係好懷念以前細路的時代,需然慈雲山係好雜同好舊嘅屋村,但係是我最有回憶的一段時間,我家人住CHUCK YUEN 北,我就搬左去馬鞍山.對不起各位慈雲山聖包思高小學舊街方,我唔係你地校友但左這裡POST,但見到這個post真係好有親切感!

hi 我應該係你師妺!我都係1A-6A!你有無兄弟姊妹讀同一間!!!校長:司徒珍!其他老師(恐龍)陳主任、范產頭等等等!你記得幾多????你有無去過15座天台有個遊樂場!!!小學係我最有回憶既地方

Hi ,我細佬讀1B-6B佢83年畢業,你呢?我記得有(涼粉佬)楊國樑,葉婉儀,黃翠雲,粱敏蓮,Ms. Yeung(鬼鬼dat).唔知范產頭在萬年開果間鞋店仲在嗎?佢個口頭禪"殺你頭"不知殺左我幾多次,你有無比佢殺過 呀,15座天台遊樂場係我地嘅聖地,返學前必到地方,遲到返學就係起果度玩唔知時間.

我係搵光慈小學時kick到呢度,好開心,好似返番去舊時住個度!
我最近的起心肝,返去慈雲山,搵番回憶片段現場,滿懷感觸!
發覺由中央公園上43座段路短咗,最奇怪的係上少少梯級就到,以前應該要上多好多!請問有無人清潔?多謝!

留言

  1. 我都係讀聖鮑,又是在43座住的(325室),你在文中提及的馮sir(跛跛地那位),早前我聽番一些小學老師講,他在前幾年己息勞歸主。

    說起聖鮑,真係好多回憶,我最記得是那一首「因父及子,及聖神之名,阿門」與及神秘的二樓(即是給傷殘人士和輕度弱智住的那一層),我記得那一道天橋是由聖鮑思高二樓連接至44座對面的長樓梯(即是去48座大排擋那條長樓梯)旁。

    回覆刪除
  2. 原來您住我樓上!
    聖鮑二樓係紅十字會開, d特殊學童車車身係深藍色, 您記唔記得44座有d可移動既鋼架斜台方便輪椅由學童車上落地面, 我細個時成日係個到玩.

    回覆刪除
  3. 可移動既鋼架斜台方便輪椅由學童車上落地面?我記得,我細個時都有玩過,位置應該是是在43座對出的停車場處,即是在香港遊樂場協會對出的位置。你不提起的話,我差點忘記了這回憶~~~

    回覆刪除
  4. 說到馮sir,最後一次見他是二十多年前的事。那時,我已畢業了八年。那次相見是在伍華書院,未知他是否在那兒當兼職。
    那次一別,完來是永訣了。
    他教我的時間不多,印象中,他教音樂的,
    他好像很愛音樂。有一次,他播英文etv俾我地看,開始時有一段音樂,他就不禁在打拍子,這一幕,我印很深刻。因為我也很愛音樂,不過那年頭,生活艱難,冇機會學。心裏很喜歡同樣愛音樂的人。馮sir肯定不知我是誰,但仍在這兒遙寄一語:祝福!

    回覆刪除
  5. 昨天和教會中曾在聖鮑讀過既人講起馮sir,我們對馮sir竟然有一個共同的回憶------就是他處罰學生的方法,那年代老師仍可體罰學生,馮sir用藤條打學生的方法自有一套:他會叫學生伸直雙手,然後會說:再伸直0的,當學生以為他是用藤條打手掌,但原來他會打落學生的手腕,我也曾被他處罰過,故記憶猶新。

    回覆刪除
  6. 匿名1/24/2008

    馮sir was great! I remember he would reward us with western sweets if we got full marks in our weekly English dictation... He was always professional and I enjoyed his class very very much... He is sadly missed...

    回覆刪除
  7. 匿名4/24/2008

    我是住在43座3樓2xx室,不知我們是否相識?另外看到big B合唱團照片,真巧合,我是其中一名女仔,再看到他的畢業照及他提供的紀念冊,原來我和他是同屆,我是6A班,希望有機會聯絡。我記起的老師便是高年級班任王志芬老師,另大鄺叫鄺淳暉,細鄺叫鄺乃暉,細鄺教我英文,叫她寫紀念冊,她拒絕了,但她說以後你多點回來探老師便是了。馮sir很nice,他也曾教我英文,默書100分,禮物便是一支珍寶珠。我們一班同學更曾到他的家(當時他住旺角),而有一位叫蔡主任,好像是教鷜學的。何美玲老師教體育。

    回覆刪除
  8. 我係review33睇到轉載呢個blog,好開心呀.一路睇,一路笑.係會心微笑.有好多記憶係個腦度走返出黎.
    我都係讀聖鮑思高小學嫁.我呀哥同我細路都係讀聖鮑.我都應該係1981年畢業嫁.不過我應該讀6A既.我班主任係Miss WAN,佢教我哋英文嫁.佢仲有樣野係成日都苦口婆心咁同我地講嫁,就係佢唔知係咪可以foresee到教書會有今時今日既結果.佢當年成日同我地講叫我地千期第日唔好教書喎.幾犀利呀,先知一樣.
    我都記得馮Sir,李Sir佢係主任黎,又有無人記得有個Miss叫黃x珠呢,我都好記得佢呀,因為我阿麻同阿媽成日話佢好記得我阿哥喎,加上佢個家姐同我阿媽係同事.
    Um...雖然以前啲生活係窮困啲,不過諗返都幾回味.依家慈雲山已經人面全非lo.

    回覆刪除
  9. 我是第二屆上午校,1969年畢業,相信很大機會是您們的師兄,當年從四年級至六年級的班主任是李振木先生,我當然不會忘記黎超榮校長,伍鳯藻主任(如果「藻」字記錯,請勿見怪),四年班教算術的Miss張,五年班教英文的Miss Wan(溫), 六年班教英文的Miss Wong(黃),還有六年班教算術的馮Sir,還記他曾經在堂上教我們唱歌,我記得他當時這樣說:「我希望您們祇會唱歌給認識的人聽。」他教我們唱歌要用丹田氣,唱之前深呼吸下,氣運丹田,我至今仍沒忘記。

    回覆刪除
  10. 原來不少師妹、師弟都如我一樣,經常夢見慈雲山。由於我年紀實在比您們長太多,所以您們所說的我確實未必知道;Sarah提到的應該是指黃伍珠老師,她住在48座,我六年級時,當時還有升中會考,她私下借了一些參考書給我,該感謝她。李振木先生是我四至六年級的班主任,聽說他後來升為主任,亦聽過伍鳯藻主任升為校長,大家可告訴我真相嗎?很多人提及的Miss Wan,記不清楚她是五年級下學期還是六年級上學期教我們英文,您們大多說她「好惡」,而我印象中她祇是一位要求特別高的老師,須知「玉不琢不成器」,她依然是一位好老師。講到馮Sir,有人提到他於若干年前已離世,我感覺十分惋惜,六年級時他教我們算術,相隔接近40年(1969),我還記得一次他曾經教我們唱歌,他說:「我希望您們祇唱歌給您們認識的人聽;唱歌要懂得運用丹田氣,唱之前深呼吸一口,氣運丹田,然後開始唱。」馮Sir,永遠懷念您!

    回覆刪除
  11. 我還想補充一些,記得四年級時,有一次,教算術的張先生(Miss Cheung)於課堂上突然口吐白沬,有抽筋現象(相信是羊癎症發作),我當時祇有10歲,覺得十分嚇人,事後看見她沒半點異樣,這事令我畢生難忘;還記得一位鐘懿芳老師,教我們「社會」,印象中她是一位長得很漂亮的女老師。那一位師弟、師妹可以告訴我,為什麼當年無論男女老師都稱「先生」,後來又一律改回稱「老師」?

    回覆刪除
  12. 期望聯絡上四十年前的同學或老師,我在慈雲山第47座長大, 1967-69年就讀於聖鮑思高學校上午校, 第二屆小學畢業同學。年紀愈大愈喜歡回憶, 時常午夜夢迴, 夢見四十多年前的學校生活, 看到同學和老師, 如果有緣的話, 希望可以彼此再遇上。

    回覆刪除
  13. 我們的年代,很多科目的叫法與現時不同,記得當年的「國語」,現在叫「中國語文」,「算術」就是「數學」,英文一本O.E.C一本N.E.C,後來還有一本Grammar,「自然」大概就是「常識」,「社會」是簡單的歷史和地理,「尺牘」教我們寫中文書信,「健康教育」故名思義,到六年級最後期幾課是十分保守的初級性教育,還有音樂、體育、美術、聖經等跟現在大概差不多,如講法有誤,請賜教!

    回覆刪除
  14. 「可能是歷史上最不負責任的學生會會長」,想起這件事,我實在覺得十分慚愧和內疚。離開母校最初的三幾年,與同學和班主任李先生有過幾次聚會,一次在母校某班房內,有人提出組織學生會,當屆畢業生就祇有我們三十幾人,記得李先生主張以舉手投票決定誰當會長,承蒙各同學不棄,我竟以最高票當選,很可惜,記憶所及,我似乎從來沒有履行過當學生會會長的任何職責。光陰飛逝,有些同學繼續學業,有些如我等因家境問題,兩年職業中學生涯後即踏足社會謀生,同學間的交往就愈來愈淡了。

    回覆刪除
  15. 昨日看過一編相信是一位小師妹的留言,意思是指母校聖鮑思高學校的程度低,令她升中學後跟不上,我不敢苟同;當年慈雲山最有名氣的小學是天主教聖文德學校,她的前身是模範村天主教學校,已有多年辦學歷史,而我們的母校確實比較新,當時還有升中試派位,我的一班有36人(記憶所及),獲派中學的有11人,我是其中一人,奈何深知家境困難,不大可能完成五年中學,放棄了正規中學學位,入讀一所兩年制職業訓練學校;我知道有班中同學獲派喇唦,亦有後來進入中大及理工。請恕直言,是否您小學時未用功讀書?何必埋怨母校。

    回覆刪除
  16. 我從四年級至六年級無論段考及期考,幾乎每次都是考第二,一位姓王的同學考第一,六年級時,來了一位「高手」插班同學,那次考試我跌落第三,一天,當排隊進課室時,我不守規矩,與同學聊天,班主任老師李振木先生忍不住了,用書本大力拍打我的腦袋一下,說道:「你嘅成績跌哂喇,仲咁多說話。」我才恍然大悟,所謂「知恥近乎勇」,跟著的考試,我每清早躲到「騎樓」埋頭苦讀,終於,我考到一次第一了!至今,我經常把這個故事講給我十二歲的女兒聽,目的是想激勵她要用功讀書。李生,多謝您!

    回覆刪除
  17. 匿名7/07/2011

    Hi,我以前都係讀聖鮑思高架 住43座的,呢張相我都有架..不過搬過屋唔見左,但我仲記得..
    企我隔兩個既女同學如果冇記錯應該係叫倫淑婷,仲有個黑黑既男同學冇記錯應該係叫黃金海,
    同企左手邊老師前面既應該係姓吳xx唔太記得,當時學校要拆..佢地就轉左去基慈學校,仲叫埋我
    一齊轉,因為屋企人關係 所以冇轉..亦都

    回覆刪除
  18. 喂喂板主,我都係相中人之一喎,你見字就email我吖����
    kamchikin@gmail.com

    回覆刪除
    回覆
    1. 金您好, 邊個係你? 邊一年畢業o架?

      刪除
    2. 我應該係94年畢業,後面最肥最百厭嗰個就係我啦hahaha
      你呢,邊個係你?

      刪除
  19. 匿名9/16/2018

    我都係相內既人,想搵返回憶同以前既同學,呢張相內既人 你們係邊個?有冇聯絡方法 keep返?

    回覆刪除
  20. 魚肉面最好味!聖鲍斯高隔篱。有間士多叫启祥士多!返學前會去買野食

    回覆刪除
  21. 我是1980年聖鮑思高下午班畢業

    回覆刪除

發佈留言