好味魚肉麵

48座近聖鮑思高(在鐵皮屋出邊)的魚肉麵堪稱全慈雲山最好食的魚肉麵, 價錢好似係四、五毫子,做法跟今天一樣把放在碟上的魚肉用刀很快地打落湯中,每條魚肉打得好幼細,而且即叫即做,滾既時間又控制得好, 所以做出來每條魚肉都好滑好好食, 跟現在的粗制濫做預先做定完全無得比, 最正的是他們自制的辣椒粉,加落魚肉或魚肉麵裡, 既香又辣又唔會遮蓋魚肉的原味,現在想起都口水直流!

順便一提,現在車仔麵檔常見的油麵我亦是在這裡首次見到,但我並不喜用它來配搭車仔麵。

有段時候這魚肉麵檔在48座消失,曾失落了一陣子,之後重建前兩三年又神奇地在我43座樓下的鐵皮屋中出現,每次開檔都非常受歡迎圍滿了人,再之後43座重建就再也不知這魚肉麵檔的去向了。

留言

  1. 板主形容得好好,果d魚肉真係好細條,仲有住膠碟隻手真係好快,令我而家打邊爐都係整到好細條(以為會整到一樣咁好味),板主有冇幫襯你樓下間士多?你幫襯第一間定第二間?第二間係我同學屋企開,但我另一個同學佢都係住43座既,佢會幫襯第一間。仲有想問大家有冇在45座樓下食過粥?p.s 45座同46座相連既,仲有炒蜆同東風螺?果時係用d一張長木同木槢凳仔,好矮既,坐住食都幾有風味架!仲有想問大家有冇在47座(即面向中央果座)剝過牙??

    回覆刪除
  2. 早期我很喜歡幫襯第二間的, 因為第一間個老細好惡死, 連我媽媽都唔鍾意, 但之後第一間轉在手後便常常幫襯, 感覺d野新d同埋如果去第二間買野經過第一間被看見時感覺怪怪的!

    47座有牙剝? 我真係唔記得啦!

    回覆刪除
  3. 香港誌個邊講唔單止魚肉麵,仲有魚肉菜,售價不過是1至1.5元,用傳統既藍白色碗盛著。 佢仲話家母與該女檔主相熟,佢阿媽話俾佢聽,那女檔主辛辛苦苦賺返來既錢,佢老公就拎晒去賭錢,(是在43座樓下麻雀檔)。

    不過印象中個個男檔主(女檔主老公?)好好人。

    回覆刪除
  4. 回覆cy_yeung1220:你與43座第二檔士多既老闆的子或女做同學?我與他的細仔做同學,他們都是讀聖鮑既~~我的家人慣了叫那老闆做潮州佬,話說94年43座清拆時,他們一家搬了去北角村住。(聽阿媽講,因他與老闆娘相熟。)

    回覆刪除
  5. hi,我還記得43座有間士多叫明記啊,這間士多還有一間大排檔餐廳在格離,你們有冇試過,
    有很多人幫襯,他還有二個女兒,很美啊, 我很喜歡二女,因她和年紀相同, 我很想和她說話,但很怕羞,沒有機會,現在想起很後悔....

    回覆刪除
  6. "明記大排檔餐廳", 我知. 在中間入口左邊第一間, 個度d多士好好食架, 但我唔知佢地有開士多喎!

    回覆刪除
  7. 48座七樓人:現在有時去萬年食魚肉加油麵滿足下自己

    回覆刪除
  8. 我都係慈雲山43座長大慨,往係664室,果d魚肉真係超妤食,我果時次次食親都食3碗,淨魚肉一碗,魚肉麵二碗,到而家我都好想食翻果種味道,但以經冇可能la.....

    回覆刪除
  9. 我都係慈雲山43座!! XDDDD

    我食個時$1, 之後每年+$0.5

    最後擦之前賣$3 左右

    仲有"明記婆" d 豆奶, 只係下午先有!!

    $0.5 small, $1 med, $1.5 lerge

    回覆刪除
  10. 匿名8/28/2008

    慈雲山48座三記粥品及弟粥真是excellence,老闆娘現於慈雲山中心街市賣菜.至於三記打冷在蒲崗村道原班人馬繼續營業.晚上依然坐無虛席.

    回覆刪除
  11. 匿名9/03/2008

    三記士頭婆賣菜?咁三記個老細唔會過咗身呀?佢個細仔陳華傑係我小學同學仔嚟架!佢地以前家境唔錯架?點解......??

    回覆刪除
  12. 匿名9/10/2008

    據悉三記粥品兩夫妻已經....唉.人有..月有陰晴圓缺...不必再提.

    回覆刪除
  13. 匿名9/10/2008

    回想當年約榮小學老師真是值得敬佩,當上午校同學放學後,他們並不是馬上放工.往附近公園,屋村...等.巡視有無學生在街上流連,以免學生結識損友或...老師有何主任,關之江老師...陳志強是78-79年度上午校6a班數學老師

    回覆刪除
  14. 匿名3/29/2013

    鐵皮屋好多野食,長樓梯側邊檔酒居好多人食,d台擺到出面,
    楊記,d牛丸面
    頭幾檔有粉果,排骨飯..
    中間有檔車仔面


    回覆刪除

發佈留言