2007年9月29日

慈雲山-舊事 (轉載)

轉載自"經典日本特撮●動畫●卡通回憶"網站

巡更
小時住慈雲山,那時大廈無保安.要每戶每層輪流出來巡更. 我細細個都得(10歲到),每人掛臂章,一支棍及一個BB.就四圍走. 都幾柴娃娃.

洗地
大約每三個月,房署有人來洗地.洗地就係搵支大水喉來噴.噴完就走. 每戶都會走出來,用掃把擦下個地及掃走D水.好熱鬧.

收租
區長帶埋一大班人每家每戶收租(都幾煩,一層都有百幾戶,重要收十六層) 所以次次收租好大陣仗.記憶中,區長係女性.

較天線
如果要較天線,就要等天台開放.有人睇住才可. 那時至少3個人,一個在天台,一個地下,一個在屋企. 天台那人較天線後,打手號給地下,地下再打手號給屋企. 都幾煩.

爛屋
六十六座側有個長期空置的爛屋.有人話鬼屋.大家知不知故事?

巡更
頭兩三次感覺好好玩好威猛(有碌棍嘛) ....之後就唔願去lu

洗地
細妹負責冇我份

收租
就因為區長拉隊嚟收租先睇到200呎住10個人所以俾多個單位

較天線
以前住四樓電視天線裝窗口邊 , 睇無線指向東面...睇麗的要指向西...死未 (有乜辦法唔慣性收視)

爛屋
住咗65座咁耐都冇留意

我住65座2樓,周不時在61座同65座中間公園玩. 不過我座係有問題公屋,但住咁耐好有感情!

冇記錯我係在1967年9月份由李鄭屋搬去61座4樓(近62座這邊), 依稀記得入伙時全層4樓人影都冇隻, 行咗出走廊幾乎揾唔返自己單位, 因為個個單位門口都一樣自己當時太細個冇記門牌號, 直至82年先至分多個65座4樓單位....正正救護站對上, 夜晚成日俾啲we~wo~we~wo聲嘈醒, 住咗20年太多日回憶, 間中發夢都會翻返去慈雲山.

新舊對照
我屋企人拍於78年.下圖拍於04年8月,26年後用同一位置再拍多一次






嘩!新舊對照, 犀利! 26 years later, d山都唔見o左, 比d新大廈遮住.

時日似風飛~~

我見到有D頭髮嘅

我媽媽抱住我細佬拍的.老人家不便上鏡嗎!

1986年同隔離屋街坊在65座走廊搞搞震


各位舊街坊, 對以下美食有冇印象.(而家食唔番); 65座地下的煎"讓"三寶,馬路旁的炒面. 天井內的車仔面同牛肉粥. 家家頌的豬排飯. 61座的炸兩. 58座的雲吞面. 61 座尾的小販檔. 好憶念.

慈雲山出過的明星,大家知道有那個? 我知: 黃日華(堲文德); 馬敏兒(德愛); 吳鎮宇(住鳳凰村)

馬敏兒讀"德愛" F5那年是與我大家姐同一班, 約是1978或79年間, 但好似話讀到一半就冇讀入咗麗的.

我找到平面圖,我住1024室.

65座住3008 , 61座就住3052....61座是全慈雲山最長最多單位嘅一座.

大家一齊記下地下D鋪頭. 61座.有幼稚園(叫乜名????),天井內第一間買金魚,第二間買零食(打回力球TV game的地方).跟住有雜貨.去到尾買魚. 向出有粥鋪,屋村office. between 62-63 is market, between 63-64 is park.

61座地下果間叫"華惠幼稚園"...我係度畢業.
61座天井內第一間叫"康記士多", 70年代只賣玩具及零食, 80年代才有熱帶魚/金魚賣....但係唔夠再行前D街市檔平同多款式 ; 第二間唔記得賣乜添 ....第三間係咪"XX米舖"? 魚檔你講開至記得....到尾轉右(63座)第一檔係"旺記燒臘", 我細時成日去買一蚊义燒.
62座中間位間"成記士多(唔知有冇記錯)"係我小學同學....61座去到天井公園中間位置間米舖亦係小學同學 ....最記得D文具舖位置, 因為成日走去買模型, 62座轉右出65座口口有一間(人生第一副摸型係度買, 係"星空奇遇"隻"冒險號", 賣1蚊...之後就愛上砌模型), 65座去到"泰山"有一間, 對面66座尾 (近德愛果邊, 好多賣街頭小食) 有一間好似叫"X榮文具店", 行返入64座天井口果間士多都有摸型賣.....

Oh!! 我終于醒起喇 ....康記士多之後果間的確係打第一代TV game : 乒乓球、回力球 好似5毛子3局....另對入街市有檔維修電視檔都有得打, 仲平D架.

62座隔幾間店係米豐園冰室.

說說65座,向約榮小學(我的母校).
第一間係維修電器,跟住有玻璃舖,文具鋪.(有檔椰汁在約榮小學側,成日飲); 向馬路,有康樂中心,有幾台康樂棋,有間不似士多的士多.再去有些士多,家私舖; 跟住只記得我樓下間石油氣店,燒臘店; Between 62-64街市, 有穩記士多,雜貨鋪.去到尾有間買碗碟. 當然有買金魚, 買雀,整TV, 買漫畫. 我會畫低upload上來.

係,豐園冰室食得最多係旦治,西多.但between 辨館及泰山; 都有一間.另外,62座都有間冰間,不記得名字了.

豐園冰室全部都係阿伯睇店, 反而去豪園多d.豪園有2間.另一間係私家路商場仔隔離. 因為同阿婆住.其他座號真係分得唔清楚. 我阿婆住61座1樓. 從樓梯走落有間小零食店.對面係牛雜雲吞面店.走前幾步係豪園.對面有檔叫黃師奶辦館.成日請我食朱古力.再一直走出街外.走過條馬路仔.對面座號有間金星玩具店.

大家同住一樓!握下手先

62座近65座口果間叫"啓成室", 只知道D朱古力蛋糕最正!

D忌廉茼正!

我除咗樓下幾檔, 其他舖頭都唔記得叫乜名囉! 果檔雲吞面細時成日攞個銻煲去買宵夜.仲有....近你住果頭(向山岥一邊)有間五金舖, 記得1975年在佢對出個空地踩單車撞咗入去佢舖頭, D乳膠漆塌哂落地.

角位仲有間診所.對面就係大公園

64座個天井地球公園我好少去玩, 因為對正米舖太子女係小學同學怕被見倒唔好意思, 通常都去中央多.

中央一到夏天,十分多蜻蜓.好勁! 一定玩穿山窿及沙池. 還有,中間有個圓型池,但無水.D人走落去跑.

"一定玩穿山窿及沙池" 直頭當佢係基地.

天井地球公園幾污穢下. 好多狗狗地雷!

天井地球有幅石牆,好好玩. 重記得小四有個女同學仔,佢阿媽唔俾佢出街.但佢住四樓又向正地球型鐵架. 所以我成日爬上鐵架,倆個傾計(大大聲個D). Puppy Love !!

好甜蜜^^

又記起間傢俬舖果太子女係我幼稚園同學 ....仲記得果間唔似士多嘅士多早年在舖面門口掛上好多漫畫書....返轉頭近梯口間文具店做過我好多模型生意, 你越講得多我就越記返起好多回憶.

So Do I ! 重有65座有文風書局,隔離買現具.座尾有士多,有第一代扭蛋同扭彈波. 街市內有二檔飛髮檔.其中一間叫劉記.重有一檔買海水魚金魚檔.

記得街市頭係賣金魚.街市尾係藥房

文風書局.我記起呀

近62座呢間係咪"文風書局"...定係"泰山"隔離果間 ?(果間真係賣教科書)....講開以前D一毛子扭蛋機我見過有次個細佬入咗一毛之後可以不停地扭出蛋直至滿一袋才離開, 之後另一人入錢再扭見不停出蛋即叫老細查看是否壞機, 原來上手用個一毛大小紙皮圈攝在入錢位, 當時文具店老細說已不是一次了, 那時才知扭蛋機都能做手脚, 不過我冇胆試

"文風書局"係"豐園"隔離!

重有64座尾近61座向公園係大牌檔,D干牛河一絕!

八十年代左右,無厘頭加個名.
第61座/民智樓
第62座/民裕樓
第63座/民健樓
第64座/民泰樓
第65座/民欣樓
第66座/民俊樓

再來說說65座,向約榮小學(我的母校).由約榮小學第一間係維修電器,跟住有玻璃舖,文具鋪.(有檔椰汁在約榮小學側,成日飲),由65座第一間係做鐵器工程,放學成日想被火花彈到,第2間係診所,(61, 62座尾都有間係診所.)全部不記得名.

重有呢!唔知各位師兄記唔記得,車仔檔(咕咾肉).唔記得係邊座賣?

定係生炒排骨呢!印像中有走鬼檔係屋村入面賣.但真係唔記得邊座.

基本上,在63座向66座長期有走鬼檔,可能有生炒排骨. 但一定有鹵水鵝,豬頭肉.

昨晚,發夢自己去了一個奇怪的地方,行行下,竟見到舊時在65座買炒面的阿伯,重係買炒面....
我行埋去買,味道同舊時一樣.而阿伯個樣亦同舊時一樣.
但巳經20幾年.....
越想越驚,嚇醒了

應該係日有所思姐, 搬走咗20年我到而家都間唔中夢遊返去61座.

29 則留言:

  1. 爛屋

    對, 66 座旁邊以前有座爛屋, 兩層高, 是荒癈了的酒 樓後來拆便試了救互站

    61 座

    Hi, 我往 61 座 (1968 - 1986), 小學讀約榮, 中學聖文德, F6 - F7 保良一中

    還有, 61 座有兩間診療所, 一頭一尾, 趙善發, 岑旭生, 我媽多數帶睇趙善發

    回覆刪除
  2. elvisyuen10/03/2007

    oh!!原來救護站前身係荒廢酒樓,住咗61座咁耐完全冇印像,多謝提醒

    趙善發我記得只睇過幾次,多數睇57座莫禮富...岑旭生完全唔記得

    我有3個弟弟都係讀聖文德中學,街坊書友

    回覆刪除
  3. 我都係住65座都係讀約榮仲做過風紀
    62座間餐食叫啟成冰室
    仲有65座間幼稚園叫街坊福利會期...係我母校

    回覆刪除
  4. 我都係街坊福利會幼稚園畢業架
    而家仲有當年響個籃球場影o既畢業相添呀!

    回覆刪除
  5. 黃日華細個好似讀張祝珊既,我阿叔同佢係同學,佢上過我地屋企!

    回覆刪除
  6. 我都係住慈雲山的,但我出世較遲(79年),所以好多慈雲山經典野都睇唔到...不過都有好多記憶

    我係住27座的,樓下有間茶樓叫泉園,佢地朝朝五點幾就開檔,好鬼嘈,我阿媽試過跌左枝丫叉落去,好在冇傷到人.....另外有間冰室叫雪山,有隻白色既狗好鬼惡,細個果陣返學前就係o係呢兩間野度食早餐

    我都係讀約榮小學,但只讀了一年,因為當年61座被發現結構有問題要提早清拆,學校要結束,所以二年班我就去左聖文德啦..... 好記得約榮冬天夏天都 係著長褲既....聖文德好多校規,男仔要剪陸軍裝,女仔要冬菇頭.....細過最常去就係小童群揪會...

    而家慈雲山拆哂,成個都唔同哂...最衰果陣冇相機拍低 而家真係好懷念以前既日子

    希望呢度可以有多d慈雲山既回憶啦!!

    回覆刪除
  7. bryan您好, 之前慈雲山無公共圖書館, 最近都要去到黃大仙, 所以我好鍾意去小童群揪會佢地o個個圖書館睇書.

    回覆刪除
  8. 我仲記得我係小童群揪會既編號係4772

    其實小童群揪會個圖書館d書唔係好多
    所以睇黎睇去都係果d

    另外下面果層既活動中心都好好玩 有間玩具屋裡面有好多野玩 仲有部任天堂灰機 不過次次都要排好耐先有得玩.....佢每日到五點就會攔人唔俾人走 直到大家執好哂個場先俾走 所以我通常四點十一就會走番上圖書館....哈哈....

    回覆刪除
  9. Yan Yiu11/20/2007

    嘩~ 你連小童群揪會個no都記得?
    我淨係記得下下收擋都要人地唱歌姐~

    仲有,Byran兄你媽不止淨係趺支ㄚ义落街咁簡單...

    回覆刪除
  10. 我是约榮小學上午校畢業1981年,我住65座7樓6001-2,我養咗很多白鴿起码有12隻多,成個窗門都比我個鴿籠罩住晒,我家是在65座街市,穩記士多對面鐵皮鋪開凍肉鋪,所以街市裡還境我記得很清楚,啟成冰室做疍撻的地方是左61對出的鐵皮屋裡面,門口有間地茂茶檔,個老闆好肥又高大,個個都叫他肥佬,他的干炒豬扒意粉吃到街知巷聞,啟成冰室侧是甄景記士多,裡面有隻了哥,我地一入去就叫你買咩呀.行入街市裡有一檔買金魚,隔離有間飛髮鋪叫陳記,亞陳叔好有形o架,日日立起個疍墶頭先開鋪,他住65座三樓,因為自小剪到大,所以同他成家人都很熟.由陳記直入有美食廣場(大排檔),啲粉果同糯米卷都好好好吃,仲有一盅二件的小形茶樓,我記得很多公公婆婆一早就去飲茶,65座地下買報纸個肥師拉,仲有,你地知唔知65座中間有一間鴻記米鋪,面向66座,他们就是今日的鴻福堂的老闆開的.

    回覆刪除
  11. cherry2/04/2008

    我幼稚園讀信生,小學讀約榮(1975-1981)中學讀康樂英文中學。我細佬細妹都係讀信生ga!我媽咪都係响信生度任教!佢係陳老師,經常彈琴嗰個就係啦!

    回覆刪除
  12. 我都係65座的人來架,住7069的,由83年出世住到87年就搬左入MOS,希望搵得番四歲的記億!

    回覆刪除
  13. 匿名5/09/2008

    stone2007,我都係讀約榮,做過隊長,請問你邊年畢業?

    回覆刪除
  14. 62座近61座的醫生叫'淩樹培',我住61座七樓,小學係讀'約榮'.很巧合'陳主任'(很高大,很凶狠的那一位)現在同我住同一屋苑.

    回覆刪除
  15. 匿名5/17/2008

    我都係62座, '約榮' had a morning assemblely every morning. they sang during the meeting too and it sound very nice. They served as my music alarm clock during my school years....hee.heee.... I missed it a lot.

    回覆刪除
  16. 我都讀過約榮,但未畢業就搬左.....但那時的小學同學還常常聯絡(1986-20??)
    我從前住30座的.....

    最懷念返星期六,去60幾座中間那裡吃早餐....

    還有無帶崇拜書同紙巾被"集名"的情景....

    許多年前遺失了約榮的照片,有人有嗎?

    回覆刪除
  17. 我住66座,門口号有成5位,條走廊見唔到盡頭,
    我讀信生,條樓梯响外牆,每次行都覺得好高好震.小學讀約榮,小息買樽裝汽水,然後集體响地下樓梯口飲,因為唔比帶入禮堂架!
    後來拆樓,同學仔各散東西,已失去聯絡,往事只能回味!

    回覆刪除
  18. hi~我住65座,都係讀約榮上午校,81年畢業,屋企面向天井公園,我記得好多時夜晚好多飛仔好嘈,有一次重見到有飛仔比人打到訓係地。每年平安夜有好多人係天井公園報佳音,你地有無聽過呀?65座風園冰室d波羅包好好食,每個星期日都買,好似係5毫子一個,又記得65座12樓有間士多(係個租戶靜靜開ge)。

    回覆刪除
  19. 真係好開心,係度見到咁多舊街坊及舊約榮校友。我住62座,樓下有間士多叫甄景記,專造椰子糖,仲早過個間"甄佔記"。你哋有冇去過德愛後面7號球場租單車踩呀?

    回覆刪除
  20. 我65座7樓同66座15樓,以前經常有自來鴿飛來,飛得來一次就會經常再來暫住,haha
    我讀約榮下晝班,小息時除左飲維他汽水之外重會爭住買麵包乾小食,因為好少又唔係經常有,重要係記憶小三前先有,之後唔知咩原因冇再賣,甄景記又係好記得,因為一放學就一定去飲枝大可樂,又會對住佢隻了哥講野想佢學多幾句,甄景記對面係有間舖係有針線有紐扣之類賣,當時買白襪買校服都係道買就得,我唔識歸類佢係邊類舖頭,61座約榮個邊有間文具舖,唔記得叫咩名,每年中秋都落去揀燈籠,聖誕就揀聖誕卡,而早期文具舖隔離係一間鞋舖,以前爸爸就係帶我落去哩道開學買新鞋,細個快大好快要買新,哩間鞋舖係我好細個就冇左,到後期開左間唔似士多既士多,主要係賣零食俾約榮學生,62座個互助委員會有電話借打好方便又可以入去自己斟水飲,後期62座中間開左一間士多,記得好似叫鴻興士多,士多對面又開多間藥房,61座後山近62座有間五金舖,佢地養左隻公雞好多年好大隻,佢地舖頭外面有個棚種左提子,對面重有間鐵皮搭成既大排檔,但外觀完全唔似有野食,但佢地D蕃茄豬扒會意粉係我食過最好食,另外我好想知有冇人記得65座同63座個地下每逢夜晚就有檔食粉麵在電梯大堂開檔,我係因為媽咪相食宵夜就會就叫我落去買而記得,佢地D豬手又係好好好好食,個種鹵水味從未食得返,但又係好早期就冇左,其次就係最喜歡街市入面既粥檔同車仔麵,以前真係一蚊到個半就一碗粥又真才實料大大碗,而66座近救護站又有一間叫高昇既鞋舖,而鞋舖附近就有一間影相晒相舖好似叫天然晒相,而剪髮早期都係去61座62座行入街市個兩檔剪,到大個仔就只肯係61座既髮型屋剪,開始嫌街市檔剪得老土,所以八蚊剪既街市檔唔肯剪要老豆俾成二十幾三十蚊去髮型屋剪,而街市剪髮檔旁邊既金魚舖係我日日都會去,因為養左好多金魚同錦鯉,一日食得晒一包紅蟲一包魚仔!

    回覆刪除
  21. haha又係我,我都記得甄景記係同椰子糖有關,七號球場只有幾歲時跟過家人租過單車踩,但係個個年代已經有人係七號球場玩好專業既大型遙控飛機,而到大到小三之後就只會去五十幾座個邊租單車踩,個時租車要留低身份證唔係留按金,而地球公園個D唔係石牆,直頭係一座小石山,一舊舊石不規則咁砌到好似金字塔,其實都係禽到上坐去傾計吹水,而個時係地球公園就經常玩捉E恩,有時係個地球架捉,有時係個雙滑梯捉,重要玩到有規矩唔準落地面,真係玩到係一邊滑梯禽到中間樓梯再禽到另一邊滑梯成隻馬騮完全唔掂地,好懷念61座既乒乓波石檯同互助委員會既木檯,約榮對出既羽毛球場,中央既足球場,以前玩乜都係玩開就玩一兩年日日放學去食完飯又去,唔知有冇人記得65座十一樓有街坊用間屋開檔做士多,零食玩具都係擺係地面走入佢屋到揀!

    回覆刪除
  22. 62座說:你一言,佢一語,真係勾番起好多回憶。Thank you!! 仲有,農曆新年時,就自然會出現d臨時雲吞麵檔,豆到利是,就第一時間去嘆下,以前,差唔多個個都窮,真係好難至有錢去食雲吞麵,最多都係入中間街市裡面食車仔麵,嗰時,我個年代,仲係兩亳子一個麵餅,食一蚊,連餸連麵,已經大大碗。行遠d,66座對開,好多車仔檔,最有印象係生菜魚肉,d湯底真才實料,見大大舊牛骨,飲晒後仲可以加湯添,超回味。

    回覆刪除
  23. 匿名2/27/2009

    各位舊街坊:六十一座有103個單位,六十五座有94個,六十二、三、四就不清楚(四+左右),每座16層,全部加起五千(5072)個單位,細房3-4人,中房5-6人,大房6-7人,取平均5人,這組群竟住了三萬多人,肯定是世界紀錄!
    有很多是由李鄭屋木屋區"徙置"過來,包括我家,住65座4070,63座紙扎文具鋪叫"李容記",65座向天井街市孖鋪雜貨鋪是"集豐隆",他們在66座還開多間辦館,忘了名字,65座近約榮小學(我母校)而向66座的士多叫"林家園",六七年代放學後便先跑到林家園買一毫子枝孖條及潛公仔紙。
    睇醫生多數跑去57座睇"莫禮富"(花名剝底褲)。

    回覆刪除
  24. 匿名3/02/2009

    hi...我睇到你講慈雲山...我住4樓3053同3094.....我可能識你....

    回覆刪除
  25. 大家記唔記得47座落樓梯,48座樓下側邊嘅「美食天堂」,車仔麪裡面有牛腩碎、蘿蔔、魚蛋,冰凍嘅紅荳冰、菠蘿冰,炸豆腐、魚蛋、辣椒,著住西裝整上海包同鍋貼嗰位「老兄」,一切盡在美好的童年回憶中!

    回覆刪除
  26. 我是住在慈雲閣旁邊小路上去上面的木屋區長大的 :)

    回覆刪除
  27. 匿名2/04/2014

    我都是住65座四樓,讀約榮小學,70年代畢業,那一年就唔記得,祗記得當年班主任是呂沛松.

    回覆刪除
  28. 各位小學同學,你們有興趣參予5月31日11時为歷屆约榮小學感恩崇拜
    老師名單:
    余倩群,潘年旺夫婦,盧炳棠,趙紹雲,蕭美请夫婦,石煥珍,顏小详,任秀瓊,關之江,蔡慧儀,鍾秀坤,陳志強,趙和興,何月容,盧慧堅。
    職員:陳志卿

    回覆刪除