轉載自"openrice"網站
小食館是我從中學時代已經常去的食店。畢業多年，仍然經常相約舊同學到那裡見面，因為我們太喜歡那些小食了。
必吃食物有「炸魚旦」、「煎魚餅」、「煎墨魚鬚」、「豬紅豬皮」、「碗仔翅」等。秘制辣汁更是我的至愛！
吃了十多年，食物味道始終如一！好吃！
雖然不是住在慈雲山，但由於在慈雲山讀書，現在就每星期同波友踢波，因此對慈雲山一帶的食肆十分熟悉。十多年間，慈雲山毓華街的食肆不斷「一雞死一雞鳴」，只有極少數可以維持營華至今，而小食館就是其中一間。它不但沒有執笠，而且日日客似雲來，後來遇擴充至三個地鋪單位，認真威水。
話明小食館，顧問思義是提供特式小食，想食飯就要過主。講到招牌小食，一定要重點介紹一下，包你唔係住在慈雲山，都想慕名一試。
1.碗仔翅：不像街邊貨，用料十足，唔會好似食水「溝」生粉咁。冬菇味濃郁，招牌貨中的招牌貨。店中有多款碗仔翅衍生出來的食品，如翅溝銀針粉，店員稱之為「翅針」；翅溝公仔面，即「翅公」等，也十分值得一試
2.炸魚旦：店員稱之為「炸彈」，外脆內軟，又可據自己喜歡，要求不同程度的油炸時間，如要炸至外皮脆得像餅乾，就可以叫「老彈」。如怕熱氣，則叫不炸的「水彈」。特別要留意，伴隨「炸彈」上碟的醬汁，千萬不要棄掉，加入粉面或碗仔翅中，異常美味！
3.鼓油皇炒面：店員稱之為「命」，色澤黑中帶油光，十分香口，加上芽菜，口感更佳。
4.炸香腸：根據不同程度的油炸時間，有「水槍」、「炸腸」、「老柴」的分別。
5.各款生果冰：菠蘿冰、西瓜冰、雜果冰等應有盡有。
6.車仔面：配合多款「招牌」小食，車仔面味道一流。
特別一提的是，該店的秘製辣醬必須一試。大家不要怕它太辣，因為它是香多於辣。記得有一次途經該店，聞到一陣濃列的蒜蓉味，原來是他們在泡製秘製辣醬。本人強列建議，若order面類食物，至少也要落一匙辣醬試試，否則一定會後悔。
講到環境，由於是做街坊生意，因此有點簡陋，但衞生狀況是ok的。價錢就十分大眾化，你願意付出三十元，就可以叫到食唔曬咁多既野。店員也頗親切，很有隔離鄰舍feel。
先作利益申報,我是由$2/5粒炸蛋,$4/碗碗仔翅時就幫襯小食館。
細細個第一碗碗仔翅就是小食館的出品。其碗仔翅,沒有木耳,沒有花巧,只有簡單的冬菇絲肉絲,卻香得不能再香。雖然好耐無吃過,但我相信,小時的味道應該還是一樣。現今好多所謂"碗仔翅",甚至某小食店出名的碗仔翅,都唔夠小食館的一半好吃。
炸彈又係,加上豉油,食到乾身中帶點o趙頭,是很特別的魚蛋。論炸魚蛋,我只吃這裡的。
如果對食物沒有要求,小食館只提供一般的小食,但若然很喜歡周圍搵好吃的港式食品,小食館不會令你白行一趟。
小食館是我從中學時代已經常去的食店。畢業多年，仍然經常相約舊同學到那裡見面，因為我們太喜歡那些小食了。
必吃食物有「炸魚旦」、「煎魚餅」、「煎墨魚鬚」、「豬紅豬皮」、「碗仔翅」等。秘制辣汁更是我的至愛！
吃了十多年，食物味道始終如一！好吃！
真係食足廿幾年！！
不過一直見Openrice未有此店的食評出現，未能提供食評，但現在終於等到了。
「慈雲山小食館」由小學生時代已經幫襯，由「群雄割據」食到現在「一統天下」，由只有「一間小鋪」到現在「孖鋪」再加一間「對面鋪(實為煮食工場)」，此店歷來的變遷仍是記憶猶新。
很多時有朋友到家聚會，我也會帶他們來開餐(雖然我家離此店不是太近)。吃過的朋友，往後還會自己再來光顧，各人所住的地區包括將軍澳、柴灣、大埔等，可見此店的魅力真不少。說了這麼多廢話，該開始談一談食物。
此店最出名的是「炸蛋」，但其實在此款食物中，「魚蛋」佔的重要性不是最高，反而是「醬汁」方面令味道更出位。另外「魚蛋」可選擇「炸」的程度，例如「青年蛋」、「中年蛋」及「老年蛋」。每種程度的「炸蛋」也可吃出不同的感覺。我自己最喜歡的就是「中年蛋」，記住當「中年蛋」脹卜卜地送來時，不要立即吃，要等到「魚蛋皮」凋謝後，才開始吃。
推介的油炸食物還有「火牛」(即炸牛丸)、「老柴」(即耐炸香腸、令外皮老)。除了油炸外，還有煎的，當中的表表者一定是「煎墨鬚」(煎墨魚鬚)，如喜歡吃硬身一點，可要求煎耐一點。
另一樣食物便是「碗仔翅」，此店所做的十分濃郁，材料亦足，有很多肉絲及東菇絲。「碗仔翅」除了淨食之外，還可以加入米粉或麵，成為「翅米」這款啤梨最喜愛的食品。
此店亦有「車仔麵」供應，雖然不是十分出色，但味道絕對不錯。當中以「豬腸」最出色，此店的豬腸沒有肥膏，因不是選用「大腸」部位，炆的時候已加入了胡椒，故只用清湯來炆也可除去豬腸的「尿壓」味。「車仔麵」類還有一個叫「雜錦」的「大包圍」的食物，內裡有豬紅、蘿蔔、豬皮及生菜。
我那些愛好吃辣的朋友十分喜歡此店的「辣油」，可惜自己不太受辣，故未能作出評價。但此店亦提供獨立支裝的「辣油」發售，可見有一定的受歡迎程度。除了食物外，此店還有冰類飲品及糖水甜品，我最喜歡吃「喳喳」。還有未能分類的「味皇炒麵」，麵上鋪滿白色的銀芽，加一點甜醬來吃，真是一款又平又好味又飽肚的食物。一間小小的店，提供的食物款式真不少，但由於款式太多，未能一一介紹。
服務方面，由於是「街坊生意」，所以態度十分親切，很多已經由當年的「美少女」成為現在的「靚師奶」。
不論是TEATIME時段到來吃點小吃，還是午/晚餐時段來吃過飽，此店必定可以滿足此三個願望。
睇左下面o既食評，其實已經講得好詳盡，而我最欣賞小食館o既地方，係佢o既快！！無論你叫咩食物，一、兩分鐘一定會送到你手上！(除左好似老柴等即刻整既食物)
除左老蛋之外，"聯合國"都係一樣我地最常叫o既食物(其實係野飲)-幾種汽水溝埋做一杯。我唔知第二度有冇得咁叫，不過我淨係o係小食館飲過"聯合國"，味道唔錯，可以一試！
雖然我個人對小食興趣唔大，不過如果趕時間，或者想坐下食碗糖水，甚至一大班朋友想搵個地方食下野吹下水，小食館都係一個好好既選擇。
至今同班朋友講起慈雲山，總會有人講起一句"呀！好耐冇食過小食館喇！搵日一齊去呀"，小食館幾乎成為慈雲山既地標！
要留意既係小食館每日營業時間唔係好長，我諗少過12個鐘，新年仲會放成個禮拜假，晏晝時間會超多學生，要試既話最好閒日下午茶時間去。
不要輕看這小小食店,會很平宜..,其實碟子細細,份量小小,不知不覺得一個人都可以食左成60-70蚊小食.好像炸老蛋很油膩,咖哩汁又不夠香辣,還有那個豆腐花一點也不像樣,似蜜瓜味的大菜糕..難食到飛起.再加上個男老板成日黑口黑面,又沒有禮貌..所以真是不值得去,因為不是這麼好味..不及旺角D小食好味.
我想這裡除了有別人的讀書年代的回憶作你們長大後間中的回味和同學聚舊的地方外,這真是不值得一去.因為這裡的小食..是普通到無法普通了,只是小食名字改得比較有趣攪笑外,其他小食跟旺角,銅鑼灣的是沒有大分別,不必專登來到慈雲山吃.它們的「炸魚旦」、「煎魚餅」、「煎墨魚鬚」、「豬紅豬皮」、「碗仔翅」等。秘制辣汁全部都是一般貨色,值得一提是小食館的男老板..時常黑著臉,一點都沒有禮貌.
呢間小食館我好細個食到宜家，係慈雲山讀書既應該冇人唔識，因為佢係區內唯一呢類型既食店，好多人畢業後都會返黎回憶下，可以明白點解佢會屹立不倒，除左係佢可能已經買左間舖唔使捱租之外，食物亦係主要原因！
呢度既食物雖然普通，但都有獨特既名字，係咪熟客一叫就知。同埋佢既食品配搭彈性好高，可以話點叫都得。今次同家姐黎呢度食lunch，叫左以下食物：
1)翅油(即係碗仔翅加麵底，我通常會揀油麵。至於碗仔翅料唔算好多，但味道唔錯，食慣左總係覺得出面果d麻麻地)
2)三溝(魚肉+碗仔翅+生菜，是為三溝，減去生菜就係兩溝喇)
3)豬皮(偏爽口，如果焾d會更好，配特製沙嗲汁就唔會覺得淡了)
4)炸超老蛋(小食店既招牌菜炸魚蛋，係必食之選，可以揀炸既程度，初食既可以揀中年蛋，家姐最鍾意食超老蛋，貪佢夠燶，基本上已經冇乜魚蛋味，但係非常脆，好似食一包包果d零食咁，不過係熱既，幾過癮)
6)炸墨丸(炸墨丸同燒野食時既感覺差唔多，其實係屋企都可以試下整，唔知效果會點呢？)
5)什果冰(忌廉汽水加鮮雜果，清涼解渴，唔鍾意可以揀其他味既汽水都得)
基本上呢度已經係我既飯堂之一，所以食黎食去都係果d野，但都唔會厭，皆因裡面滿載大家既成長回憶哩！
有d人可能覺得老闆好惡，但識佢耐左就會改觀架喇！
我不是在慈雲山長大，也不是在慈雲山讀書，小食館是我男朋友由細食到大的地方；有一日他帶我到那裡，我一吃便喜歡上，後來我帶阿媽到那裡，連她都喜歡吃呢!
點解呢?因為碗仔翅同旺角的小食店不同。旺角小食店的翅，「生粉水」感覺很重，有時覺得像在吃鼻涕...但小食館的翅沒有此感覺，冬菇絲、肉絲、粉絲都很足料。
我最喜歡此店是它customized的態度。e.g.order炸魚蛋的話，可以自行決定炸的程度，以上都有人講過，有老蛋、中年蛋等等。連吃$2的廚師腸，都可以選「老柴」定「水槍」。吃麵的話，又有十多種既選擇。連喝汽水都可以點溝都得。
在這樣繁忙的旺角食肆又怎能做到呢?
最神奇的是，環境竟然是頗清潔，看到廚房也沒有「拿拿咋咋」的感覺。
不過，不經不覺的兩人吃到要$60多$70元結賬
想平反是：其實服務ok，男老闆不算黑口黑面，每次他收錢後都會講句"thankyou"
由當年既豆丁食到而家幾十歲人
美味可能談不上但總會有些情意結
雖然現在已搬離慈雲山但一個月總會上去一次
其中最出色應該是其醬汁辣與唔辣之間
有點像沙嗲也有點像甜豉油
而聽住阿姐開咪叫野又係一種樂趣
如牛油(即牛腩+油麵)
炸老柴(炸香腸)
可能熟客關係有時都會有講有笑
並沒有黑面既問題
而且總體衛生都不俗有時間都可以上黎幫襯
呢間小食館師傅我唔係成日黎,係朋友極力推介,前後都黎過五至六次,但次次食飽後就唔記得佢個名,所以遲遲都未寫食評,尋日終於再黎,師傅好努力咁記住個店名,莫非都係想寫番幾隻字仔啫!
入到去見到地方清潔,冷氣開放!坐底叫左一客大嘅炸魚蛋,一串炸牛丸,一串炸墨丸同埋牛柏葉,加多杯大汽水!
炸魚蛋係呢間食店既招牌菜,師傅次次黎都必定要食,魚蛋炸得好香口,而本身魚蛋亦十分彈牙,加埋佢地嘅秘制沙爹醬,辣辣地超好味;炸牛丸同炸墨丸每串都有四粒,粒粒都好鬆好爽口,牛丸炸得好香不過唔會乾身;墨丸又好有墨魚味,好爽口,得架;牛柏葉有五件,好爽口加埋d辣汁好正;其實佢呢度最正嘅一定係佢嘅秘制沙爹醬,好辣好香好好味!
總括而言呢度d野食都幾得,其他野食都唔差,好似個炒麵又係得,豬皮蘿蔔又正,樣樣野都好味!師傅我寧願黎呢度都唔去大盛啦,就算係小食都可以大吃一番!有機會一定會再黎!
我都係慈雲山住左廿幾三十年了...我都好想去食呀...好細個時已去食的...我記得最好食係佢\D(炸蛋)我由讀緊(保四)時已開始去食了...真係唔知佢\有咩係唔好食的....
見好耐都冇黎過呢度食野,尋日同友人決定再黎,飽餐一頓!
坐底二話不說就叫左客大炸魚蛋,一串炸牛丸,一串炸墨丸同埋牛柏葉,跟住睇睇下就再加左兩碗細嘅碗仔翅同一杯大汽水!
炸魚蛋依舊出色,魚蛋炸得好香口,而且十分彈牙,不過今次個賣相就差d,真係炸到佢變晒型,完全唔似粒魚蛋咁,但都冇影響到個口感,可以啦;炸牛丸同炸墨丸粒粒都好爽口,牛丸炸得好香但唔會乾身;墨丸有墨魚味,爽口彈牙,正呀;牛柏葉依然維持高水準,超爽口加埋d辣汁又好入味,好正;碗仔翅雖然要左細碗,但其實都唔細,有一個飯碗咁大架,佢個湯底好好,一d都唔杰,好清同埋冇味精,加上d翅(粉絲)都幾多,同埋肉絲就唔算太多,唔會咬到成口渣,好味!
總括而言今次試左佢個碗仔翅,真係好掂,師傅自問都食唔少碗仔翅,呢個算一流喇!下次有機會一定會再試其他新野!臨走時師傅諗過買唔買佢個秘制沙爹醬,因為真係好辣好好味,不過最後都係決定唔買,留番下次先!
朋友成日話炸旦..住左咁耐都未去試過，今次一於去試下，炸旦好食過炸老旦呀，佢D"游"魚SO都OK好食!!
日前在貴網討論區,食家Mo覺得在慈雲山毓華里,有間小食店的碗仔翅很出色,名叫慈雲山小食館.雖然同這食家素未謀面,不過照小弟的推斷,她的推介應該也不錯.
撞正中午時間,正值隔離學校村放飯時間,店子本來已不大,加上這些宰宰學子大軍,更顯得透不過氣.
一坐下就要個大碗份量的碗仔翅,份量真不小,"翅針"亦不少,每條也很粗,吃落有咬口,其他材料切得幼細,湯底不是如糊仔的死杰,味道清甜,師傅應下得不多.
再來的炸蛋,外層煙齦,口感幾特別,墨魚丸又是炸的,當然比魚蛋爽口.臨走再打包魷魚鬚,剛剛煎好,新鮮熱辣.
雖然此店的碗仔翅出色,但身處在分叉的感情線上,我仍是選擇了車品品...
人始終是帶點偏心.
小食館什麼無良!?
價錢
份量小""價錢貴
在慈雲山內經營""多數是街坊生意
加上又有不少熟客
何必謀取暴利
老闆未免過於厚面子""
好多o係慈雲山讀書o既人都一定識得佢,每逢lunch外賣都係一條長龍.就算畢業後返到慈雲山,有其他餐唔去都寧願去小食館坐低懷緬一番.
每次去親都必食老蛋,睇住佢剛剛炸起縮返細個樣好好笑.另外lunch一定會叫返碗翅河,成個飽哂~
帶d未黎過o既朋友黎小食館,大家都會為左呢度o既名詞覺得好奇,呢個都算一大特色.價錢黎講算普通,但o係慈雲山,又或者黃大仙,都唔會有一間可以取代小食館.
食緊o既唔係佢d翅有幾好味,係o個份人情味~
我都响慈雲山住過幾年,當然試過這小食館的食品,但見其他食家都無提過佢地d糖水,不如就我講下啦:我會叫你試下芝麻冰或芝麻糊,因為真係用黑芝麻造吾係用粉開,一食就知.
其他食品呢,我就每次都會叫雞尖,墨丸,細翅.
小食館是我從中學時代已經常去的食店。畢業多年，仍然經常相約舊同學到那裡見面，因為我們太喜歡那些小食了。
必吃食物有「炸魚旦」、「煎魚餅」、「煎墨魚鬚」、「豬紅豬皮」、「碗仔翅」等。秘制辣汁更是我的至愛！
吃了十多年，食物味道始終如一！好吃！
雖然不是住在慈雲山，但由於在慈雲山讀書，現在就每星期同波友踢波，因此對慈雲山一帶的食肆十分熟悉。十多年間，慈雲山毓華街的食肆不斷「一雞死一雞鳴」，只有極少數可以維持營華至今，而小食館就是其中一間。它不但沒有執笠，而且日日客似雲來，後來遇擴充至三個地鋪單位，認真威水。
話明小食館，顧問思義是提供特式小食，想食飯就要過主。講到招牌小食，一定要重點介紹一下，包你唔係住在慈雲山，都想慕名一試。
1.碗仔翅：不像街邊貨，用料十足，唔會好似食水「溝」生粉咁。冬菇味濃郁，招牌貨中的招牌貨。店中有多款碗仔翅衍生出來的食品，如翅溝銀針粉，店員稱之為「翅針」；翅溝公仔面，即「翅公」等，也十分值得一試
2.炸魚旦：店員稱之為「炸彈」，外脆內軟，又可據自己喜歡，要求不同程度的油炸時間，如要炸至外皮脆得像餅乾，就可以叫「老彈」。如怕熱氣，則叫不炸的「水彈」。特別要留意，伴隨「炸彈」上碟的醬汁，千萬不要棄掉，加入粉面或碗仔翅中，異常美味！
3.鼓油皇炒面：店員稱之為「命」，色澤黑中帶油光，十分香口，加上芽菜，口感更佳。
4.炸香腸：根據不同程度的油炸時間，有「水槍」、「炸腸」、「老柴」的分別。
5.各款生果冰：菠蘿冰、西瓜冰、雜果冰等應有盡有。
6.車仔面：配合多款「招牌」小食，車仔面味道一流。
特別一提的是，該店的秘製辣醬必須一試。大家不要怕它太辣，因為它是香多於辣。記得有一次途經該店，聞到一陣濃列的蒜蓉味，原來是他們在泡製秘製辣醬。本人強列建議，若order面類食物，至少也要落一匙辣醬試試，否則一定會後悔。
講到環境，由於是做街坊生意，因此有點簡陋，但衞生狀況是ok的。價錢就十分大眾化，你願意付出三十元，就可以叫到食唔曬咁多既野。店員也頗親切，很有隔離鄰舍feel。
先作利益申報,我是由$2/5粒炸蛋,$4/碗碗仔翅時就幫襯小食館。
細細個第一碗碗仔翅就是小食館的出品。其碗仔翅,沒有木耳,沒有花巧,只有簡單的冬菇絲肉絲,卻香得不能再香。雖然好耐無吃過,但我相信,小時的味道應該還是一樣。現今好多所謂"碗仔翅",甚至某小食店出名的碗仔翅,都唔夠小食館的一半好吃。
炸彈又係,加上豉油,食到乾身中帶點o趙頭,是很特別的魚蛋。論炸魚蛋,我只吃這裡的。
如果對食物沒有要求,小食館只提供一般的小食,但若然很喜歡周圍搵好吃的港式食品,小食館不會令你白行一趟。
小食館是我從中學時代已經常去的食店。畢業多年，仍然經常相約舊同學到那裡見面，因為我們太喜歡那些小食了。
必吃食物有「炸魚旦」、「煎魚餅」、「煎墨魚鬚」、「豬紅豬皮」、「碗仔翅」等。秘制辣汁更是我的至愛！
吃了十多年，食物味道始終如一！好吃！
真係食足廿幾年！！
不過一直見Openrice未有此店的食評出現，未能提供食評，但現在終於等到了。
「慈雲山小食館」由小學生時代已經幫襯，由「群雄割據」食到現在「一統天下」，由只有「一間小鋪」到現在「孖鋪」再加一間「對面鋪(實為煮食工場)」，此店歷來的變遷仍是記憶猶新。
很多時有朋友到家聚會，我也會帶他們來開餐(雖然我家離此店不是太近)。吃過的朋友，往後還會自己再來光顧，各人所住的地區包括將軍澳、柴灣、大埔等，可見此店的魅力真不少。說了這麼多廢話，該開始談一談食物。
此店最出名的是「炸蛋」，但其實在此款食物中，「魚蛋」佔的重要性不是最高，反而是「醬汁」方面令味道更出位。另外「魚蛋」可選擇「炸」的程度，例如「青年蛋」、「中年蛋」及「老年蛋」。每種程度的「炸蛋」也可吃出不同的感覺。我自己最喜歡的就是「中年蛋」，記住當「中年蛋」脹卜卜地送來時，不要立即吃，要等到「魚蛋皮」凋謝後，才開始吃。
推介的油炸食物還有「火牛」(即炸牛丸)、「老柴」(即耐炸香腸、令外皮老)。除了油炸外，還有煎的，當中的表表者一定是「煎墨鬚」(煎墨魚鬚)，如喜歡吃硬身一點，可要求煎耐一點。
另一樣食物便是「碗仔翅」，此店所做的十分濃郁，材料亦足，有很多肉絲及東菇絲。「碗仔翅」除了淨食之外，還可以加入米粉或麵，成為「翅米」這款啤梨最喜愛的食品。
此店亦有「車仔麵」供應，雖然不是十分出色，但味道絕對不錯。當中以「豬腸」最出色，此店的豬腸沒有肥膏，因不是選用「大腸」部位，炆的時候已加入了胡椒，故只用清湯來炆也可除去豬腸的「尿壓」味。「車仔麵」類還有一個叫「雜錦」的「大包圍」的食物，內裡有豬紅、蘿蔔、豬皮及生菜。
我那些愛好吃辣的朋友十分喜歡此店的「辣油」，可惜自己不太受辣，故未能作出評價。但此店亦提供獨立支裝的「辣油」發售，可見有一定的受歡迎程度。除了食物外，此店還有冰類飲品及糖水甜品，我最喜歡吃「喳喳」。還有未能分類的「味皇炒麵」，麵上鋪滿白色的銀芽，加一點甜醬來吃，真是一款又平又好味又飽肚的食物。一間小小的店，提供的食物款式真不少，但由於款式太多，未能一一介紹。
服務方面，由於是「街坊生意」，所以態度十分親切，很多已經由當年的「美少女」成為現在的「靚師奶」。
不論是TEATIME時段到來吃點小吃，還是午/晚餐時段來吃過飽，此店必定可以滿足此三個願望。
睇左下面o既食評，其實已經講得好詳盡，而我最欣賞小食館o既地方，係佢o既快！！無論你叫咩食物，一、兩分鐘一定會送到你手上！(除左好似老柴等即刻整既食物)
除左老蛋之外，"聯合國"都係一樣我地最常叫o既食物(其實係野飲)-幾種汽水溝埋做一杯。我唔知第二度有冇得咁叫，不過我淨係o係小食館飲過"聯合國"，味道唔錯，可以一試！
雖然我個人對小食興趣唔大，不過如果趕時間，或者想坐下食碗糖水，甚至一大班朋友想搵個地方食下野吹下水，小食館都係一個好好既選擇。
至今同班朋友講起慈雲山，總會有人講起一句"呀！好耐冇食過小食館喇！搵日一齊去呀"，小食館幾乎成為慈雲山既地標！
要留意既係小食館每日營業時間唔係好長，我諗少過12個鐘，新年仲會放成個禮拜假，晏晝時間會超多學生，要試既話最好閒日下午茶時間去。
不要輕看這小小食店,會很平宜..,其實碟子細細,份量小小,不知不覺得一個人都可以食左成60-70蚊小食.好像炸老蛋很油膩,咖哩汁又不夠香辣,還有那個豆腐花一點也不像樣,似蜜瓜味的大菜糕..難食到飛起.再加上個男老板成日黑口黑面,又沒有禮貌..所以真是不值得去,因為不是這麼好味..不及旺角D小食好味.
我想這裡除了有別人的讀書年代的回憶作你們長大後間中的回味和同學聚舊的地方外,這真是不值得一去.因為這裡的小食..是普通到無法普通了,只是小食名字改得比較有趣攪笑外,其他小食跟旺角,銅鑼灣的是沒有大分別,不必專登來到慈雲山吃.它們的「炸魚旦」、「煎魚餅」、「煎墨魚鬚」、「豬紅豬皮」、「碗仔翅」等。秘制辣汁全部都是一般貨色,值得一提是小食館的男老板..時常黑著臉,一點都沒有禮貌.
呢間小食館我好細個食到宜家，係慈雲山讀書既應該冇人唔識，因為佢係區內唯一呢類型既食店，好多人畢業後都會返黎回憶下，可以明白點解佢會屹立不倒，除左係佢可能已經買左間舖唔使捱租之外，食物亦係主要原因！
呢度既食物雖然普通，但都有獨特既名字，係咪熟客一叫就知。同埋佢既食品配搭彈性好高，可以話點叫都得。今次同家姐黎呢度食lunch，叫左以下食物：
1)翅油(即係碗仔翅加麵底，我通常會揀油麵。至於碗仔翅料唔算好多，但味道唔錯，食慣左總係覺得出面果d麻麻地)
2)三溝(魚肉+碗仔翅+生菜，是為三溝，減去生菜就係兩溝喇)
3)豬皮(偏爽口，如果焾d會更好，配特製沙嗲汁就唔會覺得淡了)
4)炸超老蛋(小食店既招牌菜炸魚蛋，係必食之選，可以揀炸既程度，初食既可以揀中年蛋，家姐最鍾意食超老蛋，貪佢夠燶，基本上已經冇乜魚蛋味，但係非常脆，好似食一包包果d零食咁，不過係熱既，幾過癮)
6)炸墨丸(炸墨丸同燒野食時既感覺差唔多，其實係屋企都可以試下整，唔知效果會點呢？)
5)什果冰(忌廉汽水加鮮雜果，清涼解渴，唔鍾意可以揀其他味既汽水都得)
基本上呢度已經係我既飯堂之一，所以食黎食去都係果d野，但都唔會厭，皆因裡面滿載大家既成長回憶哩！
有d人可能覺得老闆好惡，但識佢耐左就會改觀架喇！
我不是在慈雲山長大，也不是在慈雲山讀書，小食館是我男朋友由細食到大的地方；有一日他帶我到那裡，我一吃便喜歡上，後來我帶阿媽到那裡，連她都喜歡吃呢!
點解呢?因為碗仔翅同旺角的小食店不同。旺角小食店的翅，「生粉水」感覺很重，有時覺得像在吃鼻涕...但小食館的翅沒有此感覺，冬菇絲、肉絲、粉絲都很足料。
我最喜歡此店是它customized的態度。e.g.order炸魚蛋的話，可以自行決定炸的程度，以上都有人講過，有老蛋、中年蛋等等。連吃$2的廚師腸，都可以選「老柴」定「水槍」。吃麵的話，又有十多種既選擇。連喝汽水都可以點溝都得。
在這樣繁忙的旺角食肆又怎能做到呢?
最神奇的是，環境竟然是頗清潔，看到廚房也沒有「拿拿咋咋」的感覺。
不過，不經不覺的兩人吃到要$60多$70元結賬
想平反是：其實服務ok，男老闆不算黑口黑面，每次他收錢後都會講句"thankyou"
由當年既豆丁食到而家幾十歲人
美味可能談不上但總會有些情意結
雖然現在已搬離慈雲山但一個月總會上去一次
其中最出色應該是其醬汁辣與唔辣之間
有點像沙嗲也有點像甜豉油
而聽住阿姐開咪叫野又係一種樂趣
如牛油(即牛腩+油麵)
炸老柴(炸香腸)
可能熟客關係有時都會有講有笑
並沒有黑面既問題
而且總體衛生都不俗有時間都可以上黎幫襯
呢間小食館師傅我唔係成日黎,係朋友極力推介,前後都黎過五至六次,但次次食飽後就唔記得佢個名,所以遲遲都未寫食評,尋日終於再黎,師傅好努力咁記住個店名,莫非都係想寫番幾隻字仔啫!
入到去見到地方清潔,冷氣開放!坐底叫左一客大嘅炸魚蛋,一串炸牛丸,一串炸墨丸同埋牛柏葉,加多杯大汽水!
炸魚蛋係呢間食店既招牌菜,師傅次次黎都必定要食,魚蛋炸得好香口,而本身魚蛋亦十分彈牙,加埋佢地嘅秘制沙爹醬,辣辣地超好味;炸牛丸同炸墨丸每串都有四粒,粒粒都好鬆好爽口,牛丸炸得好香不過唔會乾身;墨丸又好有墨魚味,好爽口,得架;牛柏葉有五件,好爽口加埋d辣汁好正;其實佢呢度最正嘅一定係佢嘅秘制沙爹醬,好辣好香好好味!
總括而言呢度d野食都幾得,其他野食都唔差,好似個炒麵又係得,豬皮蘿蔔又正,樣樣野都好味!師傅我寧願黎呢度都唔去大盛啦,就算係小食都可以大吃一番!有機會一定會再黎!
我都係慈雲山住左廿幾三十年了...我都好想去食呀...好細個時已去食的...我記得最好食係佢\D(炸蛋)我由讀緊(保四)時已開始去食了...真係唔知佢\有咩係唔好食的....
見好耐都冇黎過呢度食野,尋日同友人決定再黎,飽餐一頓!
坐底二話不說就叫左客大炸魚蛋,一串炸牛丸,一串炸墨丸同埋牛柏葉,跟住睇睇下就再加左兩碗細嘅碗仔翅同一杯大汽水!
炸魚蛋依舊出色,魚蛋炸得好香口,而且十分彈牙,不過今次個賣相就差d,真係炸到佢變晒型,完全唔似粒魚蛋咁,但都冇影響到個口感,可以啦;炸牛丸同炸墨丸粒粒都好爽口,牛丸炸得好香但唔會乾身;墨丸有墨魚味,爽口彈牙,正呀;牛柏葉依然維持高水準,超爽口加埋d辣汁又好入味,好正;碗仔翅雖然要左細碗,但其實都唔細,有一個飯碗咁大架,佢個湯底好好,一d都唔杰,好清同埋冇味精,加上d翅(粉絲)都幾多,同埋肉絲就唔算太多,唔會咬到成口渣,好味!
總括而言今次試左佢個碗仔翅,真係好掂,師傅自問都食唔少碗仔翅,呢個算一流喇!下次有機會一定會再試其他新野!臨走時師傅諗過買唔買佢個秘制沙爹醬,因為真係好辣好好味,不過最後都係決定唔買,留番下次先!
朋友成日話炸旦..住左咁耐都未去試過，今次一於去試下，炸旦好食過炸老旦呀，佢D"游"魚SO都OK好食!!
日前在貴網討論區,食家Mo覺得在慈雲山毓華里,有間小食店的碗仔翅很出色,名叫慈雲山小食館.雖然同這食家素未謀面,不過照小弟的推斷,她的推介應該也不錯.
撞正中午時間,正值隔離學校村放飯時間,店子本來已不大,加上這些宰宰學子大軍,更顯得透不過氣.
一坐下就要個大碗份量的碗仔翅,份量真不小,"翅針"亦不少,每條也很粗,吃落有咬口,其他材料切得幼細,湯底不是如糊仔的死杰,味道清甜,師傅應下得不多.
再來的炸蛋,外層煙齦,口感幾特別,墨魚丸又是炸的,當然比魚蛋爽口.臨走再打包魷魚鬚,剛剛煎好,新鮮熱辣.
雖然此店的碗仔翅出色,但身處在分叉的感情線上,我仍是選擇了車品品...
人始終是帶點偏心.
小食館什麼無良!?
價錢
份量小""價錢貴
在慈雲山內經營""多數是街坊生意
加上又有不少熟客
何必謀取暴利
老闆未免過於厚面子""
好多o係慈雲山讀書o既人都一定識得佢,每逢lunch外賣都係一條長龍.就算畢業後返到慈雲山,有其他餐唔去都寧願去小食館坐低懷緬一番.
每次去親都必食老蛋,睇住佢剛剛炸起縮返細個樣好好笑.另外lunch一定會叫返碗翅河,成個飽哂~
帶d未黎過o既朋友黎小食館,大家都會為左呢度o既名詞覺得好奇,呢個都算一大特色.價錢黎講算普通,但o係慈雲山,又或者黃大仙,都唔會有一間可以取代小食館.
食緊o既唔係佢d翅有幾好味,係o個份人情味~
我都响慈雲山住過幾年,當然試過這小食館的食品,但見其他食家都無提過佢地d糖水,不如就我講下啦:我會叫你試下芝麻冰或芝麻糊,因為真係用黑芝麻造吾係用粉開,一食就知.
其他食品呢,我就每次都會叫雞尖,墨丸,細翅.
留言
發佈留言