2007年10月3日

失傳的糖膠公仔

細個時小學我是讀下午班的,有時返學校前會到48座的小版檔買o野食, 唔知大家記仲記唔記得有一檔老伯伯是買糖膠公仔?即近似現在的麵粉公仔,只是無咁細緻,但糖膠公仔除了外形吸引外還可以食落肚,所以有一段時間在電視看到有人在吹捧麵粉公仔的傳統覺得不以為然。

此糖膠公仔檔還有一樣至今未再見過的絕技,「用糖膠做吹氣球」,而吹管是由糖膠拉長而成,吹管外形幼幼長長看似竹簽內裡竟是通空的。老伯伯還會預備一個小鐵圈,只要小朋友把「糖膠氣球」吹得大過小鐵圈便會獎賞多一個,小朋友時常把老伯伯團團圍著大家都看得很開心,未知老伯伯還健在嗎?


後記 - 2009年7月27日:

似乎糖膠公仔公仔並未失傳,很多朋友都說在一些寶誕曾發現其縱影,甚至有"吹糖膠波"!

圖片來自http://taiwan.net.tw/userfiles/image/tw/art_p01.jpg

14 則留言:

  1. 我仲記得,佢會比d 粉你放係手掌心, 防止d 糖stick係手,如果吹到一半發現支筒(糖造的)塞左,仲要佢幫手彈斷佢!等d 空氣可以再吹入去, 我最高紀錄可以獎多2個!

    不過我阿婆同我講,佢做生意前,去完小解唔洗手, 之後我就冇幫襯!

    佢d 紅椒,都好似真!不過價錢貴,通常我只會食"淨糖"!

    回覆刪除
  2. elvisyuen10/03/2007

    在61座近62座地下梯口間中亦有個阿伯擺檔做糖膠公仔,細時耐唔中都有買隻辣椒食吓... ^-^

    回覆刪除
  3. 獎過一、兩次咋,重要系一個,再吹就再唔起了!

    回覆刪除
  4. 幾日前同我老婆傾開糖膠公仔,原來早兩年係上水太平清醮時佢到見到有人整來賣,原來未失傳,但就見唔到"吹氣波波"。

    回覆刪除
  5. 香港誌有人起紅橙色既辣椒型糖膠,食落口,味道真是辣的! 又好似係喎, 大家有無印象?

    回覆刪除
  6. 不過這位造糖膠公仔伯伯,他有時在48座,有時40座那處開檔,我小時也有幫襯.好好玩也好好味.

    回覆刪除
  7. Yan Yiu11/21/2007

    點解我次次都過唔到個鐵圈既?
    最好笑係次次食完都痴住排牙,搞到講野好似低能咁,諗起都好笑

    回覆刪除
  8. 我都係讀聖鮑思高85年畢業
    我成日都去吹糖膠波.仲成日奬.好開心
    仲有d炸魚球.好正

    回覆刪除
  9. 嗰個係我阿公,以前佢賣剩啲糖都會留比我同我細佬食,但當然唔會整椒啞,吹波啞....只係一舊糖,食唔食随便你.....咁梗係食啦!佢啲糖其實係麥芽糖加啲唔同顏色旣食用色素,開檔前煮溶啲麥芽糖,佢開檔用旣箱底部放咗啲類似炭既物體,等啲糖唔會變硬,講個秘密你哋知,我阿公除咗識整'糖膠公仔'之外,佢仲識整龍鬚糖,又係一個中醫,跟住又自學西方醫術,有一段時期佢响我屋企(家住48座)開診同人醫病,堪稱"多才多藝".....但佢早响12,3年前過身了(是Cancer)!到依家我都有啲後悔以前唔好好跟佢學呢一門手藝,攪到依家真係失傳了!

    回覆刪除
    回覆
    1. 我都有買過你阿公整D糖膠公仔食、好多時都吹唔到過鐵圈就穿、請問是否有技術

      刪除
  10. 您好Bonnie, 原來o個個係你阿公! 佢識咁多野真係多材多藝! 現在這糖膠公仔的絕藝失傳在真係可惜, 唔知你有無你阿公既舊相, 我真係好想回憶返佢!

    回覆刪除
  11. 匿名7/02/2014

    我都食過,中過獎,當時的生活真係好開心

    回覆刪除
  12. 匿名7/02/2014

    伯伯有時鬆手

    回覆刪除
  13. 匿名7/02/2014

    我住48座,最鍾意冬天食糖不甩,糯米飯,仲有魚肉,她整魚肉快如閃電,仲有一檔炸蕃薯蘿蔔,中間賣燒賣個男仔仲好似幾靓仔.哈哈

    回覆刪除