你的童年是怎樣過的?

轉載自"親子王國"網站

我住五十一座架,我住巷仔0個邊,夏天0個陣都係打開晒d門架,暑假0個陣幾戶都拎d膠花番黎,攤晒0向條巷仔道,跟住鬥快邊個最快,真係好happy架,仲有新年有舞獅燒砲仗,中秋節晌條巷d涼衫竹掛哂d燈龍,玩(煲立),火燒燈龍.......太多太多難忘既野la,一次講晒下次咪冇野講lo

我7歲前住16座, 之後就搬左去第2座....你住第51座係咪中央公園對上近47座附近呀, 我記得中央公園間唔中搭晒棚有神公戲, 好熱鬧, 新年時, d細路好鍾意幫屋企油鐵閘, 其實係度玩, 中秋節樓下公園簡直不得了, 我地實law 燈龍落去, 真係插針都插唔落, 係樓上望落去, 全部燈龍著晒光, 真係好靚, 有時又係走廊盡頭樓梯口煲立, 好好玩, 而家D細路真係玩少好多野, 都冇晒咁既奇景啦!


hi,冬菇頭 你0個座咪好早期拆lo,51座晌為食街0個邊,以前成日去為食街食野架你有冇去呀?我小學係聖包思高,你呢?仲有以前我地玩煲臘都冇整親,都唔知而家d人點玩既整到燒傷,不過我唔會比個女玩lo,諗諗下都幾危險架 以前點臘燭玩燈龍,而家好多都用電芯玩,好似冇咁好feel

唔係呀, 其實因為房署比2間屋我地, 所以需要調遷。 你又估下我讀邊間小學, 女仔係要剪成椰蓋頭, 鬼咁醜樣。
你講果條食街係邊呀? 可唔可以比都少少tips.. 我記得我去過57座附近食野, 果度有艇仔粥, 牛肉粥, 炸兩.食.好美味.....又或且去12-13座(好似係果幾座) 食牛腩面, 好味...... 不過我諗而家慈雲山全部都拆晒, 都唔同晒... 你有冇去過萬年睇戲呀, 細個果時專登買超等第一行, 但自己又唔夠高, 比前面去條圍杆"姐"住一節, 成日要企係身睇戲

我都係有兩間細屋0咼,仲係打對面添,0個時幾開心(開始大la,不過唔記得幾時la)我同阿麻一間,我爸爸同我阿嬸佢地一間(我爸0向大陸娶番黎既老婆),唔洗對住佢呀ma,好日都唔會過去既, 我都冇叫你估我讀邊間,好衰架... 除左我0個間仲有間至正....估唔倒la,開估啦 ,為食街0向49座後邊近住聖包思高小學架,你知唔知49座晌邊呀 其實我唔係好記得你0個座晌邊0咼 我有去萬年睇過戲呀,最後期0個時同我以前個男友去,成間戲院得我地兩個乍,而家諗起都幾恐怖0咼,間戲院咁舊都唔知有冇......

我的童年係住屋?, 屋企經濟都唔錯, 起碼想要的玩具, Daddy都會買比我地; 另外隔離左右的小朋友的年齡同我差唔多大, 所以果陣我有一班好朋友仔, 成日通山跑, 十足牛王妹; 我地有?食又一齊share; 又成日去士多玩"潛"?, 又上山捉金絲貓, 總之每一日都好開心. 唯一唔多happy的, 就係亞媽重男輕女, 不過好彩我Daddy係0鍚女多d.


我地兩間屋唔係對面, 係係正隔離, 我d家姐亞哥住一間, 我同我細佬就同父母住另外一間.....開估啦, 開估啦, 咁都估唔到, 全慈雲山得一間學校要剪成椰蓋頭咋喎., 就係~~~聖文德小學...真係好鬼嚴, 每朝入學校大門時, 如攜帶膠袋, 又係膠袋寫名, 上課室又要檢查皂盒及指甲, 有時又突擊檢查頭髮, 睇下有冇過耳仔, 過少少都唔得,所以細個好羨慕d人可以留長頭髮
49座,我要重組下先, 遲些少話你知

我好細個就跟阿麻去中央球場睇神公戲,好多時都睇到好夜架,你仲有冇去慈雲山呀,而家真係成個迷宮咁,我試過0向入面盪失路,又試過搭的士入錯路口 係呀我醒唔起有聖文德0咼,乜要剪椰蓋頭咁慘架 你係咪要返工架,平時幾時入bk架

當然有去中央趁熱鬧, 不過就冇興趣睇神功戲, 果度係咪淨係做"自己故自己" 潮州戲呀, 早幾年都有去慈雲山探下d舊街坊, 同埋食下碗仔翅, (真係睇住佢發達), 不過呢一.二年好少去喇, 我有舊同事住係度, 去佢屋企時,順便懷念下啦 我知你果座個位置, 係對正前面中央,我地真係一個山頂, 一個山腳, 我住果座係最底既, 你知唔知新既圖書館係邊. 最近鳳凰村果度..

我住0個座唔係中央球場對面,中央球場對面係47座,51座要入到最裡面架,咁以前你地0向邊道買送架 神公戲好似做潮州同學佬戲架 我都唔中意睇架,不過貪0個道有車仔買野食乍 我係全職C奶呀 你住0個座係咪近住5C,2F總站架 咁你而家住係邊一區呀

原來我地係舊街坊黎架!
各位慈雲山舊街坊, 你好嗎? 見到你地所描述的情形真係勾起我好多好多童年時的回憶:
我仲記得以前最近山邊的就係51, 52 及53座! 而係52座有好多街邊小食你地仲記唔記得?
有: 格仔餅, 魚趐, 豆腐花, 涼分, 車仔面, 粉仔…冬天就有煎羅白糕, 炸魚旦….仲有係52座有間”明記冰室” 因我住52座所以我好記得, 同埋我有好多姊妹所以成日都四維走。我仲記得係49座有好多飛仔的, 而48座就都有好多野食, 唔知你仲記唔記得係48同47座之間有d鐵玻起的地方有好多野食架, 有奶茶同果d 鍾頭飯…真係好懷念。


我同你住得最近0咼 你講0個道咪係為食街lo,d盅頭飯都好味,你屋企係唔係派番慈雲山呀,以前我都成日去52座食車仔面同冰室食野架 d波蘿包好正,而家好難搵倒好食既波蘿包,連美心聖安娜都冇咁好食 咁你而家住邊區呀............

又多一個鄉里 嘩原來你地上面咁多野食架, 我好少上到咁高咁遠食野...

lulu媽媽, 我記錯左以為你住47座, sorry 我果座唔係5C, 2F總站, 係第2個站.... 你細個有冇去東南西北座果度食野, (個位置係而家斜路小巴站對下) 我記得果度有好美味既炒蜆, 東風螺....講真呀, 以前食乜都好味d, 而家都食唔返以前d味道

我仲記得以前的夏天好興買已cut好的西瓜同波羅食, 仲有d 叫做雪水的小反飲品可以加紅豆, 波羅or 涼粉, 和以前係51座地下(近互助委員會)到夜晚時有個大排檔, 有河粉食又有干炒牛河等等, 你地仲記唔記得呢? 大了些後我就同家組好仲意去萬年, “媽6”果頭食辣魚旦同糖水, 係果度食茶餐d奶茶仲可以叫大杯架….而每到春節時到會係萬年睇戲, 之後食雲吞面, 又要跟亞媽去黃大仙迫拜神 (坐3A巴士)我記得在後期即大約在1988, 89年度我地就搬走了黃大仙下村了, 還記得在未搬之前的2.,3年慈雲山的治安是最差的 (d 黑幫到處都是) …..真係可惜。

我就記得有d街坊自製雪木瓜,我地就好鍾意去幫襯, 間唔中又有齋老味, 豆腐花同砵仔糕,白糖糕..推上樓賣. 細個時d女仔好鍾意玩紙公仔, 可以幫佢玩衫, 有時仲自製女仔,自己設計埋d衫tim...開講萬年果頭, 我都好鍾意去行下, 食辣魚旦, 牛柏葉..... 3A, 好耐之前D巴士站係晒條長命斜, 即郵政局果條, 我地都係住到89年搬離慈雲山.... 喂))))你以前有冇去過石礦場度玩, 即現址係鳳德村...我地有時成班人去執石仔, 然後玩稱斤。


Ha Ha! 原來你都記得以前有豆腐花同砵仔糕上樓買, 你有無幫陣過亞, 果d豆腐花依家真係食唔反la. 我仲記得以前有紅豆沙同芝麻糊都有上樓買的。石曠場果邊我就真係唔敢去, 因為同我地玩果d朋友都唔敢去, 話有鬼Wow…..但係我地有玩53座的斜坡 (長樓梯果度亞) , 依家想起都覺得好危險的。 我仲記得以前暑期時一早就要起身幫手洗衣跟住就落公園晒衫 9點幾10點已經無晒位la. 如果亞媽要我地去晒”綿貽”就正la 因為一早就去公園罷位又要看住d”綿貽” , 中午食炒面晒到太陽下山先收檔回家。

你地講上樓賣野仲有臭豆腐,炒麵粉仔,磨較剪產刀,51座樓下我食過陽州炒飯好好食呀,仲有菠蘿,紅豆冰,仲有咸濕野食添,仲有整糖公仔你地知唔知邊d呀 0華真係好懷念呀

係呀, 晒棉被簡直係一個經典, 通常都要好早落公園霸位, 放將d 被係"琴鋼架", 捐山窿上面, 仲要看住張被喎, 真係寓工作於娛樂 以下玩意你地有冇玩過呀, 仲記唔記得康樂棋呀, 張台好大, 要將d 棋打落對方既洞入面, 通常我地會抬出冷巷出面玩, 另外玩滑板., 我技術都ok架, 仲有仲有, 就係會吼住架可樂汽水車係樓下出現, 有搖搖比賽, 如果做到佢地指定既花式, 會送個可樂搖搖... 細個真係有好多好多野可以回味

你細個有冇上44座0個道玩呀,我細細個跟阿麻係0個道洗衫,即係山上面流落黎d水,真係好清涼架,阿麻洗衫我就打(秋千),仲有以前病既時候會去44座睇e生,諗起以前d藥粉然後溝水,真係苦過(弟弟) .........真係好多回憶

我發覺以前係慈雲山食過概野, 係第2度真係食唔反架!
係啦你地仲記唔記得以前一打台風”明記”就即刻無餐賣, 不過”明記” 的西多士真係好正, 我以前行過都”問”到這種香味! 你地仲記唔記得係”明記”格離有間士多叫”蘇記” 個士頭婆個頭成日都有髮圈, 同埋佢有隻?好老ga la, 好攪笑!! 而係”明記”的另一面就有一間叫”朝連”士多個士多老板好cool.
我細個係讀”至正” 之後因為要柵間學校改建圖書館, 我就轉係”求恩” 完成6年班課程了。
你地又係點ga 呢?


我細過好鍾意跟亞媽去飲茶, 果間叫做"志興", 似茶居多過酒樓,最喜歡睇電視日報加一盅鳳爪排骨飯, 跟住去下街市, 不過我就唔識煮飯 我仲記得係慈雲山見過莊文清同佢前夫一齊, 不過都係n年前了, 而我阿哥本校刊,就有細個時既黃日華張相....讀中學時, 有一次見到發哥架車係側邊經過, 我地7-8個女仔一齊尖叫, 都唔知有幾多分具,好彩d建築物冇比我地震裂

你好犀利呀,記得士多d名,你講0個間成信茶樓我細個成日都去食架,我記得糯米雞都好食架,你地記唔記得以前有份好似叫明星日報送明星相架,以前儲好多明星相架,仲有好中意食孖條,雪球.....

可能我淨係追開電視日報. 細個真係好鐘意食孖條, 因為可以2個人share 一支雪條, 雪球都好懷念, 仲有一隻椰子雪條, 真係好多椰子碎係入面....

我都係慈雲山之友 61座,87年搬走? 我都有去志興架, 通常同呀媽飲完茶就去隔籬個街市買?,仲記得?雞鋪?師奶捉住?雞吹佢地屁股添。怕姐呢招就快失傳啦。逢中秋節望去觀音山,都見到點點燭光排成一條長龍,真係好romantic ,通常夜晚9:00后至上去,有時會去7號墳場(卜維廉后面個球場)煲蠟。你地有冇去寶爵飲茶呀??

Hello, 你地好呀, 好開心有禁多同鄉係度呀!
你地知道嗎? 我真係差d已經想唔起“至興”係嘜地方啦! 但依家真係call反起好多回憶呀, 如果唔快D記下來, 就真係可惜啦! “至興”D蒸飯好平ga ma, 我記得, 係果個街市有人”燒立尾”, 我細個時覺得果度好靜架。 呢唔知你地有唔人仲記得48座果d”魚肉面” 呢, 我真係好想食翻亞!
我地以前冬天成日都飲”熱維他奶” 同堆有”law米飯”食, 同埋住係慈雲山時的冬天係特別凍架。 如果夏天食了晚飯後就可以落公園”斗涼” 好似唔駛溫書架…同埋飲支裝氣水”沙士”...

你咁夠彊, 去七號墳場煲蠟, , 我記得我阿哥會去果度捉金絲貓(成隻蜘蛛咁款), 仲自己做個籠(用好硬既葉做成一個盒仔) 好多時會將2隻放埋一齊等佢地打架 去寶爵,當然有la, 不過佢d質素愈做愈差 , 你有冇試過係夜晚去12座金鳳酒樓旁(第3座禮賢會幼稚園斑馬線對面)食炒螺,炒蜆, 佢係夜晚至開, 金鳳d干炒牛河又好好味。

karson, 係咪記得志興ga, 你住到咁高, 都會落到山腳 我記得如果買走支汽水要按樽,有時拎番幾個樽比佢, 就免費換番一支汽水飲 我同你一樣, 都好想好想食番以前的野 , 不過都好難搵得番la. 你地快d諗下仲有冇特別回憶, 我都要趁而家記住。


你地住果座/層樓打風時有冇水浸呀?我住果層次次都要埽水,成條冷巷都係細路鬼死咁好玩。
仲有久不久停電要四圍點?燭,跟住就同埋隔籬?細路一齊唱:條街黑me mun, 條街黑me mun, 嚇到鬼都怕咯... ...果時真係多鄰居,差唔多家戶戶都3、4件細路,出親冷巷玩/打架都有起碼10人,真係唔駛好似宜家咁要參加課外活動至?到人陪玩。寶爵?食物又真係麻麻地,但係好似得佢有冷氣喎

公爵就小去啦,以前我記得有潛野,呢...即係一張有好多NO.跟住拻一張就有野獎,不過有乜野獎就唔記得la,你地記唔記得呀 係呀我又記得好多時都冇水,個個拎住d桶,水煲落摟下擔水,仲有樓下d公廁好臭 你地仲記唔記得以前屋企廁所係"mou"廁跟住先改左座廁,以前屋企地下冇鋪野,用洗衫刷仔mou係地下係咁刷,都幾辛苦架 仲有耐唔耐就會油樓外面d牆,見d工人0向上面吊落黎幾得意呀 不過吊到去自己個窗口就覺得唔知點咁 好la......到你地講回憶la

唔提都醒唔起打風時, d雨水會係巷尾d窿窿牆吹入冷巷到, 要掃水. 但我地會放下船仔,玩下水先.. 又或且專登走近d窿窿牆等d雨水弄濕, 當然唔會變落湯雞.. 仲有, 一打八號風球,多數都係食罐頭. 停電又好好玩, 實會走出條巷到, 好彩以前唔似而家咁熱咋, 而家夜晚少陣冷氣都唔得 另外, 有時同其他層數唔同既細路鬧交時, 就會係冷巷盡頭d牆身寫, xxx係八婆, 唔知你地有冇試過. 突然記起, 你地記唔記得細過時食既一種零食, 係一種成張紙咁薄既(唔知點形容)有白色, 粉紅色,好似印左d野係個塊類似薄餅 , 總知一食落口就溶, 有冇人記得起叫乜名呀 lulu媽媽, 唔係新蒲崗公爵, 係萬年戲院個頭間寶爵,潛野當然有幫襯過啦, 不過我地會照辦主碗, 自己整no.玩潛野, 喂, 你地有冇玩個拍公仔紙同埋射波子呀

我有食過你講0個d紙咁薄既野,不過我都唔知叫乜野 你地d樓有冇野食賣架,我0個座9樓有間士多,成日都落去買野食架 我地0個個年代d細路都係玩拍公仔紙,彈波子,仲有好似竹簽既野,仲有隻玩具要0向大堂玩,拎住條線發黎發去好似有聲架 你地明唔明我講邊隻呀 仲有0向地下畫跳飛機玩,係條巷玩煮飯仔,仲有用益力多整over機,一個係上面0個層,吊個益力多落去下面0個層,都幾好玩架。


真係唔係好明係乜玩具 你地玩跳橡根繩有冇玩過織花(將條橡根繩打孖,然後拎去一條, 又點知點"橋")同埋跳棺材。

你係唔係講0個隻橡根繩叫織布呀 織布我就玩過,另外一隻叫棺才,用隻腳蹺黎玩你地有冇玩過呀。

我係61座約榮小學架,e+住荃灣,一年都有3次上慈雲山 (拜山)。有1個曳曳女。
果隻白色粉紅色?我細個果時name佢做簿餅。
大字報、跳飛機、橡根繩緊係有玩啦,不過射波子我果頭唔興喎
中央果時有個好似搖玲(約2層樓高,可以坐+幾人一齊玩,搖搖板+??轉)?物體,玩親都俾佢fing到想嘔。
仲有果時sir滑梯用鐵皮,又係2層樓高,夏天玩就勒pat pat。e+就好miss,你 估如果e+有得玩,我地俾唔俾的仔仔女女玩ar

咁多位好 heifamily大字報點樣玩架 你地細個0個陣有冇去啟德遊樂場玩呀,我最中意玩咖啡杯同旋轉馬 你地結婚0個陣慈雲山拆未呀,我就結左婚佢先至拆,講真真係好唔舍得以前d街方,真係由細玩到大架

你住果頭通常都係讀約榮小學, 好似61-65座係連埋一齊, 咪成個迷宮咁 我覺得以前樓下d遊樂場既滑梯, "琴剛架"??轉, 好玩過而家d遊樂埸, 仲有以前樓下公園有好多喇叭花再埋臭花(細細朵好多顏色), 而家都好難搵番....啟德遊樂場, 當然有去過, 新年逗埋d利是$, 便走去玩, 我記得我地多數行落去, 玩下騎迴旋木馬, 咖啡杯, 拋d錢落個磚格到, 中左就有白箭香口膠......夏天就走去摩士游水, 細個真係冇憂冇慮....仲有好都回憶, 要慢慢recall出黎.........
我結婚果陣時, 我住果座好似未拆, 不過我屋企都搬走左, 不過我都有請番d舊街坊飲我果餐架....

係呀我住果度好似迷宮架,我哥哥小二試過迷路要人帶佢返屋企tim
同埋人地(?同學仔)話如果有外人入?慈云山"開片",最好就係去61-65座,包佢地走唔返出? 我屋企望住中央,試過見到4、5個人喳住刀由47座果邊一路跑(追殺)到我地果度 都幾得人驚
?德我就鐘意玩坐船仔同碰碰車,掟錢果?遊戲好想玩但爸爸唔俾。第1次玩過山車都係啟德,果次驚到都唔識大叫,e+緊係覺得小兒科啦,去親主題公園第1樣要玩就係過山車? 我往果度係最早拆架,所以未結婚

我估你地都係住媽6果邊, 我以前覺得果頭最多野食同埋d新野都你晒果邊先架, 我記得最早有超級市場都係係萬年果頭行。係呢你地有無覺得以前住慈雲山就算無冷氣概夏天都無依家甘熱呀,以前夏天成日都食冰條...
去摩士游水我都有不過以經係10幾歲(中學)概事黎啦!以前細個果時需言可以出街玩,但就都唔可以離開慈雲山, 如果唔係比老豆打到飛起..

0個陣時 慈雲山夏天好似真係冇咁熱架,夜晚sleep0個陣咪開門上下兩隔門仔 lo,以前仲特別多小強添,我同家姐一見倒d小強就瓜瓜叫 跟住阿麻就會用手捉走,好核突呀 仲有屋同冷巷之間個氣窗,我有個恐佈既經歷, 你地想唔想知呢.......

除左supermarket係萬年果頭外, 我記得慈雲山第一間seven eleven 及馬會都係萬年果頭,7-11近國華商業銀行, 你地仲記唔記得有間咁ge銀行? 7-11我就最鍾意食一隻黑椒牛肉潛水艇, 叮一叮佢, 好味道 , 另外仲有一間食碗仔翅, 以前得一個舖頭, 而家有2個舖頭, 仲有ga, 我上年專登去幫趁,你地又有冇食過? 你地個個係咪都住16層個種, 夏天時, 淨係係咁意扣上鐵閘就?教, 唔會sound大門, 但係到左鬼節, (弊, 打到呢到有d驚tim) 因為我係?上格?, 原本應該打開個氣窗通風, 但驚隻x 望入黎........所以閂埋個窗?, 寧原熱死, 好過驚死, 不過試過第一次, 發生左好恐怖既野, 而家仲記得好清楚

恐怖既野有呀! 我姊姊話如果夜晚唔訓”忙”條冷行會見到”黑白無常”, 我好記得佢話見到有2個著住黑色同白色西裝有概人係冷行到行...
而我就真係有次印象好深刻的, 因為見到時係讀緊中學時,在清晨時分天還未光(夏天)我睇住51座條冷行有成排(好長)白衫人行到去冷行的盡頭(我住52座的).....
好恐怖...

我既恐怖驚歷係.... 我唔記得左係幾時(0個陣已經二十零歲啦 )應該係秋涼既時候,所以冇開到大門,而我麻 就 下隔床,我就 上隔床(0個時得我同阿麻住一間屋),我個頭上面就係氣窗,即係張碌架床係拍0向氣窗幅牆,因為係秋涼所以氣窗開左dd 0者,0個晚 到半夜,比d聽音嘈醒,當我一張開隻眼 好自然就會望倒個氣窗 有個人頭係道 0個陣因為 到十下十下以為發夢,但係個氣窗開左0咼 當我清醒之後即刻坐起身,諗返自己一張開隻眼,個頭就跟d腳步聲走左la 即係0個個係個人黎,唔知係唔係我整醒左我阿麻,佢問我乜野事,我話有人裝我,跟住我麻打開大門用學佬話係道鬧 第二朝出門見倒氣窗個位有張凳係道,係d鄰居留係出面坐傾計既,住係我隔一間屋個c奶話有晚佢都係 上隔床,半夜有人搵枝野new佢腳板底添

講住一個好濕碎既比你地聽住先, 話就我讀緊中學中二.三果年, 第一晚?到半夜, 樓下遊樂場傳來一陣陣女人哭聲, 果種哭聲唔係普通喊聲, 好悽厲哀怨, 聲音又時近時遠, 維持左我諗都有十至十五分鐘, 當時真係嚇到將張被蓋埋個頭唔敢"旭", 第二日我同我d 阿哥講返呢件事, 佢地話聽唔到喎, 其中一個哥哥話如果聽晚再有, 佢就會起身望落樓下睇下有冇人整估及用錄音機錄低d聲音, 點知, 第二晚又有, 但佢就已經嚇到都唔敢起身睇同埋錄低佢 過左幾日, 同d街坊個番呢件事, 原來有一個街坊(佢係成年人), 話望落遊樂場但人影都冇隻喎...........

你0個陣住幾多樓架,聽得好清楚架

我住9樓(即第8層), 聽得非常清楚, 而家都記得, 最奇怪係d聲音時近時遠, 時左時右, 好似識飄咁

係呢....你地有冇去過慈雲閣呀

慈雲閣有去過, 不過細個果時去都好驚, 覺得果度都幾恐怖,所以只係去過一.二次
你記唔記得細個時去街市係用"鹹水草"扎住D菜, 如果係魚, 就多張電話薄D紙包住. 果陣時D技術好好

講開咸水草令我諗番起以前買生果係用個紙袋,跟住放張紅紙0向袋口,再用條繩札住就咁拎住走 係呢你地有冇玩過銀仙呀,我讀中一,中二0個陣最興玩架 試過日光日白同兩個同學0向53座個公園道玩 其實都唔知係咪真既 有次同一個朋友去慈雲閣,入左裡面個洞,跟住行入將近到出口道坐低(洞入面有凳比人坐既),跟住我地兩個就0向道玩銀仙,玩完之後諗住原返條路出番去,點知行左幾級我地兩個一齊停左0向道,於是我問個朋友見倒d乜呀 佢又問番我見倒d乜0咼 嚇到我地調頭走,離開左慈雲閣之後大家就問番頭先見倒d乜野 我話0向轉角位見倒有d白色野,佢話佢都係見倒 之後就唔敢再玩啦

我地興玩碟仙, 銀玩好似有d兒嬉, 通常我地成班人係條冷巷尾玩, 試過有一次係個鄰居屋企玩, 因為佢屋企冇裝地主 我地玩得好x誠(唔記得點寫, 我估你地明) 要"裝香"玩, 又要除低晒身上d玉珮等等....不過玩碟仙果時, 真係有股力量推來推去, 但大家都話唔係自己推, 通常我地都會問碟仙幾多歲? 估下我地d名同埋電話no., 最深刻果次, 係玩玩下突然有個朋友掀起隻碟, 隻碟係唔可以掀起的, 如果掀起左隻碟就會有........ 跟住全部人四散, 我仲驚左好幾個月, 好似自此以後就冇玩lu.......
咁你地仲要唔要聽令到你地好驚既故事呀

講喇, 講喇, 你地又要聽又要驚
話說住係我地隔兩間屋既一個男人, 佢係做酒樓, 平時都好夜收工, 有一晚, 佢訓訓下覺, 有人係出面搖佢屋企既鐵閘, 你地知啦, 以前係唔興閂大門睡覺, 佢就起身望下邊個啦, 原來係住係我對面屋既x先生, 咁佢就問阿x乜事, 阿x話想搵佢捉棋, 咁佢就話咁夜唔捉啦, 於是冇理到佢, 就繼續睡覺, 但係第二日佢同屋企人講開話阿x咁夜搵佢捉棋(因佢屋企人住對面屋) 佢才知原來阿x.....早兩日前係醫院到已經bye bye左喇…………佢仲以為阿x出左院

呢個得唔得, 仲要唔要再恐怖d

話說我阿哥細過果陣時, 我地未搬去2座, 仲住緊16座, 有一早, 好似係4-5點, 佢起身去toilet, 望見條長命斜巴士站(即以前57,58座對出), 有4個人穿晒白袍企係巴士站到, 因為距離都幾遠, 睇唔清個樣係點, 但去完toilet出返黎, 已經唔見左佢地lu

我都記得以前慈雲山有好多怕羞草的, 呢你地知唔知花園街有怕羞草賣, 10元1小併, 仲有以前夏天你47座度有”庶喱”食架, 仲有d1個個用”庶喱”杯雪左d 紅豆底綠豆冰, 好正架…! 唔知你地仲有唔人去過萬年呢….? 唔知依家係果度仲有無d 大排檔呢?

鉛筆糖....差d唔記得呢隻小食添,以前食到條"利"損哂添ar

菜茶,係乜呢ga 我記得住係我屋企隔離好多都係潮州人, 佢地拜神, 有白色既糖塔, 有甜芋頭, 仲有茶果, 好多野食..... 以前細個都有食鉛筆糖, 真係食到利都損埋
以前樓下遊樂場都有好多臭花, 喇叭花, 夾竹桃, 同埋一d竹樹, d朋友仔講折斷一小部份d竹枝, 就啜到d汁, 但係我成日試, 都啜唔到 怕羞草通處都係, 但係而家好偶然到效外才見到, 就好似發現新大陸咁開心...
萬年果頭差不多成年冇去, 上年都試過去果頭打冷.... 不過成個慈雲山都唔同晒lu...

還有 "媽"條雪條, 一支兩份分, 現在很難買到了! 還有有時會有d 公公婆婆在每層大叫 : 白糖糕 ~~~~~~~~西米糕
我成日買來食呀!!!!

你0個時住邊區架,你講0個d野食我細個0個陣都中意食架 係呢你地新年有冇買擦地炮玩呀,細個有冇掉水袋落街呀

掉水袋有呀有呀!!!!!!!!! 還有把濕?紙大力彈上天花版, 擦地炮就當然有玩啦, 有時百厭起上來會拋落人家屋企, 嚇到d 師奶追我地九條街呀!!!

個時我住24樓, 但係由14樓打上d細佬都識得晒, 真是玩足十層樓呀, 現在就連隔離姓什名誰都不知呀, 好懷念住屋村的生活呀!
講開食, 仲記唔記得冰芒果和木瓜呀!!!!!

我以前住慈雲山lo,係呀仲有黃色梨仔添呀,木瓜都好好食呀

好彩唔係得我一個咁曳?
?怕醜草?我住果度成個山坡都係,so 我呀女成日都有得玩

各位好 之前唔知有冇講過
豬油渣面呢 而家都好難搵倒好食既豬油渣面lo
仲有雞腎,雞腳,豬耳,豬腸,魷魚so,加介辣
好正,仲有牛什都好味,好彩呢d野食有得賣,不過都
係覺得以前好食d

我細個都係住慈雲山架。我就住65座,你地講果d野食,我都好懷念。
我都係讀約榮架............唔知識唔識你呢?

你果然有心機搵番咁多以前既零食, 我記得以前食吹波膠, 包張紙係印水紙, 會濕d水,然後印落手臂度.......

唔該試下搵唔搵到傻豹朱古力, 成塊係粉紅色, 印有一隻企係到的豹, 有好香既朱古力味.....

我細個都有食啜啜冰同可樂糖, 但係煙仔朱古力好似未試過喎
我想睇番細個時玩既紙公仔, 可以換衫果種, 你搵唔搵到post上黎呀

hi!
你0地有冇食過飛機欖?

好似冇食過飛機欖0咼 係咪0向樓下掟上去
0個d呀 我係電視見過 旺角好似有個阿伯
揹住個箱,好似係賣飛機欖架0咼

多數係亞伯賣,佢個箱好似一個欖形狀,
除左飛机欖好食之外,
我最欣賞係亞伯掟飛机欖的準確性,
如果你接唔到,亞伯就掟到你接到為止
,le D就叫盡忠職守,敬業樂業。

我都有食過飛機欖, 以前細個成日去我姑媽度, 佢地住7層舊式屋村, 我地將d $$搵紙包好掉比佢, 佢收到後, 便掟番飛機欖比我地, 好準架, 我從來未見過佢失手喎.

我無食過飛機攬,不過以前有人逐層樓賣豆腐花呢!好味呀!

我有食過飛機攬,不過唔係以前食,
係早幾年仲見到個飛機攬伯伯,幫櫬過!
係呀!好正架!$5一大碗!

hi!你有冇0係中秋節時去過姑媽住0幾七層大廈,
以前好多小朋友會0係中秋節晚上,在門口冷巷
前的石圍牆上點上臘燭,遠看好似一條長火龍,
同對面樓的小孩鬥耐鬥光鬥長,好熱鬧。

中秋節返而唔去我姑媽屋企喎, 不過, 我F.1時去過一個中學同學屋企, 佢住橫頭磡7層, 都係鬥多鬥光, 總之, 搭車經過7層時, 每條走廊都有一條長火龍, 好浪漫, 真係好懷念以前d燈籠, 梗係實燒難一.兩個黎應節, 煲?實係唔少得既中秋節節目...咁你地咁近觀音廟, 有冇去果到賞月呀?

留言

  1. Hi 大家好呀,我以前都係住慈雲山52座,大家的話題令我回憶很多。

    回覆刪除
  2. 28,30 座張相影得好好. 張相影的位置應該是
    而家的伊斯兰鲍伯涛纪念小学的位置.

    我細路時候住在28座. 我4,5年班時,我最鐘意夜晚由28座爬斜坡上而家的伊斯兰鲍伯涛纪念小学的位置. 每晚有很多情侶在嗰都鬼混, 我最鐘意攞支電筒照田雞, 再大叫唔好摸人大脾, 唔好抽水, 嗰男啲一定好興, 追我黎打, 我就立刻跑返落28座斜坡, 我細果人細, 大人沖落斜坡實無我快. 果鐘成功感我己家都一邊寫都一邊笑.

    無呢張相, 我真係記唔返細路時候的劣行.

    回覆刪除
  3. 哈哈! 比您笑死!

    係慈雲山應該無乜邊個男仔唔爬斜坡, 我住43座就最喜歡由斜坡滑落48座, 加埋對人字拖, 滑得特別爽!

    回覆刪除
  4. 我的第一次撞鬼就是向屋企
    以前夏天無冷氣,個個打開門瞓
    有一晚瞓瞓下突然扎醒
    望出門口,有個白色衫既人係度
    首先第一時間諗"邊個去完廁所仲企係人地門口呀?"(我家門外就是廁所)
    再望真d,門簾上方是一個穿白衫的長髮背面
    但門簾下方...咩都無
    嚇得我,個時我得十歲左右咋,搞到我夜晚唔敢去廁所

    回覆刪除
  5. 第一張個婆婆的位置在慈雲山第3座.有間禮賢會幼稚園.過條班馬線就係金鳯茶樓11座的.那裡經常發生意外的.因為由47座下來到4座對面的圖書館是一條斜路.再有手臂彎入鳯凰村到梁華及聖文得中學.而婆婆面對的位置有間郵政局.對面有個巴士站.我細個時成日爬上去玩.唔知有無人記得個巴士站.
    我之前讀保良局小四,之後轉了到五邑小學.所以有位朋友話.(氾產頭)他就是我班主任.佢個仔都係讀呢間小學.佢教運動的.還在萬年有間運動店.
    而另一位話"家家頌"快餐店"我還記得.
    我小時候由第1座玩到沙田幻村第1,2,3座,
    唔知大家知唔知在水塘球場對面有條"獅子狗場"村呢? 我同學仔就住在那裡.
    那時候"歌神" sam hui 都經常到球場跑步.

    回覆刪除
  6. 對「你的童年是怎樣過的? 」留言的回應:

    首先, 先謝謝你無價的舊日慈雲山的照片, 我找了很久, 現在在 tszwanshan.blogspot 才找到. 尤其是第一二三座, 和 從高處看落可以見到 第51, 52, 53座的那片.

    我在1973-1987年住第 53 座, 但日間在第 1 座被我祖母照顧. 到 1987-1993年搬了去第 3 座.

    那時慈雲山的夏天晚上真的不太熱, 可能到處都沒有太多開空調的機背所發出的熱能吧. 記得198x年時, 當有親戚來我祖母家探訪和住宿時, 為了應酬親戚, 夏天我在第 1 座的走廊開帆布床睡覺. 現在有那個公屋可以容許在走廊睡覺呢?

    在 197x年時, 我都有幫手穿膠花, 剪線頭, 穿膠珠, 還親自在 好像是 66座拿一大袋的牛仔褲回家剪線頭呢.

    中秋節時, 我記得我一個飛機型燈龍, 可以用超過 五年, 記得某個親戚幫他三個兒女, 即我的姑表弟妹, 想出錢幫我買一個新的, 我祖母都阻止, 因為怕浪費. 你說的對, 那時玩煲臘真的未聽說過有人被燒傷, 不單慈雲山沒有, 什至整個香港好像都沒有, 都不知為什麼現在每年的中秋節香港都出現小童燒傷的新聞.

    還有, 我 鄰居朋友用一個空的練奶罐和一枝鐵棍, 製造了一個可旋轉的燈龍. 但我竟然沒有請教他怎做.

    至於你所說第51-53座的小食, 因為家貧, 所以很少外出吃小食. 反而第53 座的士多, 我就有時買孖條雪條和胞妹分享.

    第 53 座往慈雲山道的坑渠, 我有時都會爬上去, 都幾刺激呀. 還有從慈雲山道上去 53 座的樓梯, 我胞妹有計算過, 是 101 級.

    康樂棋我多數在東區鍚安中心玩的, 規則大約是, 一排棋共16隻各放在己方, 其中 14隻放在中間, 另外兩隻在角位, 攻擊棋放在己方兩旁的圓圈內, 可以貼著圓圈界線, 如果敵方的棋子剛好停在己方的圓圈內, 稱為「自由棋」
    , 是可以直接篤入洞的.

    第一掍是有技巧的, 先用攻擊棋打向敵方十四隻棋子中間, 等中間那隻棋被打出來後, 然後第二掍的攻擊棋打去那個空位, 那麼敵方的棋便變成一團糟, 你便可以逐個打入洞.


    仲有一隻椰子雪條, 真係好多椰子碎係入面....
    ******************************
    YES, 記得, 印象中這椰子雪條是圓柱體白色的東西, 不是長方體, 也不是孖條. 雪條是我兒時唯一可以吃到的零食, 因為便宜, 小至兩毫子可買到.

    至放雪球, 那時買之前都會轉一下那個金屬棍, 各位知道為什麼, 因為到現在我仍不知道為什麼要轉那條棍. 去年遊澳門媽閣都會見到有個流動檔有賣雪球, 香港就已經失傳啦.

    還有兩片威化餅夾著一塊長方體的雪榚, 那時慈雲山隨處可買到, 現在只澳門可以買到.

    小時候住 53座, 那時是 大約3-5歲, 總之好像未入讀小學, 踏著三輪單車和鄰居玩, 記得那時想學卡通片的飛車, 踏著單車從五樓衝去四樓和五樓中間, 結果..............痛到哭.

    小五和小六時, 流行一種遊戲機, 稱之為「卡片機」, 有跳降落傘, 過橋抽板, etc, 還有計算機的數字天魔. 不過那時我沒錢買.

    竹簽的玩意, 是一盒的竹簽, 零亂散在地面, 你逐條抽走, 然後到下一個玩家抽, 如果誰把地面上的竹簽弄移動, 便算他輸, 玩法和切麵粉而一堆麵粉上面的糖果不准跌下來一樣.

    所謂射波子, 跳繩, 拍公子紙, 現在香港哪有小孩玩?

    一條幼繩子, 用來扣在一隻手掌上, 然後做出種種不同的圖案, 在 1977年, x線電視的一套電視劇, 「殺手神槍蝴蝶夢」, 真的可以用一條幼繩子套在手掌上, 然後先後做出 殺手, 神槍, 蝴蝶的圖案.

    我祖母每當見到有蟑螂, 你猜她會怎做? 是一隻大手板拍著那蟑螂, 然後一整隻手掌血肉模糊, 這是我今生今世不會也不敢學懂的.

    細個時去街市係用"鹹水草"扎住D菜, 如果係魚, 就多張電話薄D紙包住. 果陣時D技術好好
    **********************************8
    現在流行棄用膠袋, 看來很應該回復學習以前的扎鹹水草技術.

    拍羞草在第 123座樓下的公園真是很多.

    回覆刪除

發佈留言