2009年5月12日

昔日九記3A (轉載)

轉載自: http://www.discuss.com.hk/viewthread.php?tid=9605043

於15年前, 唔知有無brother熟悉3A路線, 我當時經常搭3A探我外婆, 這路線得3部掛牌(CB7165, CD4364, CD4772), 3部車各有特色,其中CD4364起步/上斜快, CD4772的引擎聲最嘈, CB7165最平均.

要開個3A黃大仙(竹園)-慈雲山的死因研究嗎?

PS. 我想知116以往係咪試過用鴨車做掛牌(1980-82)? 如有, 有哪部掛牌車? thx!

我細個住慈雲山, 成日可以係個窗口望到3A,3B, 15A, 我比較多搭3A由慈雲山落竹園...估唔到有板友提及呢條線.. 小弟最有印象係CD4364, CD4772 因為我成日企係個引擎附近睇司機楂車, 但CD4772引擎係特別嘈同好熱 好耐之前3A唔係循環線, 之後先改作循環線直到取消.(有錯請插)

我以前往慈雲山34座, 都係成日可以係個窗口望到3A,3B,3D 15A,116,3C,3M

你就好啦, 我住3座, 所以只見到5C,2F,3A,3B,15A, 我仲好懷念5C用丹拿珍寶同2F的丹拿E的年代

雖然我唔係住慈雲山,但細個時常常都會在沙田坳道等15A返藍田,見到舊竹園總站3A都好旺, 尤其係亞比安年代.. 話時話.. 3A係咪由亞比安直接轉用丹尼士, 佢係咪都行雙鳳街, 所以車型都有所限制...

唔係. 當年轉用雙層時是用勝利2型的. 如果無記錯是1979年轉用的.掛牌車是G10,G12-G15. 後來先轉用Jubilant的.

以前3A定線係點, 記得3A以前毓華街... 但15a就唔經...

點解3A會取消既? 客量應該唔差架wo, 而家竹園返慈雲山要撘貴小巴.

3A 取消由 65 小巴取代 ...

3A係俾綠小37M打敗
37M都唔去竹園..係比65打敗

3A取消, 專線小巴65,66S,67隨即開辦, 67是來往 竹園村<> 平定道(經:鳳德道), 67被九巴11C及新專線小巴72取代.
3A比咩65打敗呀? 請查清時序再上來發表.

關咩事呀 ... 3A 取消才開綠小 65 架 .....

有一次坐211聽一位休班車長講, 他曾渣3A,3A因本來係沙田坳道就可以上慈雲山, 放工時間排到打蛇餅,但因沙田坳道CUT開2節, 改行蒲崗村道, 乘客覺得繞路, 而流失乘客.

若3A仲存在的話, 空調巴士難會收得平過小巴

小弟96年出世, 01年搬去慈雲山, 住三期, 而家讀F.1, 要搭2F落Shek Kip Mei返school
想問吓2F行過咩車呢? 應該唔會行過12M車啦掛? 而以前係咪好多線都係以慈North站做總站, 有冇人知道有咩線係以慈North站做總站?
以慈North站有幾大?

知道最少有116, 3C, 3D, 15A, 3B

2F----鴨車,ADS, 以前慈north--3A, 3B, 3C, 3D, 3M,15A,116, 以前慈north係露天,好大,巴總旁有大斜坡.
5C 同2F有用過勝利二型, 不過可能係拉車, 因為當時成日見佢地用Dennis Jubilant, 但當見到用勝利二型感覺很特別.
再之前5C間中都有用平頂寶, 不過真係好耐之前既事...

請問2F幾時由長牛轉為DENNIS JUBILANT? 3A當時由亞比安直接轉JUBILANT, 3A除亞比安,JUBILANT外,用過哪些車款? 當年慈雲山總站車坑點安排?
舊慈北未拆前有 3A, 3B, 3C, 3D, 3M, 15A, 116 做總站 ......
2F 熱狗方面 .... 以前用過都普鴨做掛牌車 .... 之後用過 BL, M 仔做過掛牌車 .... 之後轉用 11M 水塘 MCW --> S3V(GK8522, GK9583) --> S3N (ES2845, ES5915, FX6852) --> S3N (EV806) --> S3BL(GB2444) --> 全冷
2F 冷馬方面: ADS --> ADS/AV --> ADS/ASV/AV

印象中2F入ASV係04-05年.而2B就05年先入ASV92-93(好似係), 另2F好似同86C一樣原因, 用唔到12米車. 其實慈雲山同竹園都唔係好遠, 咁都要開條巴士線?
你試吓由黄大仙地鐵站行上去北慈雲山總站你咪知到有無需要囉!
2B啲ASV全部都係2F畀佢, 而且2B最多都係ATS或者正午1號order嘅ATE, AVW and AVBE, P.S.你唔好話畀我聽2F行過12M呀嗎?

不...2b果兩架LS牌ASV係一手上掛的, 跟住第D線要歐三化要換走, 入左ATS2同3. 最近就因為加冷而入ATS1, 2B行12米唔只而家發生, 以前唔記得03定04年, 斬行過ATR(但唔知係咪1仔過鐘車), Re:至少01至而家都未聽過/見過, 但86c用過一次12米電都.

1985年之前, 當時的竹園總站係在而家黃大仙睦鄰街紀錄部隊宿舍, 因為睦鄰街運動場當年有一條叫做竹園鄉的村, 所以先叫竹園, 但因為政府興建竹園南及竹園北, 為免混淆, 才個度先改為黃大仙總站. 3A就係由有綠色小巴37M之後就走上沒落, 記得以前37M係用第一代有冷氣的COASTER (CZ牌)行走的. 到左後來, 3A才改為慈雲山北-竹園 (循環線)的。

黃大仙睦鄰街紀錄部隊宿舍,係咪昕係新光酒樓後面果個? 嘩...咁條線個路程咪仲短?

摘自1980年地下鐵路指南第一版




















摘自1978年通用地圖第一版














樓下版主都有講左, 即係而家黃大仙巴士總站的斜對面位置.

當時既竹園 總站, 位於東頭村道與沙田坳道交界(東南方向)

以前慈北出口即是現在愛祥閣位置 .....現時慈北出口以前是北慈食堂 .....

前慈雲山巴總佈局
3A(泊在巴總旁)
山邊 3B 15A 3D 116 3C 3M 慈雲山道

THANKS! 睇返舊相,山邊同3B之間有條通道,近慈雲山道的坑最長,近山邊的坑較短, 3M返而用最長果條坑,而不是車多的線用.

近慈雲山道既月台, 唔記得係3D定係116用.

以前 3E, 203 都是慈雲山既路線

3E好似改左做203E, 改左係富山做總站 (而家又去左彩虹 )

好記得細過我阿婆住第6座(伍若瑜健康院對面), 83年之前3A,3B同5C係行沙田坳道上山(37M小巴總站個位係可以穿過龍翔道的),之後才行浦崗村道上山的話. 當年我住九龍城寨, 所以係坐3號到竹園總站(以家黃大仙)轉3A的, 仲記得3號仲係用緊丹拿A或B型(車尾係落客門個隻), 仲未轉用平頂寶; 當年3C係用長牛, 2F係用短牛+長牛, 大約87-88年才陸續轉用祖比輪; 89年3C開始用坦克行走, 但主力都係用祖比輪。 而家想起3號, 3A已經沒有機會再搭law.

長牛係幾多米咖?

3A掛牌: CB7165, CD4364, CD4771, CD4772, CD4773 + CC938(S1)
70年代中及80年代尾老慈各線車型轉動:
2F - Daimler E → 祖比倫
3A - 老安 → 火箭 → 勝利二型 → 祖比倫
3B - 火箭 → 祖比倫
3C - Daimler E → 祖比倫
3D - Daimler E → 祖比倫
3E - 祖比倫
3M - 火箭 → Daimler E
5C - Daimler Fleetline (Metsec+BACO) → 祖比倫
15A - 火箭 → 祖比倫 → MCW
116 - Daimler Fleetline (BACO) → 勝利二型 → 祖比倫 → 巨龍12米+12米奧林比安,Daimler Fleetline (Alexander) → ML
203 - 亞比安豪華車

CC938 後來轉掛 3C, 直至熱狗轉哂用 11 米車才轉去荔廠 ....

90年代初老慈各線車型 : 如有錯漏, 歡迎指正 ...
只說熱狗方面 .....
2F: N 仔(都普)
3A: N 仔 (亞記)
3B: N 仔 (亞記)
3C: N 仔 (亞記) + DM2034 + 坦克蘭 (EH3012, EH3080, EJ4474), EH9067 掛了不久就換走 ..
3D: EG 牌吉都
3E: N 仔(都普)
3M: BL
5C: N 仔 (亞記)
15A: DM
116: 九巴 - 3BL
中巴 - DL, ML34 (DA3002)

除左3C之外, 其他路線用車都好似冇咩進步

長牛=丹拿E
短牛=丹拿F
3E細過都有搭過, 佢係惠華街總站(而家的慈中總站旁M記位置), 到中學時(90年代初)才改為203E, 改為富山瓊東街(以前嘉禾片場)-佐敦道碼頭, 我冇記錯3E一開線用N (黑金剛), 3M係未同21M合併前係用珍寶行走, 合併後才有DM同BL行走.

3E - 摘自1986年華僑日報















有冇Tsz Wan Shan其他開線資料

2F,3A,3B,3C,3D,3E,3M,5C,15A,116,203 都有

3A - 摘自1964年華僑日報




















3A - 摘自1968年憲報









3A - 摘自1973年憲報


















3A - 摘自1975年憲報





















3A - 摘自1978年憲報


















3A - 摘自1982年憲報



















3A - 摘自1984年憲報




















3A - 摘自1986年Public Transport In Hong Kong












3A - 摘自1987年Public Transport In Hong Kong











3A - 摘自1988年Public Transport In Hong Kong











3A - 摘自1989年Public Transport In Hong Kong













3A - 摘自1990年香港公共交通服務指南













3A - 摘自1995年香港公共交通服務指南















有冇舊相可畀小弟睇呀?

舊圖片購自政府新聞處






















不好意思,找不到相,只係以前上網睇過,果張相記得有LABEL,係邊個網.

以前嘅3a竹園(黃大仙中心附近)<->慈雲山,d客係多到好似紅隧咁收錢. 如果而家老九開返肯定賺到笑!

3A d班次真係每況愈下.

當年九巴最密班次既路線是 3A,11,33, 當年3A既客源與現時37M小巴完全不同.
3A既客源是來往 新蒲崗工業區 與 慈雲山 既工人, (三四十年前香港工業是經濟命脈), 收工時間,極多 新蒲崗工人 到 竹園 總站搭3A, 我每日放學都見到竹園既3A,6B,11有二三百人排隊.
以前2F,3A,3B,3C,5C,15A,203來回是經沙田坳道, 3B,5C是經黃大仙下村東頭村道.
1982年9月沙田坳道分成兩折, 來往慈雲山須經蒲崗村道, 當沙田坳道分成兩折後, 紅小就佔據了沙田坳道北段作總站, 往來慈雲山,服務地鐵轉車客, 兩三年後37M取締了紅小地位, 並成為全港最密既綠小線.
而 香港工業衰落 及 總站較37M唔就腳, 是3A衰落既主因.

而家係最好機會將沙田坳道(即黃大仙綠小37M總站)改做一個有兩條巴士車坑嘅巴總. 將211, 3A(如果開返的話)放係果就正喇! 而家綠小37M太多車, 攪到上繁時間成個慈雲山塞晒!

政府應該放寬部份小巴營運商, 在客量高既路線改用大巴服務.

如果真係咁做, 小巴大王第一個一定反對 .....

慈雲山人口多, 當年運吉冇理由用小巴接駁地鐵, 攪到成個山都係小巴, 你塞住我我塞住你, 空氣污染唔好講, 噪音更利害! 而切斷沙田坳道也是錯的, 攪到蒲崗村道/鳳德道太繁忙, 巴士又要行大運, 如果可以好似鳳舞街天橋的安排, 那麼11,15A,82X,85M,91M...俠使行大運, 可以省油, 更可接埋黃大仙d客.

有點道理, 有時候浦崗村道一塞, 連帶鳳德道、黃大仙道又會塞起黎, 跟住就到鳳舞街天橋位又塞…試過幾次了. 假若當年政府唸深一點, 唔切斷佢, 起一條雙線天橋, 或者今日會更加有助減輕浦崗村道既負擔。

當年政府係有規劃, 興建行車天橋貫穿兩邊. 可能需求不大, 擱置興建.

回樓上有關AEC既問題, 八十年代果陣已經有大泵把之類可以替到長牛, AEC果陣都開始退役了, 即使改裝之後既AEC, 都係行12B、4A之類既線羅…

1982年9月沙田坳道分成兩折來往慈雲山須經蒲崗村道, 當沙田坳道分成兩折後, 紅小就佔據了沙田坳道北段作總站, 往來慈雲山,服務地鐵轉車客, 兩三年後37M取締了紅小地位, 並成為全港最密既綠小線.
而香港工業衰落及總站較37M唔就腳, 是3A衰落既主因.

請問3A有冇試過放工時間, 係黃大仙總站要用流動錢箱收錢, 讓乘客可以由中門上車, 加快疏導人潮?

有, 以前總站未搬去對面停車場位之前, 算係黃大仙總站最熱鬧既時間. 記得舅父講過, 放工果陣排隊坐3A, 真係要「打蛇餅」, 打完之前仲要行一段長路先上到車,「大時大節」果陣人太多, 更試過排到出去近空地果度, 宜家既211排隊情況其係無得揮. 因為, 當年11、6B仲係主力線, 所以繁時都有大量既人聚集響總站, 就算37M開左後, 最初果十年3A都保持到競爭力.

我諗3A當年盛況比今天211更勁, 因為慈雲山當年有超過60座,等車人數比211勁, 咁當年3A係咪雞一出牌就轉雞做掛牌? 因為有位曾渣3A的車長提過, 當年隧道線都未主力用雞/大泵把, 3A也可以分到大泵把, 仲記得慈雲山重建完後, 有人建議重開3A.

當然, 211呢家都無咁勁了, 因為K21R成功搶到部份客仔… 記得頭牌「紅燈龍」雞有掛過上3A, 不過都係短時間, 後來全部以大泵巴取代… 講真, 打後十幾年慈雲山都係比大泵把為主, 珍寶都係客串下3M、都仔同多仔就主力15A、116就唔使多講.

住左黃大仙區三十幾年, 睇住樓下3A,211,37M既墟陷, 3A繁忙時間既墟陷情況, 根本同現時211甚至37M無得比, 近20年傍晚繁忙時間.
37M條人龍日日排返入地鐵站出口, 以前3A竹園總站條人龍, 是37M既兩三倍.

小弟新手黎, 請問下你係咪容生嘛??? 3A既繁盛, 其實同6B、11、106真係幾大關係, 即使有地鐵, 其實頭幾年都唔係對巴士好大影響, 我以前坐唔少次6B, 講真繁忙時間生意真係唔錯, 只係路線重覆太緊要就真。

當年九巴最密班次既路線是 3A,11,33, 當年3A既客源與現時37M小巴完全不同, 3A既客源是來往 新蒲崗工業區與慈雲山既工人.
(三四十年前香港工業是經濟命脈), 收工時間, 極多新蒲崗工人到竹園總站搭3A, 我每日放學都見到竹園既3A, 6B, 11有二三百人排隊.
以前2F,3A,3B,3C,5C,15A,203來回是經沙田坳道, 3B,5C是經黃大仙下村東頭村道.

當然, 新浦崗算養活我阿媽、果七個舅父同兩個阿姨, 真係唔野小. 記得當年總站, 側邊有魚蛋、牛雜、有兩個搞絆機、搵枝大光管照住黎賣既既椰子汁、魚肉碗仔翅、柴魚花生粥…

L77的意外片段 (當年今日 - 九巴3A巴士衝落山坡意外)
video

車務調動變化係咪
G10------CB7165(N35)
G12------CD4771(N51)
G13------CD4364(N50)
G14------CD4772(N52)
G15------CD4773(N53)

沙田坳道在日佔前已通車
唔貫通既係龍翔道, 龍翔道(大埔公路與沙田坳道之間) 在六十年代初通車, 而龍翔道(沙田坳道與斧山道之間) 在1974年通車, 該段龍翔道前, 龍翔道與沙田坳道是T字路口(上圖), 沙田坳道在1982年9月分成兩段, 蒲崗村道(彩虹道與鳳德道之間)在七十年代中通車,
小弟在附近住左三十幾年, 日日都會經過該路口.

2F(第二代)/2D(第二代)
摘自1968年星島日報:



2F有沒有用過AEC, Damlier F, Seddon Pennine? 3A在幾時比九巴改為OMO?

2F用車:

SEDDON無, 因為S車大多都集中L廠多, 短牛一定有, AEC應該唔得, 因為上斜可能刮底.

原來咁多師兄睇住3A及其他黃大仙區既路線變遷, 小弟當時只有幾歲, 所以好多野都忘記了, 只係幾得3A用單層成日無位坐, 打蛇餅等車的情景還有小小印象, 後來轉用雙層祖比倫就多左位坐, 還有當時15A轉用兩軸MCW, 小弟覺得呢款車很前衛, 特別係佢刺耳既剎車聲... 不過後來都愛上了MCW,因為佢既避震好浮好舒服.

以前的竹園總站旁邊係一排木屋, 面向巴士總站方向係開了很多食店. 有一次食緊涼粉冰, 突然間見到一部BL正在攪牌, 見到個車長將個紅色1字收埋, 跟住第2格個0字變了個3字, 心想會唔會係頂轉3A呢? 跟手見個站長手持一張慈雲山紙牌放了上車頭, 嘩即刻以高速把涼粉冰幹掉, 終於如願以償, 第一次坐BL行3A,上雙鳳街簡直係爽呀!
想當年早上很多人在老慈坐3A落竹園轉6B及11線上班, 兩條線永遠都係排到出車坑. 後來將11早上繁忙時間改在進站的通道上排隊, 可避免行人排出車坑外. 而晚上繁忙時間, 就會由3A進駐該位置供排隊.

你當時BL攪牌行3A係哪邊一代BL? DA?/DB?/ DE? /DG牌?

假日,91R會在入站的通道旁排隊.

M…AEC有沒有行過其他慈雲山路線??? AEC
[Such as 3A,3B,3C,3D,3E,3M,5C,15A???]

AEC最有機會做過3C替車, 但記得真係無見過期掛牌, 因為呢種34尺後門落車既巴士上針落斜係幾有機會刮尾...
其實, 3A唔係無得做, 好大程度都係因為九巴無心機做, 唔肯守住條線者. 正如觀塘區好多取消左既區內線一樣, 其實有一少部份線係可以留低, 可惜九巴就係唔肯守住屋村重建果段時間...

但九記有將 AEC 重建車身??? 九記 曾替部分AEC 巴士作改裝, 包括將通往上層的樓梯, 移往車廂的中間; 前門及尾門, 改作前門及中門.

手繪地圖




請問各位師兄, 當年竹園總站是否有七個月台? 路線排列是否如圖示?

排列應該係由左至右6B/吉月台/11/106/3/2D及91A/3A

在S3BL1加入106後, 再執過位: 106/吉/11/3A/3/吉/6B

3B, 5B 摘自1965年華僑日報.


我到而家仲好記得.....到左3A結業個日, 係竹園竟然見到有一部冷氣AV掛3A, 冇眼花的, 雖然係有D不可思議. 但真係見到佢係個站(而家11K站的前面, OK旁邊)到有上落客.

在3A結業日, 我搭過尾車, 得我一個客.

當年有無巴士線以竹園木屋區(現竹園位置)做巴總?

沒有, 第一條上竹園邨的巴士線係1 號, 但都係係80年代中竹園南邨落成時搬上去的, 當時的總站係係而家竹園街市旁邊。

當年route 1有什麼掛牌車?

圓頂珍寶, 到左1987年才開始改掛利蘭奧林比安11米.

圓頂珍寶上竹園時, 其道路規劃係咪同現時一樣?

點解5B e+ 冇左?

5B即係後來的5K, 後來同13A合併為13K; 之後就改為11X

不過當年剛剛上竹園時, 而家的總站還未啟用, 就以而家竹園街市外為總站(至於路線怎樣走, 我想n281會清楚好多 ); 到左總站落成後, 才行現時的路線, 但開始時係經樂富巴士總站的. 而103同11c都延長至竹園.

延長竹園村一星期後, 來回均繞入樂富.

3C 開 辦 時, 並取代原有 14 號線, 六七暴動後, 3C是較先恢復服務既路線之一, 並取代暴動前既8號線.




3B同3B係去邊架??

3A係由開線到1989年都係由慈雲山-黃大仙(1985年前黃大仙總站係稱竹園總站的), 之後改由慈雲山-竹園邨(循環線), 至1995年結束。
3B由開線至而家都係由慈雲山-紅磡碼頭, 只係行車路線有改變而已.

其實而家的苦山道天橋以前都係直通(1992先有苦山道天橋)

斧山道天橋係1991年, 大老山隧道通車前啟用.

3D - 摘自1970年華僑日報








慈雲山在九十年代重建後,人口係減少左,竹園亦人口老化

自從黃大仙道及竹園道貫通,蒲崗村道更無廿年前多車,蒲崗村道只會在清明重陽較多車
雙鳳街及鳳德道,在廿三十年前繁忙時間日日塞車,現時是不會塞車

顧問公司成日都日數夜數流量,係要視乎流量加減而決定興建道路,(呢D parttime好高時薪)

請問1978年3月116開辦時,中巴係咪淨派亞記珍寶,而九巴派圓頂或Baco 寶做字軌車?
中巴係78-84年有冇派過其他車型行116?
九巴同時係咪用黑金剛?

3 則留言:

  1. Hi慈雲山人您好啊,

    慈雲山未重建前我是住48座的, 見您的BLOG很有意思啊! 請多多發表該區的舊圖及文章, 讓一群懷念舊慈雲的人有一個聚腳點, 謝謝!

    回覆刪除
  2. Hi慈雲山人您好啊,

    慈雲山未重建前我是住48座的, 見您的BLOG很有意思啊! 請多多發表該區的舊圖及文章, 謝謝!

    回覆刪除
  3. 匿名5/06/2010

    我住三座,成日塔3A去黃大仙下村轉車去九龍城,去慈雲出個facebook group promote下呢度啦,果度好多TWS friends

    回覆刪除