44座樓梯照片 (@Big B)

由44座通往51座的樓梯。

留言

  1. 匿名5/03/2008

    呢條樓梯應該係由51座通往44座呀!

    回覆刪除
  2. 匿名7/10/2008

    相中人企位右邊應該有條長去水坑嘅....在51座前仲有一個露天停車塲、再入D就係51座嘅公園仔、連埋後面52座公園,有個黑色頂嘅凉亭,山邊有間福德古廟,而我就係住响當年嘅52座,51座同52座間又係一個大D嘅露天停車塲(即童黨拍片開頭小妖收陀地嗰度囉)。52座再後面就有個花園,跟住就係53座,側邊就係至正小學同街市、誠信酒樓,再過D就係49、50座,50座樓下又有間同慶酒樓同街市,由旁邊樓梯行落去有個巴士站,再由斑馬線過去就係頂頂有名嘅....中央球塲。各位慢慢消化吓啦!?哈......

    回覆刪除
  3. 匿名7/10/2008

    話時話;相中呢條樓梯,當年兒時我同慈雲山好出名嘅(大哥)雞仔雄...最細個細佬(劉思恒),嘻...都幾friend架!佢成曰帶住我同另外幾個朋友仔,當年一氣嗬成咁由44座呢條樓梯,用當時勁流行嘅bmx單車一路落到去51座下面,信不信由你?!有時D人上緊樓梯,特然見到成班死仔响樓梯衝緊落嚟,即刻第一時間彈埋欄讓路,當時年少無知以為好型,但今日諗起都覺得....勁攪笑!旁邊44座條斜路就更加唔駛講啦!成班死仔,衝斜仲要踏加速,迎頭見到特然有私家車出現,就左片、右片,冇有識死!哈...(諗番都幾好技術架)記得有班好出名嘅單車隊叫榮興,耐不耐有一齊玩吓,冇入隊因為佢地唔玩bmx單車,係玩當年叫(街車)嘅單車,架架單車有假油缸,仲貼上單車隊名及個人編號(隊長通常係1號仔),佢哋以紅、白、黑三色斜間貼紙以作釋別....等。總之就係好開心嘅童年!

    回覆刪除
    回覆
    1. 我朋友叫天貴同九指添!

      刪除
  4. 個時好興乜乜車隊, 除在假油缸, 有時d友仔會係後轆"攝"個紙包盒製造"汽車聲", 而家諗返好鬼無聊!

    回覆刪除

發佈留言