前慈雲山66座信生幼稚園的同學 (轉載)

轉載自"香港討論區"網站

前慈雲山66座信生幼稚園的同學
有冇人以前响呢間幼稚園讀,不論上、下午班,邊一屆都可以响度聚一聚!

大佬,我72年讀架。講唔講得?

72年 ?!?! ... 我唔夠你早添... 72 年我未出世..

當然可以啦....大師兄

我係86年畢業

好正呀... 等我都搵下我d 生日會相先...

我80年出世,女仔,我諗我84~86年讀緊,我唔記得哂d同學仔既名,睇番d相好懷念呀,如果有人讀就出下聲哪我記得生日有紅雞蛋食,向學校裡面會吹漲d吹氣泳池比小朋友游水架!

可能我地係同grade

你好嘛?我讀下午校架

我81年出世,我記得我84年讀幼兒班,我讀下午校,我都係女仔,後來D真紅雞蛋轉晒做膠紅雞蛋,你又記唔記得呀?

會唔會其實我係識你架,我都係81年出世,不過係都唔記得個樣, 無你咁好記性.

如果我冇記錯,我讀下幼C(唐先生)、下中B(洪先生)及下高A(黄先生)

我真係唔記得啦,遲d睇下d成績表仲係唔係到先!
我淨係記得有一個教我o既miss 係略肥,卷髮到膊頭爆爆地炸,係記得咁多

你講果個應該係朱先生
亦都有可能係黃先生

點解你可以咁好記性o既, 聽你咁講又好似係姓朱, 你有無生日影o既相呀 post出黎睇下我係唔係到,
馮係有同學仔生日都有相影.

有d咁既事??我唔知呀?定係我唔記得左,但向我印象中無呢樣野呀?
咁轉哂膠點食呀?同埋可能我早一年所以睇唔到轉膠紅雞蛋呢個時刻

唔係咁既意思呀,係好似依家seven門口d扭蛋機d膠蛋咁,可分開兩邊而裡面有d乜,就唔係好記得la

我住慈雲山架..我細過都係果度讀.... 90年出世..應該96畢業..好似遲你地好多

乜原來96年仲有信生幼稚園架咩,我以為無左架哪?

嘩~~~~~~~~ 我諗我係最早期果個... 唔個叫聲"師姐"丫...
邊年... 就真係唔好提... (其實我都唔記得~)
我仲有生日會影o既相呀, 果時每位生日o既同學會帶蛋糕返去, 生日果個 miss 就會幫我地影相啦~~~
校服係連身裙, 上截白色, 下截紅色... 之後有冇改呀 ?

你係邊一年出生, 我唸你可能要叫我做帥姐喎..........

oh.. 我是上午的,,.but 我係信生都冇咩好回憶, 哈哈!
你知唔知校長大約6-7年上左天堂啦

我記得個校長姓簡

上午同下午校的校長是不同人的

我的校服照


好正呀... 等我都搵下我d 生日會相先...

我冇讀過信生,不過我讀葛師,望過去見到D學生行果條鐵樓梯覺得好恐怖,條鐵樓梯好似生晒?随時會倒塌咁.

果條鐵梯我哋每日返學放學都必經架,不過可能果時仲細過,冇諗過佢會倒塌喎,我仲記得有次叫曬全校師生企曬响鐵梯影大合照添!

p.s.我唔係讀信生幼稚園,我屋企人至係…

隔咗二十幾年,見到這幅相,有難以仍容嘅感覺,呢幅相應該係有特別用途,但我唔記得用嚟做咩,問吓你屋企人知唔知道,同埋幾時影嘅,唔該

嘩!勁呀,咁你都有呀,好珍貴,唔知呢張相入面有冇我呢?但好好好記得我有份影呢張相,但d人太細粒睇唔真,究竟裡面有冇我呀?

我都係90年出世,96畢業wo!!!!!
係咪間野全名係咪 "信生中英文幼稚園" ???
但點解樓主話66座既? 地址唔係慈安苑安欣閣咩???

小師弟,你好呀,我們讀過的幼稚園前名的而且確叫信生幼稚園,依家既慈安苑就叫慈安邨,樓宇的樣貌就像現在的牛頭角下邨,以前學校有3層高架,而它位於2F巴士總站再要過一條班馬線位置,鄰旁為現在的學校村,後來因要清折舊樓重新建設整個慈雲山,才將66座拆咗搬到現在的安欣閣。話時話我比你大成9年呀!

Hello, 你好, 我細個都是信生幼稚園喎, 我住在63座!

我住61座架!!你邊年入去讀架?

我都係住 61 座喎 ... 我住 11 樓的 11011 室...

哎吔!我都係住11樓,係真的!

hello, 你好呀, 我在73年入去讀架, 我d細佬們都是這間(信生)出來的, 我地同簡校長好熟 ka, 你又係邊1年師兄 / 師弟 呢 ?

Hello, 你好, 我細個都是信生幼稚園喎, 我住在63座, 你好呀, 我在73年入去讀架, 我d細佬們都是這間(信生)出來的, 我地同簡校長好熟 ka, 你又係邊1年師兄 / 師弟 呢 ?可否用e-mail 做聯絡.或用手機呢. 請放心喎, 我肯定是信生幼稚園舊生 嚟 ka,

你唔係話簡校長已經上左天堂!!!
另外我就好鐘意行個條(好危)既樓梯,因為可以順便望下街景。
我係信生校生80年出世,唔記得幾年入讀!

我都係bor, 86年畢業..張cert 仲係到

咁你讀上午/下午校架,話唔埋你係我同學喎?

上午校的...
btw..那個消息是我朋友在報紙上看有信生幼稚園的創校人簡xx 的家人寫個d 弔唁,,,,

同埋...我細個個時校長都好似好大年齡wor
個張係唔係真係佢 ??


想問下有冇知藍色衫那位是否校長?

是,真令人懷念,沒有多變

粉藍色套裝個個咪係簡校長囉!
咁即是唔係簡校長上左天堂.隱約見到張相係06年6月!

佢真係簡校長呀,但我記得佢以前係比較瘦的,依家肥咗好多呀!!!

YESYES~簡校長

佢宜家都仲有做

我記得張畢業相係喺幼稚園入面影個喎!

我係86年出世, 讀上午校

但我唔記得我邊年去讀了

很懷念那條鐵樓梯呀...記得讀高班個時, 一時很大風,吹曬d野落街

最鐘意d簿夠10個印仔可以去換禮物...好正呀

我是77年出世,邊年就要計計,其實很多事已忘記了,我最記得係食茶點嘅餅乾同埋生日會要屋企比錢買禮物,企喺壁佈板拎住個蛋糕影相,而我的禮物仍然喺度,係一架電動火車頭,還有我的班主任係黃老師.如有師兄弟記得,上嚟傾下.

我家姐是77年的 .
我也有生日的相

我地好近呀... 我 76 年的.... 都係 Miss Wong 喎...

早年,都十幾年,我間唔中喺九龍城都撞見過黃老師,不過無傾計,我當然認得佢,但佢未必認到俄,其實喺66座未拆之前,信生試過叫啲舊生返去,無記錯好似係開放日還是聖誕節之類,我至少去過兩次,而你早我一年,應該記得呢件事或者有去到,咁你識唔識莫俊光呀?佢同你同級架。

你哋所講既黃老師是否教高班的??

中、高班都有。

教我果個係高班的,又請問上午/下午d先生校長是否一樣.....理論上應該係.....咁先符合佢哋的返工鐘數.

唔知响信生教既老師,仲有冇一個直至到依家都仲係信生教哩?

冇人知道呀???

我想機會不大了,咁多年,應該年紀比較大了,照顧幾歲嘅小朋友會較吃力。

如果係咁就有點兒失望了.

我33 yrs.80年代.讀信生幼稚園對面.永光小學.有無人讀呀?

有無人讀隔離永光小學80年

有冇人有興趣搞校友會?(好似信生未曾有)

好似冇乜反應咁嘅?

信生有冇校友會?

記得以前每天放親學,响學校門外緊有個肥婆吹氣球俾D小朋友(我哋),每次我都好想攞番個玩,但我屋企人總會話"佢用個口吹晒D口水落個波到,污糟邋遢唔准攞!!",唔知有冇人記得呢個肥婆同有冇人攞過佢D氣球玩呢?

你講開又好似係,咁你記唔記得令外一個吹波波,不過係食得嘅,有個啊伯整d好似泥膠之類嘅公仔,重有得吹波,只要吹到佢個鐵圈大細,就有得吹多個。還有,記唔記得學校隔離有一間叫(杏香園)嘅鋪頭,那裡是我放學必去嘅,係賣紅豆冰,波蘿冰之類嘅小食店,但衛生惡劣,经常肚痛。

我記得當年有個阿伯推架車仔賣咖哩魷魚, 同好似有間玩具舖, 細個成日都會去搗亂。

係呀,啲魷魚有兩隻味,咖哩同豪油,我見到就必食,而那間玩具鋪叫榮昌書局,我都有搗亂過。

附近有間文具舖, 我都唔記得個名啦... 我小學同同學屋企開的...

好勁呀你,連間玩具鋪同餐廳個名都記得,我細個果陣可能唔識得讀呢兩間鋪個名啦,所以冇乜印象!!

因為我由幼稚園直到中一,都喺66座住,所以對方圓十里嘅環境好熟。

咁你知唔知有間叫雲裳, 做衫架 ... 都係我小學同同學仔屋企開的... 計計下, 我都有好多年無搵呢個同學仔啦...

Haaaaa 係呀係呀! 書局隔離好似仲有間餐廳 我記得細個果時會去食早餐, 唔知有無人記得 果時66座有lift上樓果邊一出口有檔好似係賣生果 佢地養左隻鴨, 我成日都會去同隻鴨玩.

我淨係記得唔知邊座樓下有間士多養咗隻鸚鵡,你一入去間士多買野佢就會講"買咩野買咩野",好鬼搞笑㗎.

魷魚亞伯住在66座6樓尾近信生幼稚園向永光小學,後來拆遷后,搬到樂仁樓,但早二年前己經.....去了。好懷念他。

佢走左之後 我去慈雲山都係得小食館可以懷念過去.. 而家大部份都無曬 我記得果時66座仲可以睇煙花!!!

真係好耐之前啦.. 後來..都睇唔到, 你都係住66 ?

無錯,不過要十、三四樓至得,我由出世至中一都係住66座,仲有,小食館嘅架喱尤魚不及尤魚啊伯果D咁好食,我試過自己整,但係一樣唔好食,唉,尤鱼啊伯嘅武工已经失傳了.

我係由出生到清拆都住66..你住幾多.... 我係15樓, 你係信生幾年畢業的? 我86.
以前tst 真係好多野食..唔知你知唔知有大茶egg.. 個伯伯同婆婆整得好好食...我以前成日都buy.. 後尾伯伯走左..得番婆婆整.....

我都係住66座15樓or!

真係???? 我住係..中間..你呢...

我住係14070至14078其中一間,我常常在垃圾場對面的空地玩的.

其實我地係唔係識既呢....

哈哈 真係好近呀! 我間HOUSE NUMBER 大你DDDD 哈哈! 可能其實我地係識的..

請問大家? 現在還有無從前66座o的相? 可否pm?

Pls go to the following web http://tszwanshan.blogspot.com/
集體回憶 - 慈雲山 慈雲山人,在網上收集了一些關於"舊"慈雲山的資料給大家交流及分享!

真係感激你,好多相已经無可能再影得番,你係咪讀信生架,一定係住慈雲山啦?

no, I study in "Wah Wai" and live in 61 block.

我都係住61座架!

我住2樓,77年出世,應該早你小小,可不可詳細講吓大茶egg?無理由我未見過.

咁你同我家姐一樣大lor, 我打錯左...是大菜蛋, 好似幾毫子一隻.. 仲有留下間豐園既bread 好好食, 你又記唔記得..留下有間生果檔有養duck.. duck duck 成日咬人.. 後面有間雜貨店 曾經舉行過.. yo yo match>.. 有外國人來表演.

以前有間士多養咗隻鸚鵡識講架,佢識講"買乜野呀買乜野呀",有冇人知係邊座呀,間士多叫乜名呀?

係唔係華生 ?....唔係66 咩?

應該系華生,唔系就梅林辦館,不過華生好似有兩隻貓貓.....! 而攪yo yo show系梅林辦館,有無記錯呢?咁你有無去過華生隔幾間鋪叫強記士多打紅白機(3蚊15分鐘)裡面有紅豆冰同菠蘿冰(唔係一杯杯,係用膠袋装住,雪到好似雪條咁)你嘅年紀應該重喺度。

名就真係唔知呀,淨係記得佢有白麵包買,仲有部切麵包機可以將d方包切到一片片,仲記得個老板會將d$放落鐵桶度,再將鐵桶釣高佢,收$時拉佢落嚟放$落去,收完$就自動彈返上天花板高處,細個果陣見到真係好得意.

點解你哋咁多記憶嘅,我細個冇得食呢d小食架,因家人好少俾我食雜食......惨...,不過家人成日帶我去飲茶,間茶樓有兩層架,唔係好記得叫乜名,好似叫寶爵呢? 而生曰買蛋糕返學校就例必係超羣,果陣好望媽咪買美心架,因我覺得美心d蛋糕靚d,而我媽咪就覺得超羣平d,所以超羣贏晒!!!

我都係食超羣..因為近...媽咪成日都buy...哈哈

我都係鐘意美心,因為超羣間鋪望落好污穢,嘩!寶爵酒樓,亦係我的至愛,即時湧現大量回憶!

哈!我記我果時係要去隔離間學校上PE堂。

係呀,好似叫永光小學

我係基督教信生會信生幼稚園第十八屆畢業生(上高C班),係1987年畢業嘅。以我記得,我當時嘅校長好似叫簡念恩。 第一排嘅老師,左邊第三個好似姓何,右邊第三個姓林,林老師係我當時嘅班主任!唔知點解,仲會記得二十年前發生嘅事。我仲記得其中一兩個同學嘅名添!我係下面數上嚟第二排右邊第二個女生,唔知有無同班同學睇到呢?相認吓吖!

我畢業果年嘅畢業相係去對面德愛中學度影嘅,你係唔係?看到你嘅畢業相,我都想揾番我果張出嚟。

我記得張畢業相係喺幼稚園入面影個喎!

名位師兄師姐師弟師妹你地好
我89年出世的 幼兒班低班高班都係信生讀
舊校新校都讀過 好似94-95畢業的

young

over 30 yrs.先有兒時回憶...

唔止.....我未過30也有兒時回憶喎.....

咁你今年18歲未呀?

唔知仲有冇校友呢度?

好耐無師兄妹上嚟吹吹水?

各位校友你地有冇d細個時响慈雲山影嘅相呀,post上嚟分享下.

有無永小光學朋友.今年34yrs

我都係.. 我是1992畢業的

我吖我吖~~我大約69-72 年畢業ga ~` 請係ge朋友pm我吖!!~ 吖! 好興奮吖,..哈

永光小學朋友????

嘩嘩嘩~~~我呀!! 我87年出世,90年入去讀, 另外我都係永光小學既同學仔黎架! 不過我淨係讀左一年級就轉左校喇~~

o吾知仲有無..永光小學校章..看看

唔好意思雖然我唔係系嗰度讀, 亦唔係系嗰度住,但我外婆係住66座3樓既,我諗我啲表哥,表姊,同表妹都係嗰度讀, 因為佢地都係住66座3樓! 佢地應該 分別係72-76年出世啦!

我都係同你同期不過遲你1年,不過係中心幼稚園.

永光校友,我系73年在永光小學畢業,由3年班讀到6年班,住61座二樓岑醫生樓上,有時間再分享我的畢業相和懷舊相。(不過這個網頁是"信生",吾知信生舊生會否介意)

ha ha .....我吾系讀永光小學﹐但系我O牙媽系永光教左幾第十年書﹐E家都退左休LU

我相信我73年永光畢業証書上有校章,你等我一兩日"抄一抄",若有,希望可post 上黎啦!Sorry, 原來畢業成績表上沒有校章圖樣,希望有永光學, 生可以幫到你!

我都係80年出世, 我記得中班係朱姑娘做班主任...仲有高姑娘,更加唔少得好好人既簡校長.
生日有蛋糕食o架喎,茶點有三文治/餅乾.

我都係86年畢業, 我都係細細個住66的...我住RM130XX

請問有無人o向facebook開[信生幼稚園]group呢???

其實我都有興趣响facebook玩,但唔識點玩,可否教教我!!

我仲未見到有人開信生幼稚園group...唔知開左之後會唔會有人加入呢?
題外話: 你可以上facebook申請account或者透過朋友邀請,facebook好似留言版+相簿用途一樣,可以同朋友share 相 / 留言...etc, 我仲o向facebook搵番D小學同學 :>

我7x年入讀信生,幾兄妹都係同一間,但係冇哂細個時d記憶, 剩係記得出面車仔檔d魚肉麵好好食,士多d提子汁好好飲, 我住61座的,讀保良第四小學,唔知有冇人都係讀呢間?

係! 魚肉麵真係好好味.. 仲有好多小食, 次次返學放學媽咪都帶埋我去食-.-
我見到我d file寫1997 [不葉].唔知係咪--

我都係讀信生架,唔知呢度可唔可以找返d同學仔呢?

信生有冇校友會?不如約d校友出來聚聚啦!

冇校友會架,不過我都有呢個念頭去攪,但此終自己都未試過攪呢類型嘅野.

我唔係信生人,但我係65座的街坊!

相片由阿蘭歴斯's blog轉貼 (話時話我都係呢屆畢業的)


信生blog
http://hk.myblog.yahoo.com/sungsang_alumnus

我80~82的, 果陣有間玩具店叫金星的.
果陣d人帶埋部綿羊仔電單車搭 lift
將部綿羊仔放在自己屋企的, 好過癮

金星玩具店,同埋萬年果間萬里模型係慈雲山細路一定會去嘅浦點,但多數得個望字,因為比較貴。

我91年出世.都唔知幾時讀. 在下我姓林@_@

各位慈雲山的街坊,大家好!
我是在出世一年後搬進66座,時為1970年,照推算我應該是73年入讀信生幼稚園,遲些試試搵番張畢業証書來証實一下,如果搵到的話…
之前有『學弟』提及簡校長的死訊,可以說是事實,也可以說不是事實,何解?
因為相中的『簡校長』,當年還是青春少艾的『簡主任』,而這時的第一代『簡校長』正是她的媽媽,我想大家就會明白這個死訊之謎…
(不過我都係『靠估』…嘻嘻…希望啱啦)

我係呢處都應該係大師兄.老嘢
我同我個妹都係讀信生. 我重讀到小一. 無錯, 係小一. 不過唔係喺 66 座. 以前小一係要坐校車去橫頭磡啲七層大廈天台上堂. 但係朝早 7:00 集合都係喺信生幼稚園. 讀咗一年便轉校. 頂唔順. 我都係65座的街坊.

你意思咁即係話信生有小學部???

係呀!! 橫頭磡啲七層徙置區大廈天台上. 日日行上行落7層. 去 TOILET 要落一層去公廁. 頂唔順第2年轉左去葛帥.

請問有冇人讀埋葛師小學??? about 78-79畢業~~~

上午校定下午校呀 校友.
上午校校長 - 鄭順慈
下午校校長 - 司徒華.

我都係讀完信生, 之後讀葛師小學(上午班). 小學畢業於79年, 再往港島一和尚寺升學.
我仲記得葛師鄭順慈校長曾路過我班房時, 因看見我拋東西而用間尺打我手板, 好采我無童年陰影遮.
係依度我都算老餅啦...

打手板, 我都試過. 但我老餅過你.

困黑房?你指果個係咪士多房,但我記的果陣時俾洪先生困係廁格就試過,唔記得果陣時我曳乜Lu...
另外,如果我們上上下堂賴尿賴臭臭,嬸嬸必定幫我們換褲仔的,返到屋企要洗返乾淨第日拎返去學校還。

我找返畢業相......先就得係八五年畢業.....仲係高b班....
但係我係插班入去.....之前二年讀聖真因為幼稚園搬.....
之後就去左信生.....我都記得行鐵梯.....
又高又熱......

我都係讀信生.不過唔記得邊年畢業啦.記得生日有好多蛋糕.去荔園旅行
好開心,見到呢個post~~

去荔園旅行.....我都有去wor

個時旅行都係去荔園多.......不過真係好懷念

講番信生幼稚園, 兒時印象都幾模糊, 畢竟已經係幾十年前o既事. 但我仍記得的起碼有兩樣o野, 第一, 那時曳的學生會被困在黑房 (都o米話唔驚), 第二, 就好記得老師的"制服"通通係旗袍, 一些高挑老師當然穿得悅目, 但一些又肥又矮的則....
不過這些已成歷史了, 而信生的名字原來已加上"中英文" (不知何時的事), 但這也正常不過的, 我的兒子讀的幼兒班都以英文和普通話作招徠.

有冇人可以話我聽點放相嫁???
我岩岩scan左張畢業相...但係唔知點放上黎....

我都係讀信生.. 2000年畢業 ^^

無計錯應該係87年畢業, 果時最鍾意係門口左邊個斜坡仔到玩荷仔公, 係果兩個屎渠蓋上面跳黎跳去, 放學就去街口到買車仔麵食,當然同阿哥一齊去啦.咁細個.

留言

  1. 有無永光小學朋友

    回覆刪除
  2. 匿名8/22/2007

    KEN 40座隔離有間光慈,43有遊樂場協會,我記得47座有幅兒童圖畫,萬年有間KK超市.我基慈小學畢業.

    回覆刪除
  3. 43座的遊樂場協會分兩層, 上層是自修室, 下層是打乒乓波、康樂棋等.

    光慈我都讀在三年, 之後轉在去聖鮑讀.

    回覆刪除
  4. 我72讀信生 , 當時簡校長係主任 , 小時侯我經常比老師挑選話劇(白雪公主)不過我做小矮人,節奏樂表現 , 當時屋企好窮,一張相都買唔起 , 所以使我更懷念信生幼稚園 , 之後75年便在約榮小學讀書.

    回覆刪除
  5. 葛師小學 ~ facebook group. Please come and join.

    http://www.facebook.com/group.php?gid=21672143503

    Tom 68-74

    回覆刪除
  6. 林浚謙10/17/2009

    hi!我03讀信生

    回覆刪除
  7. 你浩昀3/19/2012

    hi!!! 1986年, 我只記得 上低B..... 二十多年... 上低B 給我永不能磨滅的名字....

    回覆刪除
  8. 我都是信生校友 (呵呵呵) ~

    回覆刪除
  9. 請問你們有冇人識簡榮光全家曾經在1969年至1997年期間住過慈雲山66座民俊樓14樓。
    簡榮光(年約80幾歲)
    簡太秀蘭媽。(年約80幾歲)
    簡秀蘭、籣秀娟。 (各年約54 至 56歲)
    你們講的簡校長會唔會係同佢地有關係?
    如有消息,請聯絡爇線:9332 0424
    或電郵:info@look4mama.com
    www.look4mama.com

    回覆刪除

發佈留言