2007年9月23日

我的光慈學校

光慈學校位於40座隔鄰,是救世軍附屬的一所基督教小學,我在那裡的下午校渾渾噩噩地渡過了三年(小一至小三),我那時的小孩不像今天有父母或姨姨培同,大多數是自己返學。每天上課前,學校隔離的遊樂場有很多同學在玩耍,那些飛仔外形的"大哥哥"打千秋都是企在凳上好"勁"地飛上半空像要跌出千秋,旁觀的我也覺刺激。

每逢星期六都需要早上上課,我會早些返學與同學在學校附近嬉戲,那時慈雲山有很多流浪狗,我們有時會用棍叉狗屎來玩,或玩下老鼠籠,雖然無聊但很好開心。 逢星期六的早會都有一個著軍服的男人用國語來講耶穌,而且一講便個幾鐘,對年紀少的我只覺既悶又辛苦。

細個時不知讀書為何物只顧嬉戲,默書都在低分中徘徊,不知是否這樣養成今天很善忘。 小息時常玩推同學入女廁或玩閹人,有時會跟同學夾錢買"孖條"食,那時亦很流行食散裝很大塊圓形的蝦片,到三年班時試過跟同學玩兵捉賊不知如何頭撞柱流血,媽媽為此事來學校見校長,不久又玩打架令手較裂了,還因此去了幾次鳳凰新村的梁祥睇跌打,或許媽媽覺得這間小學校風不好,小四便轉校到47座的聖鮑思高讀書,結束了光慈的生活。

光慈學校是在慈雲山重建前已停辦,今天我已完全忘記光慈裡同學和老師的名字,在網上亦未能找到一點兒有關光慈的資料,彷彿光慈學校已完全消失於歷史中。

51 則留言:

  1. 我都係光慈舊生,其實我家4兄弟姊妹都係讀佢,點解讀佢,無其他理由,一個字"近",
    我一家住40座,我最大哥哥1969已經係40座住,我係光慈讀到3年班(1986),就因為要搬到竹園,所以要轉校!

    我同你一樣都好唔明,點解d人淨係記得約榮,聖鮑思高,基慈,但又唔記得光慈,我係果道有好多回憶,踢毽子,買夜光珠, 魚肉翅,我又試過玩閹比人罰企,我仲記得有d 新移民同學, 只係英文差d, 但中文,maths, 都完全比佢地叻囇!

    唔知我地會唔會係同學或師兄弟呢?

    回覆刪除
  2. 係呀, 好奇怪d人唔會提光慈, 其實好多慈雲山人都曾在光慈讀過書, 最少我大家姐、二家姐、四家姐都係個到讀過, 佢地仲成日考第一, 不過到我就無心向學..

    回覆刪除
  3. 光慈係咪在40座??其實唔衹光慈少人提,聖鮑思高都少人提,我在雅虎,仲有d搵舊生網站都完全冇資料,所以我發現呢個網站我就開心到痴左線,太多回憶,真係好多謝慈雲山人板主,板主應該係師兄(聖鮑)!板主畢業時我應該讀一年班,仲想問有冇多d聖鮑舊生呀?

    回覆刪除
  4. 多謝cy_yeung1220欣賞呢個blog, 其實當初在網上搵到以前既資料我都好興奮o架, 初時我整在個好簡單既網頁同家人分享,之後發現用blog做記錄既免費又可以互相交流版面設計又美觀,就更有心機繼續落去直到現在。

    回覆刪除
  5. 各位我小時也是在光慈學校讀書的,那時老師很惡的,校長更甚,很難理解是一間學校,你有冇人認識鍾主任,他常彈人耳仔.

    回覆刪除
  6. 我是1976年光慈小學下午校的畢業生,很懷念慈雲山的舊同學,還記得我嗎?我是鄧偉恒,我記得的名字有胡啟平,呂德強,葉玉萍,樊美鳳等,我們可以組織一個同學會,我想救世軍也很樂意幫忙我們!我曾任風紀隊長,連接四十座的門未必一定上鎖,只是有風紀守著,你們不知道而已。

    回覆刪除
    回覆
    1. 匿名5/06/2012

      我們是同班同學-麥朝芬

      刪除
    2. 匿名2/01/2015

      我有印象鄧偉恒,葉玉萍,樊美鳳,莫非你是同班同学?我的畢業相不見了!

      刪除
  7. 我住在33座,光慈就在我隔離。
    每當中秋節,會有歌藝團表演(在學校間前),
    好熱鬧,很令人懷念!

    回覆刪除
  8. 我住43座,係光慈讀小一到小六上午班,1971-1976年,三十多年前了,好懷念當年的生活:踩單車、踼玻、兵捉賊,放學四圍玩。
    好想搵番逝去的片段,但真係好難搵番光慈的資料!可有人告訴我光慈拆校時的情況?感激萬分!!
    我叫梁國標,當年班主任係曾永拔老師,同學有陳少寶、陳新發、周創文、曾妙玲等,希望有機會再聯絡!

    回覆刪除
  9. 你好利害, 記得咁多同學仔既名, 我就一個都唔記得啦!

    回覆刪除
  10. 請問慈雲山人有否重臨重建後的43座?
    我發覺由中央公園往43座短了很多,是否真的有大改變了的地形??
    我影了相,未知怎樣上麛載?

    回覆刪除
  11. 光慈校友3/28/2008

    我係77年光慈上午校畢業生(葉麗芳),我是小四才插班的,馮美玲及樂翠琴老師曾是我的班主任,翻看紀念冊,還有曾永拔老師,許惠安老師,老梁志陸主任,歐孟堅校長,印象中他們都是很好的.我最記得是六年級參加隊長球,因為要經常練習.同學有馬小紅,林紫薇,鄭澤強,范偉烈等,畢竟已離開了三十年,舊相片依然存在,但故人卻不知何處可尋!

    回覆刪除
    回覆
    1. 印象中妳是班長,長髮紮馬尾,成绩名列前茅的模範生

      刪除
  12. 失去了的光慈回憶,盼望能尋回,望各位朋友多多相助,不勝感激!
    救世軍光慈學校:
    http://www.facebook.com/group.php?gid=40651739873

    回覆刪除
  13. 匿名1/17/2009

    我都係光慈舊生,大約76-82畢業,我住係25座,大家好....

    回覆刪除
    回覆
    1. 我叫陳炳雄'讀6A班

      刪除
  14. 我係培愛75年第三屆畢業,讀了2年由上5A至下6C,之前讀光慈,由21座的救世軍光慈幼稚園,升上光慈小學讀至5D升6年級時,老媽子話好似無得考升中試咁咪留班轉讀培愛!重要係開左學,遲幾日先返學!

    回覆刪除
  15. 我亞哥都係光慈畢業,重記得因地基關係,入大門口前要上約十級樓梯,而禮堂正門都有一個梯型在左右兩邊樓梯入口,小息時在背後的球場玩的,於放學時有校工帶過馬路的[慈雲山道]一過馬路通常都係一支箭咁跑到落17座

    回覆刪除
  16. 匿名5/25/2009

    大家好,我住係25座7樓,我係86年畢業生,不過好似唔覺有搵到同年畢業嘅同學,如果依家 23年後搵到佢地,果種感覺應該好得意,好開心

    回覆刪除
    回覆
    1. 我係最係一屆87年畢業 , 但我留過班 ,有機會同過班 ,我叫基佬 (司徒X基)記得??

      刪除
  17. 匿名7/11/2009

    Mr/Ms.匿名
    I was also 76-82畢業, we probably know each antoher.......

    回覆刪除
  18. 我地五兄弟姊妹,四個都係光慈讀書,畢業!我地四個都係讀上午班。但後來搬走之後都未見過d同學,我重得佢地d名:陳惠珍、林錦祥、戴志源,劉德賢、燿雄、金橋、鄭曼兒、曾安靜雯、少寶、梁鏡強、吳麗雲、王廣華、陳世盟、馬國亮。等...我本紀念冊重有好多資料,但就聯絡不到,如果有機會見面,感覺會點?可以好得意:〉

    回覆刪除
    回覆
    1. 匿名4/03/2012

      我係光慈畢業陳惠珍、林錦祥、戴志源,劉德賢、燿雄、金橋、鄭曼兒、梁鏡強、王廣華、陳世盟、馬國亮,還有盧少萍,她已移民去了瑞典,吳麗雲和鄭曼兒都結了婚。他們都是我的同班同學,當時的班主任是馮美玲老師。你們有沒有聯絡呀!

      刪除
    2. Hi ! 你係陳惠珍嗎?我係勞敏珊,你記得我嗎?
      Vinky Lo

      刪除
    3. 如果你記得我,係Facebook Add 我,或者join
      https://www.facebook.com/groups/Kwongtsz/

      刪除
  19. 我最記得我屋企37座樓下好多小食、大牌當,上觀音廟捉金絲貓燒野食,穿過40座係球場踏單車、打波子、整泥蛋,42座近山邊條大坑渠玩水,跟往去食拳頭雲呑、豬牛雞扒蛋公仔麵、食車仔麵個老細你幫襯大碗到連個女都想比買你。

    回覆刪除
  20. 全宇宙最勁美食天堂"慈雲山"無一年會唔記得!

    回覆刪除
  21. 美景、泉真、飲到悶就食西餐。最悶就落24座幾間比你簡"春蛋燒買"係我的置愛。

    回覆刪除
  22. 假期早餐通常都係去街市入面食豬骨粥+炸両、同亞媽去飲茶、整班Friend打完波就,萬年或者48座食多送臭吋富豪公仔麵。
    中午就食33座美景酒家,因為我有幾個同學個老豆都係度做斬叉燒、廚房、企堂。入面有二五仔大碟好多,佢老細都唔多仲意我堂食,眼BeBe咁之後我就外買仲自已帶個大湯缽去。

    回覆刪除
  23. 下午茶通常都係食雲呑麵或灰番件西多士、韭菜豬紅豬脹一定係43座個潮州婆最正,超多胡椒粉湯至好食,飲一談成個肺都好似打開在咁,舒服到好似換在個新肺。跟住到晚餐....燒夜...太精彩...休息吓再講!

    回覆刪除
  24. 匿名2/07/2010

    嘩...無意中搵到咁多以前住係慈雲山既人....真係要好好回憶一下先...

    回覆刪除
  25. 我係73-79年上6D舊生,住在40座,連著光慈。必次走火警練習都會走返屋企飯啖水至落去集合!

    回覆刪除
  26. ->"必次走火警練習都會走返屋企飯啖水至落去集合!"

    哈哈! 你都幾搞鬼!

    回覆刪除
  27. 匿名3/20/2012

    Hello! 我係1974-5年上午班畢業,班主任係許惠安老師。大家好!

    回覆刪除
  28. 匿名5/10/2012

    Hi,

    我係76-77年下午校畢業, SAM CHAN 的描述好清楚,我都是住37座的,
    真是很懷念!

    回覆刪除
    回覆
    1. 我都係77年下午班6D畢業生,你中文全名叫什麼

      刪除
    2. 匿名6/03/2013

      Hi,我是77年上午班6D畢業生

      刪除
  29. 匿名6/04/2013

    真是懷念光慈的那些年,我也參加隊長球 也記得許惠安老師、區孟堅校長

    回覆刪除
  30. 匿名2/10/2014

    各位學兄學姊:大家能在今天寄語話當年,何不召集自己本屆畢業班別同學相聚重温舊情呢?據知曾永抜老師和伍翠薇老師仍可聯繫,我是75年6A同學

    回覆刪除
  31. 各位好,
    我媽媽是光慈第一屆的畢業生,不知道可否找到同班同學?

    回覆刪除
  32. 匿名3/27/2014

    我是1972畢業生。周荣安、有没有同学記得我?

    回覆刪除
  33. 匿名9/14/2015

    HELLO, 我係86年下午校畢業. 李無逸校長.

    回覆刪除
    回覆
    1. 83年已係全日制 ,冇咗上午/下午校 ,我係最係一屆87年畢業

      刪除
  34. 我係最係一屆畢業 , 我叫基佬 , 有冇人記得??

    回覆刪除
  35. 匿名3/06/2016

    我係84畢業的,懷念

    回覆刪除
  36. 匿名6/12/2016

    我是1972下午校6A班畢業生。伍惠民、有没有人記得我?

    回覆刪除
  37. 我是1975年畢業生,梁雁虹,我想找鄧銀鳳。

    回覆刪除
  38. 匿名6/20/2016

    你是不是上午6E班,我是75年上午6E班,我紀得鄧銀鳳呢個人。

    回覆刪除