慈雲山48座空地 (@Big B)

多謝晒Big B! 未起公園前呢度有好多野玩好多野食,係我小時候最喜歡去既地方!

記得既有魚蛋、炸魚球、雪糕、雞腳、粉仔、鹹濕野、魚肉麵、夾餅、糖膠公仔、郵票、抽獎、金絲貓、間中有小板賣d小玩意好似沙漏、燙上衣服既冒牌印章等,附近有間賣玩具既舖頭,佢會掛好多玩具出來,同時有賣果汁,不過個老板好惡!

大家仲記唔記得呢度有時會有兩個盲公盲婆乞錢,o個兩公婆其實住我個層, 佢屋企有隻巨貓好似狗仔咁大, 有時係門口聊佢會好惡咁衝埋來,好驚!

仲有大家見唔見到背景o既傾坡,我細個由43座落48座時常係個到跣落去!

留言

  1. 匿名2/25/2008

    BIG B兄:石樓梯上去既地方,是不是聖鮑思高既後門???

    我記得在石樓梯旁有一檔是由一名駝背既女人開既流動熟食檔,是賣魚蛋的,0的魚蛋好好味......若你們不看那盛著魚蛋汁的容器(好污漕)的話......早幾年見過那一位駝背既女人,她好像轉了做清潔工人。

    還有的是,當你經過石樓梯上到去聖鮑思高的後門對面,你會看見一鐵皮屋,第一檔是買腸粉魚蛋和飲品的,聖鮑思高91年臨清拆前幾年,學校已沒有了小食部,所以好多學生在小息時都會在聖鮑思高的後門隔著鐵閘伸錢出去買零食飲品,那一檔的店主發明了用一枝棍上面加一木臼以傳遞食物給學生(因為聖鮑思高的後門是由兩道閘組成,兩閘之間有一段距離),當然,聖鮑思高是默許這情況的。

    再行入鐵皮屋,我只記得有一檔是理髪店,其他的我已記不起。在理髪店對出,則是一個可望過去中央公園的圓型花園。

    回覆刪除
  2. 匿名2/25/2008

    Big B: Yes! 石樓梯上去既地方是聖鮑思高... I remember during breaks... street venders would come up and sell us their food... Yummy!

    回覆刪除
  3. 匿名3/06/2008

    我以前在此處消費好多錢買野食, 我最幾得係炒蘿白糕及炸瀨尿蝦, 48座好似有個熟食打排檔, 好多野食呀

    回覆刪除
  4. 嗰間理髪店嗰老細仲成日煮d好味餸, 有次我見到佢晏奏煮"召焱蝦", 佢隔離仲有一間租影帶及一間"文x"書局, 唔記得文x, 因為以前慈雲山有文峰, 文學, 文健?...幾間同系列書局的.

    回覆刪除

發佈留言