2007年9月10日

撥著大霧默默覓我的去路 (轉載)

轉載自"亦軒耳機音樂世界"網站

今朝起身見到獅子山被霧籠罩, 一陣水氣既味道由樓下地面傳上黎, 而氣溫又唔熱. 令我諗起細過住慈雲山既日子. 我住响最近山邊既一座(43座), 屋企向北, 窗外既風景全部都係山, 山頂係無線電視既發射塔, 每逢落過雨後同春天時份都好大霧, 而且草既味道同霧氣一同揮發出黎, 令人感到平靜.

冬天慈雲山既北風好強, 每逢山色變做金黃色既時候, 阿婆總會煲菜乾豬肉soup, 以前冬天係好凍, 飲一碗soup令人好舒服. 身邊好多朋友同媽媽都以為我唔仲意飲soup, 但其實我係好仲意飲, 只不過媽媽煲既soup真係好難飲, 出邊街既soup又唔好飲, 所以依家我都好少飲,

細過時候我仲意食咸旦送飯, 尤其是有soup飲果餐, 所以細過身體好瘦弱, 小學4年級果陣我連60磅都冇(我唔係生得矮既學生), 屋企人都驚我養唔大 (唔係講笑, 响果個年代, 一年總聽到有個同座細路因為病而死既消息) ,自從畢業後成日响街食飯, 身型暴漲, 由畢業至今起碼重左廿幾磅, 因為飲得酒多仲有肚脯一個.

兩年前, 我有個客戶响太平山頂, 3月去盤點, 當時好大霧, 我坐巴士到達凌雲霄閣, 落車後跟本見唔到五米以外既路, 我只好緊緊跟住前面一班似入室內既人, 我咁大個人都未見過大霧大成咁 , 今日對面獅子山都好大霧, 好彩唔洗去上山做野.

我細嗰既時候係住慈雲山既65座。 記得每晚食完晚飯,都會陪姑丈上中央公園乘涼, 而家成個慈雲山變哂囉!得閒上去行過幾次,面目全非我小學讀嗰間約榮小學同聖文德小學唔見咗! 只係中學間保一仲係度.

我小1-4都係讀約榮小學, 因為66座係危樓, 所以要拆, 結果去左另一間讀, 睇黎我同你差唔多同期

我小1-3班主任係何佩芬老師, 小四係盧寶兒老師, 果時訓導主任係陳自強老師, 每日早會都係關之光老師.......果時有個小5-6有個風頭dun女同學, 佢讀6A班, 成日代表學校出去演講比賽, 我覺得佢好叻同幾靚女下.

約榮6A班D同學好多都入到當時既名校, 保良一, 恊和, 德愛(女校), 聖母(女校), 聖文德(男校), 而我係一個好懶既學生, 所以讀小3果陣考尾2, 結果由3A班去左4B班 最後因為拆校轉左去一間不知所謂既小學讀小5, 後來中學一直响BRAND5學校打滾.

我唔係記得d老師咩嘢名喇!
只係隱約記得有位叫顏小羊,不過唔記得佢係我約榮既時代,又或係聖B既時代.

我好掛住維他汽水呀!

唔似係約榮既老師, 你讀保一果陣識唔識幾個同學: 何炳光(聽聞佢入左中大讀英文系, 而英文比中文仲要流利), 蘇詠華(好似做左LAB TECH), ALLEN (佢PART TIME做個會計師樓, 依家去左寫馬經), 吳自強, ...... 仲有好幾個都唔記得叫咩名.

可能係我响聖B既年代.

原來我同KUNDERA小學既時候讀埋同一間學校呢

每年都有[得力掃]糖黎學校做PROMOTE, 唔記得邊間出版社黎學校做PROMOTE, 最後我買左本圖畫英文字典, 而我既英文名都响果本字典搵出黎.

記得呀!
你仲記唔記得,每當回南天既時候,地下禮堂個地下就唔知點解會好鬼滑架,矢仲有一大陣臭味添,
d護士呢學校同我哋打卡介苗,成班响課室等聽宣佈,諗番都好恐佈!

1.) 因為怕痛, 最後一次卡介苗冇打到 , 可能我真係中左肺癆
2.) 放學家長接送都係行66座樓梯落返去

歐小姐,我仲keep住張約榮既證書,睇吓你都有冇keep住一d,等我哋再搵日上俱樂部交換睇,一定好開心
我早會集會之後,我係行右邊上學校樓梯行番上樓,但係我會好妒忌點解有d班係可以轉左,行公屋d樓梯上樓,咁咪可以唔使咁快就上堂囉.

可能仲有幾張成績表, 不過好難搵. 記唔記得文言文主禱文(差唔多每日早會都背), 綠色既崇拜手冊.

歐小姐,我老家响65座對街既11樓,記得向下望係可以望到66座嗰救護站, 我細路果陣係好鐘意成日望落街睇d白車架, 仲有仲有,66座對住德愛果邊有間士多,佢果度賣既益力多冰係好好食架.

細過冇零用錢買野食, 後來中學我去左約榮對面既[康樂中學]讀中1, 2, 當時約榮已經拆左.

乜 TWS 咁多座架? 我成日以為秀茂坪有 45 / 6 座已經好多.

有6X座, 但其中有中間幾座係冇.

你記唔記得去過萬年戲院睇戲呢?

寶爵酒樓

仲有國華銀行既冷氣好夠凍, 張墨綠色梳化最好坐.

我而家都仲係住ING 慈雲山... 最記得係細個個陣...係差館對面住....而家拆左個到
個陣冬天早上7:00 要上校車..0650就係下面等, 風又大.....早上又凍.....唔係日日有媽咪一杯愛心熱鮮奶都唔知點捱@@

呵呵,你地係唔係讀3座果間"中心幼稚園"呀?

記得中心幼稚園隔離係保良四小同菜種.

老豆未死既時候, 我住响浦慈里既慈祥大廈, 當時屋企遠望可以見到[蔡準]既樓頂, 細過做完功課都仲意望街, 假日萬年戲院3點半散場係好多人, 唔知點解, 細過住响慈祥大廈, 個心硬係唔自在, 間唔中仲有一種好驚既感覺, 就算老豆同媽媽同我一齊都係有依種不安.

慈祥大廈下面係唔係有間牛腩面檔的呀..!

我6歲果陣搬左, 冇咩印象.

有冇去"伍藥魚"睇過街症呀?

冇, 但一過左伍若俞再慈雲山北, 空氣會好清涼.

嘿嘿,我以前住係聖b小學,斜對面既17座呀,一出細就住到91年,慈雲山重建先搬左去黃大仙下村...
國華銀行係咪後來變左做渣打,變成今日既萬年麥記呢?

咩都變哂 聖文德小學既女生都係著褲, 同約榮一樣.

體育衫就係!平時既校服夏天係水手裝,白色同淺藍色;冬天都係水手裝,不過係深藍色.

約榮: 啡色長褲, 白裇衫, 因你變耀眼.

維他汽水同得力素^^

我讀小四嗰年因為約榮要拆,所以要轉去聖b讀。 仲記得聖b對面既17座有檔賣煎韮菜餅,好好食架!
同埋同埋,有時我放完學,會跑過對面馬路個石油氣站,再上配水庫玩.

17座煎韮菜餅我又冇吃過,只記得17座下面有"紅面仔"士多,葉輝記文具..(都好多玩具)...聖b五每逄五點半就操銀樂,係唔係人人都會唱牧童x呀!

係! 係人人都識得吹牧童笛, 平既有係文具鋪買既祖國貨,我用既就係呢款, 貴既有yamaha出品既日本貨,聽講聲音會清脆d.

沒有留言:

發佈留言