鮑思高青年康樂中心 (轉載)(節錄)

轉載自"鮑思高慈幼會"網站

慈祥的勞神父娓娓道來:位於九龍慈雲山的鮑思高小學裡的小聖堂,本來是由一位施姓的神父所照料的,後來這位神父被調往英國工作,就由勞神父取代了。

當時正是1974年的五、六月,勞神父本來已有很多工作,除了教書以外,又要當修女的神師,還有教導修生及聖堂的牧靈工作,已足夠他忙碌了。可是因他熱愛小朋友,看見當年的慈雲山區滿是沒人照顧的青少年,他便決定向長上請求准他照顧孩子。得到批准後,馬上開始籌辦鮑思高青年康樂中心。

那時的青年中心十分簡陋,沒有玩具供孩子耍樂,而孩子的人數也不多。當時,神父便寫信聯絡各方的朋友籌募經費,決心造福村內的窮孩子。到了1975年,青年中心不但有兵乓波檯出現,更多了一批熱心的義工哥哥姐姐來幫忙,使青年中心即時熱鬧起來,更吸引了村內的窮孩子到來。當時這區的居民生活都十分困難,多是早出晚歸,更無暇照顧自己子女。因此青年中心的出現正合時,立即就成為孩子們的好去處。

此康樂中心在慈雲山的臨在也足足二十年,至1993年因校舍重建而被迫遷往聖母書院(1993至2002),以同上的理由又遷往聖文德書院(2002至2005年)。最後,因校方要取回地方自用,而再遷至石蔭村慈幼葉漢小學至今。

註:
我在星期日常常到這鮑思高小學的康樂中心打兵乓波,不過到三、四點會拉閘唔比走逼人上課室聽耶穌。

留言

  1. 我以前也是住慈雲山,住46座,發現呢個網站,好開心,亦好懷念童年點滴,我在聖鮑思高小學讀既!

    回覆刪除
  2. 有冇在43座樓下鐵皮屋食過野?頭一檔賣排骨飯既女人叫三嬸,鐵皮屋出面有魚肉趐食,好好食架,果d好似麥芽糖既,吹過波大過個鐵圈請你食多次,我試過一、兩次過咋,檔野就在聖鮑思高小學(即我母校)側門出面,有時會有(薄餐)即係油餅賣,有冇食過五毫子雪糕?果度有時會有得食,基本上我講果d都係小販,沿住石梯下落去,即47座下落48座,就係石梯口,會有一檔賣糖水有(紅綠兩溝)食,有冇食過駝背魚球婆賣既魚球?五毫子,佢d豬腸都好好食架,47座望中央球場果邊,樓下有檔賣涼茶既,有把好大太陽遮,重有一檔賣粥,腸粉既,有時食早餐就係食菜乾粥,出面食唔倒既好味,誠信茶樓都有去過,你地有冇去過美景茶樓?近30幾座果邊,d牛腸,燒包一流,再過d有間(面)包舖,我會買一磅磅包,向返40座果邊,有油炸鬼,好新鮮,48座樓下間冰室d蛋撻好正,另一面有間冰間有大光(面)食,又係正,有檔男小販會上樓賣豆付花既,佢會大聲叫(豆付花呢~新鮮既豆付花拿),有冇人聽過及記得?佢好好生意架!慈雲山好多好野食,點解我冇見過有油渣(面)賣既??

    回覆刪除
  3. 唉!你起碼都入去玩作陣先,我試過可以去街時,個閘已經關左啦,有時d男仔霸住波子機同足球機,波又霸住,我地入到去乜都玩唔倒呀!嬲呀!^_^

    回覆刪除
  4. 43座樓下鐵皮屋檔魚肉麵係之前48座搬上去的, 曾消失一排, 重建前兩三年又在43座出現, 呢檔魚肉麵的魚肉好食到不得了, 絕對跟現在的粗制濫做無得比, 好..等我在另文再講! ^^

    回覆刪除
  5. 係呀!康樂中心個度要霸枱o架。
    細個時無乜朋友,呢個地方都陪我度過好多歲月,所以對呢個地方都幾有感情。

    回覆刪除
  6. 我以前住慈雲山37座,好開心可以在這網站回億以前的慈雲山!

    回覆刪除
  7. 我以前也是住慈雲山,住52座,發現呢個網站,好開心, 支持!支持!支持!

    回覆刪除
  8. 多謝大家支持,記得多d比意見!

    回覆刪除
  9. 匿名1/24/2008

    The first shop at 43座樓下鐵皮屋 was a bakery... I used to buy "Cocktail Buns" from the guy... Yummy!!!

    回覆刪除
  10. 我記得雞尾包賣兩豪子一個, 我都好鍾意食, 因為我細個好鍾意食甜野, 記得有一排一豪子短缺, 賣兩個雞尾包比五豪子佢會比多一個穌餅當係一豪子.

    回覆刪除
  11. 匿名1/25/2008

    Yeah! I remember that... and he used to keep the 穌餅 in a big jar... Things were so cheap those days... and there was this old couple frying 油炸鬼 further in... the wife used to take their 油炸鬼 to 三記 at Block 48... I suspect they were providing 油器 for 三記... ^_^

    回覆刪除

發佈留言