2006年2月10日

慈雲山集體回憶 (轉載)

轉載自"香港地"網站

小弟乃舊慈雲山59座鄉里,小學就讀『聖文德小學』、中學就讀『培敦中學』,小時有病就去伍若瑜健康院輪籌,有空就去小童群益會玩康樂棋及去中央球場睇人放船仔,有時會跟媽媽到『萬年戲院』睇戲大小小就會去2F、5C巴士站旁小童機場打機,晚上可以在中央公園睇未出道『黃日華』踢球......你是慈雲山人嗎




小學就讀『聖文德小學』

咁有冇去過寶 X 飲茶呀?我讀 1.2.3 座既中心幼稚園架~~~~~呵呵!

123座,是近毓華街的座,或是沙田坳道的123座?我在鳳凰新村的『聖西門幼稚園』讀書
當然係向旺角坐小巴過左香島中學,就叫 " 斜路 " 有落~~~~~ 個 1.2.3.座啦~~~

你知唔知你的123座在未拆之前變成了飛虎隊訓練教場

哈!唔知呀!未拆之前十年左右我都搬左~~ 不過早排我都有上去慈雲山中心,鳳德飲茶~~~~~~~~~

四十八座,住左廾幾年,而家o的路都改埋! 駕車返去都唔同晒.

四十八座是不是近觀音山腳那邊

搬去樂富,你都算好早搬走個堆

住過鳳凰村有無計傾呀???

歡迎,我細個成日去鳳凰村架



小時我好百厭,經常扭親手腳...然後就經常幫襯"梁華跌打"你有無幫襯過?知吾知重現壯?

我有幫襯過,但之後發現隔離香國成醫館仲正,還記得有次去那兒睇跌打,係對面酒樓斜坡上見到一隻成隻貓咁大老鼠,成間醫館人都走出去睇我住0左慈雲山30幾年, 住過2 座, 未走前都搬過去慈民村(以前66座果到). 細個讀四小, 中學讀保一. 我踼波反而去7號仔, 打機就去7-11 對面個間. 我就唔記得巴士站旁有小童場. 我小時得閒就去東區及南區借書, 有一年仲有玩具借, 不過過左一陣就無左. 前一陣子去過123座果到, 唔同晒啦, 要locate 以前 D building 都有 D 難度. 反而是萬年果堆私家樓就無點變, 當然萬年及寶爵就無左啦.



中學剛開始去打機, 去得最多的機竇就係鳳凰村間瑞利, 書局就去聖B對面間書局, 不過一時記唔起個名. BTW, 講起書局, 好似萬年後面果間導航者仲係度喎, 係咪? 想想0下導航者都有成廿幾年啦.

我當年曾住鳳凰村時與吳鎮宇為街坊,時見佢喜穿一身米白乾濕褸, 飄逸有型,甚有明星風範,但當時他還未走紅!!

大家知不知道在聖文德小學斜對面山坡頂有一個大大的配水庫足球場,而那個山坡曾有一間以鐵皮搭建的小屋。那間就是九龍皇帝親自興建的慈雲山行宮。

想知, 我女友住 富山村在尖沙咀睇完9:30后or 11:30后有冇小巴to 富山村 附近呢????咁銅鑼灣呢?????????我只知旺角to富山 $9

唔肯定,不過印象好似銅鑼灣電車路麥當勞前及鵝頸橋底有116巴士,好似經斧山道的。不過你最好考證一下先

我又知,是3A,3C,3D,3B,15A的舊巴士總站,巴士站旁有一條樓梯可直上觀音廟,每年都有善信上廟借富。我還記得一宗新聞,發生於39座附近,有一間好似係茶樓的少主,他是輕至中度弱智人仕,險些兒被一頭狼狗侵犯。好彩......



我想了很久也想不出現在慈雲山中心的座數, 對, 是57~60 座. 多謝你.

我也認為較左那間是五邑, 而中央那間看似也應是所小學, 我曾猜想是否東區, 但好像位置不對, 可是我又想不出那位置有小學(如果我們是對的話, 這位置應是郵局對面).有待其他高人指教了.
Yes, 非常近. 咁你有無去66座果頭食冰及食lunch呀? BTW, 你有咁多舊相, 有無 d 慈雲山舊相呀? 特別係123座果頭. 這幾日看這個forum 令我想起很多小時的事及物, e.g, 遠東模型,導航者,翠屋快餐店....俱往矣....

妳好勁喎!!! 我一直以為佢 d 助選團一定係保一 d 學生添. 佢好似已經退休無做保一日校校長, 但應該仲做緊保一夜校校長同區議員. Woo... 數落佢大大話話都做0左廿幾年區議員啦....

當年 66 座 x 師小學隔離個樓梯口,個檔賣咖喱尤魚好好食,依家都回味,唔知你記唔記得呢?

呢個就無印象, 可能因為我唔太喜歡食尤魚. 妳提起小食, 我反而想起癲婆辣魚蛋, 真係好辣, 又多又辣, 到而家咁多年後都搵唔到另一檔有佢咁辣.



我是66座杏香園常客,五毫子一杯西瓜汁、兩個半一碟炒麵就是我慣常午餐。還有杏香園對出有糯米飯賣,果陣時都算幾好食。

"「中心」於一九七一年開設慈雲山中心幼稚園,以服務慈雲山地區的居民。其間針對幼稚園學生的需要而相繼舉辦主日學及少年團契。於一九七八年更開設主日崇拜,並成立慈雲山福音工作發展小組。一年後,正式訂名為慈雲山福音所。

為配合聖工之發展,於一九八五年,在財政及行政上獨立,並取名慈恩堂,以取代慈雲山福音所。

於一九九五年,因慈雲山重建計劃,中心幼稚園亦遷往樂富,訂名為「樂富幼稚園」,慈恩堂亦隨幼稚園遷往樂富之現址,繼續發展福音事工。"

杏香園是否貼近66座 lift 口那間? 我以前就常常在66座對出的小販檔食冰,涼粉,魚蛋之類...而家慈雲山無晒呢d小販檔啦!!

鄉里...我住28座o架....29座同28座中間有個遊樂場...我細個時成日去踢波o架



小弟讀協和書院...我都一年兩三次去慈雲山....感覺真係變得好緊要...最懷念以前我地屋企係37座開士多...有很多野食

我都唔記得29座同28座中間有個遊樂場, 睇相就唔多覺喎. BTW, 我地呢一代都只係記得座數, 唔多知乜樓打乜樓, 回想房屋署無啦啦由座數改為乜乜樓都幾無謂.

呢張是慈雲山村的建築初稿, 最後 54~56 及 67 座都無起到.

幾位鄉里...你地以前有無去過觀音山呀....上到山頂有間士多賣d豆腐花好得下o架wor...

細個時上觀音廟,黃大仙度有車接上去架。

觀音廟以前係有得食齋架,不過好似自從歸納左比某個團體之後,就開始沒落喇,果一張相裡面果架紅色貨車, 就係負責當時接d人上山o既,因為果條沙田坳道太過斜o既關係,所以d車係開得好慢既,而我地細個就會o係半路猛車邊拉車尾, 仲有將近到o既時候,有個地方o係可以比人飲水o既, 其實o係慈雲山都算係幾出面,就係叫做"禮泉",每日都會有好多人o係果度抽d返屋企飲o既, 觀音廟再上do既後山,即係圖中o既士多再入,就會有條山路, 係一直可以去沙田博康村附近o既.



我行山都飲過 d 泉水. 同埋我都試過行山過沙田(不過當時唔知叫博康村), 當時沙田果到仲有單車租添.

其實我都唔知道係咪叫博康村,不過就係真係會經過o既,仲有係o係行山上觀音廟o既時候,你會一路行一路見到有好詩寫o係d大石度o既,仲有一d山石d名都好靚架,印象中最正o既就係有一塵山仔叫做"小孤山"仲有係寫詩果個人o既署名係叫"傻人",佢真係寫左好多詩係上面架.

講開觀音山, 我都好似對"傻人"呢個名有 d 印象.記得行山果 d 人仲起涼亭同種花添.

鄉里...我行過去沙田時係見到條溪,但就唔知有水潭和瀑布,更加無諗過可以游水添 咁你有無游過呀, 鄉里...

游水就似乎誇張左d勒,不過就真係幾好玩o既,而且條水路一直都去到沙田咁滯, 仲有係條水路同山路係兩隔離,所以可以隨時鍾意行路又得玩水又得,仲可以捉下山坑魚添, 記得有幾個位o既瀑布仔係可以訓得到個人架,每次訓上去等d水由頭沖到落腳果一種舒服法真係好正既,而家諗番都仲好懷念.

鄉里們...觀音山後山果條河同瀑布...我細路時成日去玩...去捉魚仔...去燒野食添..



43座. 聽說因近山邊,所以很雜.小時父母跟本不准我到那邊, 因以真實情況我不太了了, 可能要問呀高飛哥.

我記得近3a總站一帶比較雜,矛(等~sorry唔識寫)華係個頭橫行,66、59、24座一帶比較平靜。

我都覺得近山邊一帶比較雜。

我覺得最唔雜就係123座, 可能這幾座零零舍舍分開左在山腳0既關係啦.

其實舊事慈雲山個個區都幾雜下...不過以前真係有個出黎行o既隔離鄰舍同我講,我地班細路仔...係邊達住...果達d人通常都唔會蝦我地...只要唔好過區就ok o架啦

我細細個都聽我呀哥 d friend 講過, 佢(當時十0靚歲)住開四十幾座一直無事, 有次行過去卅十幾座就咁唔好彩比人盤....細細個聽到都攪到我唔敢去山頂果邊.

響 59座O個間原本係張祝珊小學....後尾大約87-88 咁上下教署將呢間校舍租埋比康樂中學....之後康樂中學將中一至中三搬左上去 59 座



其實學校仲有聖鮑思高,基慈同埋光慈o既,另外仲有個地方,都算係幾特別就係沙田坳村, 佢都係同樣o係慈雲山上面,不過就似係自成一國咁,而且只係得一,二座,同一個木屋區, 但係感覺上地方就比起其他既區域乾淨得多,當然,係當時o既社團氣氛影響之下, 住o係呢度o既人,都一樣係唔可以四維亂咁去o既,如果唔係都一樣會發生類似6683呀哥o既事件, 記憶之中三十幾座曾經有次開大片,當兩幫人互相斬得興高采烈o既時候, 其中有個人竟然發現對手居然係自己o既親細佬,但係當聽到一句"親細佬又點呀"之後, 都係一樣照斬冇情講,就可想而知果時o既慈雲山,係幾咁得人驚o既一個地方.

唔係0卦, 細佬都斬....好彩so far 我都未見過開片, 最激果次都係見一班靚仔"濕"人.我記得果次我0係國華銀行隔離巷間機竇打緊機, 突然聽到一聲粗口, 跟住我一望過去, 就親眼見到一個真人撞穿真玻璃, 然後仆落地, 跟住有三五條靚仔向他拳打腳踢一輪, 然後就鳥獸散, 果個人之後起番身, 仲識著番對拖鞋先走人, 果個場面十足十"童黨"場戲一樣(so happen 果時剛剛做緊童黨, 所以十分有印象). 仲有一次就係放學去六十幾座 d 茶餐廳食tea, 入去坐中間 d 圓檯, 剛想叫野, 點知一望, 兩邊 d 卡位全部有人坐,但無人出聲, 個個望住中間我前面張檯;, 果張檯坐住兩個人, 都無出聲, 但係就眼超超, 我即刻想"唔對路, 十成九講緊數", 然後我就立即起人走人, 好彩無事. Thanks God!!!



係真有其事架,而且仲係上晒新聞o既添,當時都好轟動一時架. 開片o係當時黎講係好平常o既事,想睇o既機會一d都唔難,其實"盤"人就無時無刻都會發生架啦,就好似係打個招呼咁普通o既事,其實講真丫,我o係慈雲山30幾年裡面,都好似真係都冇乜點去66座果度玩既,其實呢d情形好多人都會架,原因就只有一個,就係唔想比人打咁簡單o者記得有次唔覺意去36座買包煙都比人圍既,其實都一樣係唔知咩事架,不過一切o既事都已經成為回憶o既一部分,

我都有同感,細細個真係好少上卅十幾,四十幾座果頭, 一來怕飛仔(對, 果時係叫飛仔, 仲未流行叫古惑仔), 二來對我地住山腳0既人真係好高好遠,行條斜路上出你都咪話. 不過而家講番以前就好似好細番區咁, 其實住0係到果陣又唔覺得乜0野喎.

度度你都好似好熟悉咁喎?聖鮑思高我就唔係好熟喇,不過基慈我就好有感覺,因為我係果頭長大o既關係,所以見到呢張相都有好大感觸,呢張相好似係佢地o既校刊封面用過架,你都幾好心機搵野丫鄉里.

2f__5c,雖然小去果度搭巴士,不過都一樣係好有印象o既一個地方, 隔離o既萬年戲院係一間好正o既戲院 因為可以一張飛幾個人去睇都得o既~~~哈哈 後期o既時候仲幾乎可以自出自入咁滯,當然係講笑咁講啦,以前佢o既公餘場係好抵睇好正架,時不時都會有d好野睇下添. 毓華街就好似真係冇乜點變到,因為如果要變就要拆晒d樓先有得變勒.



上面圖中o既球場,就係我地慈雲山最偉大同最出名o既中央大球場,幾乎可以話無人唔知道佢o既存在,o係80年代o係時候,每晚都會有好多大賽上演,有時係汽水杯,有時又會係玻璃杯,更多時會打打下波都無端端會變左打場交o既,果時都好興跟隊,而且d人都會係好自律下,一輸左都會自動自覺再等下場,44座o既後面就即係山邊,亦即係最得人驚o既地方之一,可以大膽講一句,果時o既差人都唔係好敢行入去o既,無他o既!有心裝無心人,又點敢用條命較飛丫,雖然係咁,但係一到夜晚都會係好熱鬧下架,因為裡面係有d宵夜o既地方,而且有d野3仲係幾好味添,當然點好味都唔及得上一支大嘉又或者係一支大力啦.

係咪每晚都會有好多大賽上演就唔知,只知道每年到盂蘭節就好熱鬧,睇大戲呀,派米呀,人數都係九龍區最多架!

以前每一年o既孟蘭節都會有戲班做大戲既,細路仔o既時候就最開心,因為可以有得玩又有得食,最有印象o既一次,就係睇李香琴同文千歲做o既洛神,不過好似都有分潮僑同惠僑,潮僑就當然係慡潮州戲,每次派米o既時候,果個場就必定係人山人海架啦.



而家o既慈正村,已經唔再係屬於我地呢一代o既慈正村, 所以雖然係地方都係同樣o既地方,但係就有種滄海桑田o既感覺, 而且亦都可以話,我地既年代已經係成為左過去,雖然係話歷史o既洪流一直都係咁樣, 但係當自己處身o係呢個轉變既時候,都不免會有一種俱往矣o既感覺.

派平安米係好, 但成日覺得要 d 老人家好天曬落雨淋, 仲要輪成日先有 d 米, 好似好無陰公咁.

人地等左成年先等到今日派米o既大好日子,如果你話唔派o既話,果d婆仔先至話你無陰公呀,哈哈!
不過都記得果度每年都會有一條用竹搭o既高台,聽講話有年有個細路唔知死, 上左去果度玩,之後就好離奇咁趺左落黎,真唔真我就唔知喇,又或者係大人又呃我地呢d細路仔啦.因為我地呢d細路真係好易比人呃.

請問你的舊居是不是叫『向陽村』

難道果真他鄉遇故知?? 而且照你所講既生活,同我果時o既,都係差唔多添,唔通你又係果度住o既?? 或者你知唔知道o係半山有個地方,係叫做"晨運園地",個面積都好大架,果時我每日都會上去行山睇野o既.



的確係...以前上觀音山有2條路上...都係可以經過向陽村...一條行車路...另一氣係行石梯...行石梯果邊路行到中間有個位置可以抖抖...果度好正o架...我見d人係度用d山水度煲茶飲...又好似有個魚池...

哈哈...我估我地成班鄉里可係差唔多年紀...有著同一組集體回億...真係覺得好親切...

因為我係住o係向陽村o既關係,所以就多數會行車路,而且都會近d, 石梯果邊我就比較少行d,不過都一樣會行唔少,中間果幾個涼亭咁o既野, 係真係都幾正架,而且每到果度o既時候,就例必會坐一坐先至再行o既, 想問下你有冇去過3b巴士站果個防空洞玩過,因為我知道你都唔會係乖得去邊架喇,哈..所以呢d地方你係一定會有去過o既,照計我同你都係差唔多大啦.

當然啦鄉里,我地全部都係花樣年華好少年男女^^,不如約埋係小童群益會到打乒乓波^^

睇到你呢句,就令我諗起我地果個年代既一首歌, 年少個個好年華,純潔美麗更瀟灑, 打乒乓波o係果時係好興既一種活動黎架,仲有就係唔少得既踩單車.



是啊,講起單車,我突然記起24座好似有單車租的,還有有段時間58座停車場常常有人鬥搖控車。我小時也曾在51座附近山邊放風箏。而德愛中學後面的墳場內,也有一條頗闊的河仔,小時候也會到該處扮探險^^我們兒時的慈雲山的確有很多有趣的玩意

唔知鄉里記唔記得, 有段時間(太約係80年代頭), 七號仔都有單車租0家.

係呀, 果時公園有 D 石屎乒乓波檯, 因為係石檯的關係, 個波好快, 又在室外, 如果有風, 唔落旋及"西"個波都會漂.

呢到有一集有關遷拆慈雲山舊樓的鏗鏘集, 可以見到以前的卅十幾座. http://www.rthk.org.hk/special/awardpro/award97/index1.htm

講起單車就一定唔少得"巴西"啦,後來佢就搬左去基慈隔離果度開檔, 仲有廿四座果度就係街市黎o既,以前細個都會好怕行果度架, 七號仔果度係有單車租架,不過果時細個邊有咁多閒錢玩丫, 所以至多都係好似呀"ericlee"咁去探下險, 放風箏o係果時真係好興既一種玩意,而且仲係好刺激添,可以鬥高又可以鬥界. 突然間諗諗下,如果我地成班再上番去中央都係一件幾過癮o既事,哈哈



聽講話果時o係中央球場,黃日華都成日o係度踢波,有次佢踢踢下波仲好似比人追住打添! 仲記唔記得果度有間寶爵酒樓隔離,有間叫家家頌快餐店呀?

一齊再上中央劈......酒,哈哈!!!話時話, 唔知而家慈雲山仲有無慈雲山七鷹呢? 我諗而家慈雲山應該無咁雜啦0卦.

梗係講酒好過講手啦.....哈哈 ,記唔記以前果套艾"狄"o既"邊緣人"呀,就係向慈雲山拍架, 而家梗係唔會雜啦呀,因為我同你都已經搬左咯,又點會仲雜先.....哈哈

講起艾迪,佢果時後生都幾靚仔架, 不過套戲個結局就唔係咁好啦,硬生生比人困住打死左!
咁就當然啦,不過就算而家再睇番都仲係覺係一套好好睇o既戲, 講講下又好似再拉遠左個話題咁喇,再講就可能會去到啟德遊樂場,國寶同亞洲仲有係波子機.

家家頌個名好熟, 個位置 exactly 0係邊就唔太肯定....係唔係0係寶爵同5c巴士站中間, 而家OK果個位呀?(OK 仲係到0卦?) 講真, 快餐店我反而記得翠屋, 呢, 0係123座行上去,未到國華銀行果到. 細時果頭仲有間小小公司, 有遊戲機打, 仲有氣墊球玩....



就係果一間家家頌喇,至於ok執左未就唔知喇,因為我都成十年無返過去lu~ 果時唔係叫做打遊戲機,係叫打天魔

我剩係覺得果套戲比我既感覺係四處好黑暗好沉咋 ,佢就係憑住呢套戲囉影帝o既~

唔知鄉里記唔記得, 有段時間(太約係80年代頭), 七號仔都有單車租0家.

是不是球場旁那埋木屋內,我都似曾見過。還有資料補充,我問過我爸爸,他說傳言123座本應是最早興建的大廈,不過由於發展商公司問題只完成了平地工程,及後該公司更倒閉,所以由原本最先反成了最後,爸爸說在這塊空地上曾被圍上紅白藍帆布做過臨時電影院,也試過做過魔術表演場地。希望大家可以指證下。翠園及家家頌我都有去過,翠園食物似乎較為美味。還有翠園門前向現時惠康方向行,曾有一間玩具店,小弟第一件超合金玩具鐵甲萬能俠二號就是在該間玩具店買,請問大家那間玩具店叫甚麼名呢?

唔知各位鄉里記唔記得呢到, 就係123座同11座中間條雲華街. 我以前都成日係到上落車, 對面就係金鳳酒樓.

呢到應該0係第3座樓下, 左邊應該係禮賢會幼稚園, 右邊應該係政務署. 小時都唔知政務署有乜用, 入去唯一做過就係為左申請grant & loan 去宣誓.



呢d係咪你自己影架?? 仲有冇多d呀老友 其實成日講果一間國華亦都係我第一次開戶口o既銀行,雖然123座我係比較少去,但係都一樣係好有親切感,因為都係自己細舍成日經過o既地方,所以都真係好想再睇到多d.

法藏寺十幾年前(可能有廿年添)係拆0左, 但重建起番啦. 我係0係今年上去發覺沙田坳村無0左0既, 但就唔知幾時被拆0家啦.

舊o既法藏寺真係拆左,依家o既只係原地重建o者。當年我o既祖先都俾佢地通知遷走,或由佢地處理,到重建後方可放回!我都曾入過去果度...真係好陰森...

係呀, 以前0既法藏寺真係幾殘, 仲細好多, 佢未重建時做0左個重建後模型出0黎籌錢, 我當時仲以為佢作大添(罪過,罪過). 基本上以而家0既法藏寺, 係想像唔到以前舊0既法藏寺係點樣0既, 好似以而家0既慈雲山想像唔到以前0既慈雲山一樣.

嘩, 出到世伯, 幾乎以為你細我地一代, 但一講到翠屋同鐵甲萬能俠, 咁即係同一代啦鄉里, 嚇得我呀. 翠屋 d 野食係幾 OK, 當年慈雲山都仲未有老麥, 我記得有段時間翠屋隔離都有間快餐店, 但都係翠屋做得耐 d. 我當年最鍾意就係飲佢地0既夏威夷特飲. 而你講果間我估係遠東模型鋪, right? 嘩...你當年有錢買超合金, 仲要係鐵甲萬能俠, 係當年慈雲山0黎講你都算好有0者!



我都係同你一樣既諗法,搞到我都唔敢再出聲...哈當時最正既仲有小露寶同三一萬能俠,不過我就真係冇錢買喇 ,法藏寺係一直都冇拆過o既,只不過係加多左好多地方,以前係冇起得咁出o既,後面o既山就係我成日都去玩o既地方,唔係得你貼張相出黎, 我都唔會記得咁多

『其實鄉里你同我都一樣咁年青^^』

翠屋 d 野食係幾 OK, 當年慈雲山都仲未有老麥, 我記得有段時間翠屋隔離都有間快餐店, 但都係翠屋做得耐 d. 我當年最鍾意就係飲佢地0既夏威夷特飲.『我就較喜愛薯條,就是粗身的那隻,我差不多每次去翠屋都叫』而你講果間我估係遠東模型鋪, right?『yes,多謝你,就是遠東那間^^』

嘩...你當年有錢買超合金, 仲要係鐵甲萬能俠, 係當年慈雲山0黎講你都算好有0傘!

唔係我影0既. 其實我係123座拆之前都影過一批相, 但唔知點解而家搵唔到, 如果搵得番實第一時間 post 0黎. 鄉里, 我第一個銀行戶口都係0係國華開0家, 仲記得存0左五十大蚊開戶添. 其實唔出奇, 好似慈雲山果頭第一間銀行應該係國華, 之後先有渣打, 再之後先有匯豐.



你唔講起我都唔記得, 果 d 粗身薯條真係好正, 我都唔明點解老麥賣埋 d 又幼又乾0既薯條, 翠屋果 d 粗身有摟紋0既薯條真一流. 仲有佢地 d 奶昔都好飲過老麥果 d. Yummy!!!

好, 貼多 d. 呢個係四小同 2 座中間果個籃球場, 間中夜晚都有人於搖控車, 都幾嘈.

唔好睇少車仔呀,玩起上都好好玩架

這是四小後門, 行石級上去就係之前提到0既翠屋.

最好玩都算係同人"界"風箏喇,當有隻風箏比人"界"斷左跌落黎果陣,成班o靚仔追住呢隻風箏o既情景,諗起都幾"墟撼"架!

我讀四小o架...四小隔離有間好似叫聖鮑斯高o既學校...好似係d特殊學校..比d physical handicapp o既小朋友讀...唔知我有無記錯呢?



仲有呀,果時係可以上到去天台架,所以都試過有趺過細路仔落街, 仲有係偷隔離師奶仔d靚靚絲襪仔用黎"西"玻璃粉.

各位鄉里...話事話...你地細個時多唔多去過萬年睇戲呀?小弟生平睇第一部戲就係萬年睇o架啦...我重好記得係同我老豆去睇alan tam果套"小生怕怕"...講開呢間野都幾經典...我果時成日成班人買一張飛就成棚人睇...個個當收飛個果阿叔無到...重要果時重興買即燒尤魚同蔗入戲院食...不過最勁就係o係堂座睇戲隨時會比超等d人飛煙頭整親...唔知各位鄉里有無類似經歷呢?

我第一部戲都係0係萬年睇, 我仲記得叫做小飛象 (唔....睇怕我都大你一個 generation 起碼). 我就
未試過一張飛成棚人睇, 聽就聽得多. 我仲記得 d 燒尤魚, 好好味. 不過後期都無去萬年睇, 一來 d 位坐得唔舒服, 位又爛, 二來感覺唔多清潔, 好似好多蟑螂走來走去, 總之就....我記得萬年對面有間豪華眼鏡鋪, 我第一對眼鏡都係個度買 (唔知間眼鏡鋪仲係唔係度). 隔離就係黃永安士多, 應該仲係度. 再隔離就係茶餐廳及麵檔.



萬年戲院而家變0左劍橋護老院. 我最近去過先發現豪華眼鏡鋪已經變0左間診所啦. 黃永安就仲係到.

想點變呀?佢地都係私家街....仲有呀~佢地都以鳳字為街名架,以前果度有條街開左間平民海鮮店舖,好多明星都有去食架,有次見到鄭x玲添!!

講果度...大把野食啦...你話果間竹園海鮮...其實都好似八十年代尾..九十年代頭左右啦...果間野記得好似係第一間賣啤酒..果汁任飲o既食肆...當然好勁o架...晚晚排晒隊

佢o係黃大仙搬上去o既,以前真係好平,我都有幫襯佢架,但後來因為黃大仙要拆,所以先搬左入鳳凰村,初時都仲係好冷清,後來先再旺番咋!

你講果間咪係"竹園"囉,我都去過幾次,佢o係九龍城都有間架,不過其實都唔算係最平o既,以前o係東南西北座果d就真係平勒,五蚊雞就可以食到一碟東風螺,有得三幾十蚊就可以食到咀到歪



我都想知其實九龍城個間同鳳凰村個間係唔係同一組公司, 因為香港大大話話都有幾間竹園. 嘩, 講開東南西北座 d 野食, 真係想起都流口水....

我諗就應該係掛 不過九龍城果間就一定係, 東南西北座 d 野食真係好多完化架 最正就係碗仔趐同魚旦,仲有果檔九菜豬紅都係好正架

我都係讀四小0架喎. 校友喎. 隔離果間唔係聖鮑斯高, 而係蔡隼, 蔡隼之前就係培愛.

有樣估唔到既就係,居然後面都會有間棺材鋪 仲有果時都成日會去鳳凰飲茶架

同埋果條街仲有過氣藝人開o既素食私房菜添!

去國寶同亞洲睇戲,睇完可以免費入啟德遊樂埸玩添!



可以免費入啟德遊樂埸玩o既係珍寶戲院o黎!

係呀! 因為佢係向遊樂場裡面架

係後期變o左做珍寶戲院..先要買飛入去o者

我岩岩問完我媽咪,佢話以前入去啟德聽姚蘇蓉唱歌,張飛係包埋入啟德架喎!後期冇做歌廳就轉左做珍寶戲院!

o下!!問阿媽....咁伯母一定有聽過鄧麗君啦,當年佢地每人組個歌唱團黎香港,輪流係啟德唱歌架,想當年我都有買飛睇羅文,仲點佢唱醉眼看世界添!!哈

妳妳呀媽記錯左喇,唔係咁架,而係一向裡頭都係有兩間戲院o既,只係將其中一間改左咋, 而佢所講既歌舞團就係華娃歌舞團,張飛冇錯係包埋入啟德o既, 除左珍寶之外,仲有另外一間就係山頂,係專放西片架



山頂果間西片院係後期先建o既,早期係o係下面,正門對正,大戲棚隔離果間,係放x輪西片架!

嘩, 一講到啟德各位鄉里就咁興奮. 不過我就唔記門口兩間戲院個名, 因為我當時仲好細(哈哈哈 ).

我記得入面有隻三腳雞, 有免費西片睇, 有波子機打, 有個高手同人客捉盲棋(唔睇棋盤捉棋), 同埋扔香口膠. D 摩天輪呀, 單軌火車呀, 鬼屋, 過山車, 木馬, 碰碰車, 咖啡杯咁, 都唔使講啦. BTW, 睇圖個歌舞團好似叫華美歌舞團, 係唔係再一個歌舞團?

興奮唔緊要 最緊要有忍耐力 記得冇錯係三腳雞仲有隻四腳怪雞鴨添 捉棋果個人唔係盲架,佢係好出名o既"閉目棋王"黎架,果個都唔再係歌舞團喇而家, 好似個團長華娃就係黃沾個前妻黎架,每次都會有個抽獎o既,有次仲比我中左兩張飛,係由除小鳳o係後台親手比我架 果時真係細個,就係咁小小野都興奮左成晚



仲有保良四小呢 (of course, 緊係要撐, 哈哈) 中學唔使講, 緊係保一啦 (咁講0野, 都係閃先.....)

以前鳳凰行出 d 有座山仔, 山上仲有個寺廟添, 不過後來個山剷平0左, 起0左樓同消防局, 唔知鄉里記唔記得.

記得!記得!! 仲有係有一個好大隻o既"萬"字符號o係個山坡面架,不過如果唔係你o既話,我真係諗唔起添呀鄉里

幣啦﹗細個淨係浦慈雲山,唔記得去黃大仙浦下,依家仲講到去『麗宮戲院』添,死啦、死啦冇話題啦 好彩,麗宮岩好是我的浦點,我『舊屎』常常去睇過期戲 ,而且還常常攜『蔗』入場,一派江湖人物氣度,我當時只是一條得十二歲的死肥靚,好懷念啊﹗

我記得『無限地帶23』這套漫畫差不多在83至84年在漫畫週刊內連載,那時我時常在66座向著2F巴士站出口擺擋的老婆婆買2手書睇。(對不起,打差了話題)



其實我都係果喎,因為慈雲咁大又咁多野好玩,使咩去第度先 ,剩係上山捉金絲貓都玩到天昏地暗啦,死勒!!睇晒幾位鄉里o既野,有d唔敢行出黎添,你地有冇用過銀色o既五毫子架.

雖然我無玩過金絲貓 (哈哈哈...都係唔講衰0野), 但我 d 同學就有玩, 有錢0既就去買, 無0既就走上山捉. 除0左金絲貓, 果時都有玩打魚, 唔知你地有無玩過. 話時話, 點解而家完全無人玩金絲貓? 定係 d 金絲貓死晒??? 我唔記得有無用過銀色五亳子, 但我手上就有收藏到. 我諗我應該係用過0既. 咁你地有無用過五蚊紙, 有無試過搭過 d 巴士有專人賣車飛, 有無避過 d 土製菠蘿?

以上你所講o既...都有..只係冇親身避過d 土製菠蘿,而睇住佢地戒嚴時既情境就有!! d銀色五亳子仲係我一個一個咁儲入錢箱架,都有幾十個添!

我就有親身避過d 土製菠蘿, 因為0係呀媽抱住我避, hee... 因為我當時仲係BB. 咁要叫你一聲



Mandy 姐啦. 咁唔知你有無睇過麗的呼聲呢? 我先自我聲明, 咪賴勁, 我無機會睇過麗的呼聲, 但細細過個陣就成日走去隔離屋鐵閘裝人地部電影機, 不過己經係睇無線年代啦.

鄉里,我絕對認同你的說話,我又爆多一個兒時浦點俾大家知。聖文德小學旁有一個配水庫球場就眾所周知,咁大家又知唔知這個配水庫球場上面,即慈雲山派出所對落的山坡前有一度野草茂盛的平地呢,那是小弟野餐聖地,少年時小弟常三五成群(冇個好人 )往那兒的小屋遺跡烤蕃薯和燒腸仔飲啤酒,個陣時都幾正架 ,咁就可以玩兩三個鐘,大家不妨試下。

聖文德以前有個銀樂隊,每晚放左學之後都會o係個操場度操餐飽架,果時你有冇

孭番d野上身呀鄉里, 我地山上面d乜小物小係一d劣品都冇架,因為d劣品一早比教育署隊晒去"打得小"



你講果度我係好常都會行架,你咁都算大命喇鄉里,果度曾經有野狗咬死過一個女仔架,不過如果要野餐飲酒你講果個球場都好正啦,又少人去又靜,記得有一年既中秋都係向果度飲酒吹水,玩到半夜先走架.

正所謂慈雲山人傑地靈,過往D人可能讀得書少,所以慈雲山專出綠林豪傑英雄(三合會惡霸),

但隨著9年免費教育實施,使慈雲山一眾年少鄉里得點化,慈雲山聲譽得到大大改善^^(唔出大哥出童黨)。小弟就是其中一個例子,小弟就是聖文德小學的一個異數,我從未參加銀樂隊,但母親常常被老師『隊』,因時常在校攪事,連聖文德中學都唔收我 不過,聖文德小學的銀樂隊都幾威,記得海洋公園開鋪時都請過他們去表演(做義工,冇錢收),俾我寧願去430穿梭機參加我都做得到學下賣金魚

我對配水庫球場都幾熟, 有段時間同屋企人成日上去玩, 如果時間早, 仲上埋觀音山添. 不過話時話, 我就唔知個度有個小屋遺跡喎, 而家仲有無係度?



聖 B 小學銀學隊出名, 不過聖 B 中學銀學隊個朵仲響, 70,80年代簡直可以用雄霸校際音樂節0黎形容.唔知而家仲有無咁堅?!!

咁你有無去六十幾座書婆度租書睇? 有無去東座斜路(康華街)買2手書, 甚至買書?

當然有啦,那時我在斜路擺擋,五毫子兩本公仔書賣。 少年創業,荒廢學業

嘩, 原來你同書婆咁熟0架. 諗起細個無錢買書, 去書婆度幾亳子租一本龍虎門睇, 又平又環保, 不過個度講真就嗅 d 啦, 坐得耐 d 都幾係.



係呀,環境幾差架,所以後期書婆搬去66座向正2F巴士總站出口擺擋。還有你記唔記得斜路有個破手佬擺擋賣書。

哦, 原來你係老闆仔0黎0架. 咁買乜書呀, 小吧女?!! 記唔記得個條斜路有檔癲婆辣魚蛋呀? 又多又辣, 好鬼 miss 佢....

有冇去過金鳳飲茶呀~~~~~~~~

諗起都好奇, 我幾乎日日見到金鳳, 但幾十年一次都無去過飲茶. 我反而有去13座個頭對住伍若瑜個 d 茶樓飲茶, 叫乜名話~~~~~

更岩,我都係成日去伍若瑜對面茶樓飲茶,不週是斜對面『天龍茶樓』飲茶,早知落去同你SAY個HI



對啦, 就係天龍啦, 我印象好似好多人係度撚雀0架個度.

係呀,佢地鍾意坐近馬路邊,因為簷縫邊可以掛雀籠,天龍D點心唔錯,最記得生抄骨當點心賣,好正。聽講天龍老闆係長沙灣青山道開了間,不過不再用天龍這個名。天龍,荼樓都改個咁英的名,佩服

其實果時慈雲山每一個小區都有一間類似天龍、金鳳果d茶樓仔...我住28座就有一間叫泉園...d炒飯勁正...勁夠鑊氣...30座果頭 都有一間...不過唔記得叫o羊名...

一講學校就搭唔到咀,因為同你地都唔同校o既,正式係冇偈傾果隻..哈不過一講起酒樓就又開始多口水喇,記得果時雖然係叫酒家,不過都習慣係會叫"茶居"o既.仲有3D總站隔離有間叫做"泉珍",好得意架果度,D野好食就唔在講,又可能係果時細個啦,乜交差擺落口都話好味架啦,仲有每一張台下面都會有個痰灌O係度,果時又唔會覺得佢核突喎.果D伙計仲會將D點心?晒上身,諗起都夠晒親切感呀,話時話一個呢D酒家冇十間都有八間,咁細O既慈雲山都居然可以開得咁多間呢D酒家,真係一D都唔簡單.



其實慈雲山就好似港島華富村一樣,華富村你當時全港最多賓士房車的屋村,慈雲山都唔野少,59座樓下停車場就有一部賓士、兩部富豪。同埋我見D伯伯飲茶十分節儉,真是一壺茶頂多兩件,而且我見有老人家叫一個大包食一半又帶走另一半,D茶樓有D似老人中心咁俾佢地同街坊吹吹水,等老人家有D世藝,所以慈雲山每個小區都有一間係左近,可能真的有心舒緩老人問題。^^

話事話...以前果d大包,簡直有個半big mac咁大呀...一個籠一隻..又足料...依家真係想搵番黎食都好困難...邊到重有"大包整多兩籠"呢支歌仔唱呀...

mandy有冇在誠信茶樓飲茶呀?{近四十九座同五十二座}

兩層高o既在寧華街尾.屋?酒樓都算大[在當年].



嘩~~~~你呀媽果然身手不凡 我就冇避過喇,不過就知道果時夜晚係冇人o係條街度行, 以前有d地方都係會有電視睇架,不過就要比錢入去既,唔記得左係豆零定一毫呢??雷鳥拯救隊就係果時既經典啦,仲有套小武士呀

應係豆零睇一部小露寶,一毫可以睇埋殘片!! 雷鳥就係星期六晚做o既(如果冇記錯)但都係後期....

小露寶應該係73~74年左右, 個時都好多人有電視機啦應該, 我反而有 d 印象69~70年個時就要去士多俾錢睇鐵甲人, 不過幾錢就唔記得啦, 豆零一亳度啦.

豆零即5分錢!一毫為10分錢。以前豆零可以買好多野架,可以買麵包同粥.. 一個豆零都可以食得幾飽架

見到呢張相,諗起初初搬上慈雲山就在東南西北座近龍翔道6B總站轉3A上山,3A重係單層,長波棍,人手拉閘!



當年o既3A就係行未cut開o既沙田坳道上慈雲山喇!上到山頂當然用單層啦,就好似依家上翠竹既都係單層咋!

係呀, 當年我都日日搭 3A 去黃大仙. 仲記得唔止無冷氣, 連風油軑都無, 仲記得架 3A 巴士上雙鳳街斜路轉彎, 轉右去17座果個彎, d 師機大佬差不多要站起身0家.

果個彎曾經衝左架巴士落山坡啦!

我想問錯於大約廿七年前3a巴士失控,由58座前斜路衝破鐵攔,直墮斜坡是不是這類型號的車
Eric 對, 架車係0係雲華街落斜, 而唔係0係雙鳳街上斜出事0既. 我記得應該係78/79 年左右發生, 所以 Eric 又對, 已經太約27年啦. 不過我就唔記得係 3A or 15B 出事. 不過我估當年應該仲係單層0既. 我仲記得係個 Brake 有事, 聽講個司機係斜路發現個 Brake 失靈時, 佢曾經跳過落車, 不過後尾都跳番上去想救車, 但終於都出事. 司機最後點我就唔知啦, 有無人知?



企起身都唔止呀,直情係好似要搵野借力先掂咁滯呀 以前o靚仔果陣都間唔中會見到有雙層巴士由鳳凰村行上黎,不過一到17座果條斜坡就搞唔掂,終於都係要好耐先有雙層,仲好似要改左路先行得添, 果時先得果幾歲人仔,一見到雙層巴士就好似發晒顛咁,真係諗起都好笑

我都係,不過我最顛係見到有隻所謂『豪華巴』的物體,唸起都覺得自己傻,『豪華巴』又冇冷氣又用皮椅,夏天時絕對要命,部車個樣又著,都唔明自己當時點解咁想坐。 鄉里們,請問以前慈雲山係唔係有條『豪華巴』的巴士線由2F到廣播道。

你講果條應該唔知係"203E”定還是係”211”而家都係仲有架,不過就已經改左路線長左好
多喇,

當年o既3A就係行未cut開o既沙田坳道上慈雲山喇!上到山頂當然用單層啦,就好似依家上翠竹既都係單層咋!



痴姐, 呢到得你同我熟123座, 你記唔記得個到 d 鋪呀? 1 座 : 有2間診所 (但唔記得個名), 潮語浸信會 (有幾年我幾乎日日係度打等溫書), 信生幼稚園 (right?), 仲有間士多.2 座 : 榮華茶餐廳, 飛髮鋪 (哈,幾十年都無幫襯過).... 死啦, 仲有 d 乜 呢? 失憶症~~~~ 3 座 : 禮賢會幼稚園, 政務署, 葯房, 肥伯士多, 雜貨鋪 (細個果時有散裝米賣), 文具店 (個老闆娘好吋0下), 後面就係房屋署(記得個時 d 區長唔知點解好大權0下, 而家諗起, 車, 司級都未到, 有幾威0既), 童軍會, 同你讀個間中心幼稚園 (數數0下都幾多幼稚園喎, 個時唔多覺喎)你補充0下呀.

慈雲山真係人傑地靈0架, 除0左綠林豪傑多, 當年(80年代) d 中學都出0左好多大學生0架, 人口比例上係唔係全港中學最多就唔知, 但係全九龍中學最高就應該無乜走雞



呀..............我竟然冇去過東南西北座食野 恨死我 好彩,我兒時時常幫襯16座附近街邊檔,不過最深印象有兩檔:1.59座樓下公園仔有檔婆仔開的豬油炸粉仔,可能兒時少好野食,感覺D粉仔非常好食,好食過食家係深水『土步』D豬油炸粉。2.大約每日四點後十二座近聖文德中學那邊有檔賣上海牛肉包、豬肉包和鎬貼,D包?面都幾多肉汁。 正 正

原來慈雲山一帶舊時咁多好野食...唉~~o念番依家食黎食去都係麥記、大家樂之流、想食d地道d、街坊風呼o既野真係幾難搵...真係搵啖好食都困難...

其實香港真的越來越少地道街頭小食,聽聞紅磡廣場近工業區仲有街邊小食,但我已經係兩三年前聽番來,有勞大家引證



唔知各位鄉里記唔記得...以前好似40幾座果頭...每逢夜晚都好多人推架木頭車買野食...有燒雞翼、有豆漿加大菜糕、有車仔面...有咸濕野啦...好多好多野食...十足台灣d夜市咁

是啊,豆漿加大菜糕,D大菜糕用膠蛋載著,^^好懷念呀

記得,記得, 當年應該係$5有杯大0既連兩個大菜糕蛋, 好似仲有花奶添.

唔單只, 33座個頭, 66座個頭, 14座個頭, 萬年個頭, 都好多野食....諗諗0下, 好似得123座個頭無乜好野食. 廿年前, 放學就去 5c 巴士總站個頭食 d 熱0左發大, 凍0左會縮番細0既魚蛋, 好正. 夜晚仲成日去萬年7仔個頭食糖水添, yummy



深奧問題一條, 『慈雲山』點解會叫做慈雲山? 聲明:我冇答案

『慈雲山』以前舊名叫 " 觀音山 " 因為有間觀音廟!後來政府起屋村,覺得叫" 觀音山 " 冇咁好,就因 觀音 佢係 " 慈航普渡 " 所以改叫『慈雲山』,就正如 " 掃墓坪 " 起左屋村後,就叫 " 秀茂坪 ", " 咸田 " 就叫 " 藍田 " 咁囉 ~~~~

各位記唔記得以前聖文德書院對面有間叫康樂麵包店,我就最鍾意朝早返學在這裹買個火腿蛋包,然後返學校小食部買支熱維他奶,嘩!!十分正。

康樂麵包店我記得, 而行落小小仲有間粥鋪添, right? 咁你記唔記得大江書局呀? 除0左小童群揪會, 我就當大江係半間圖書館0家啦.

我記得,我都成日係大江買參考書,再行落小小,仲有間叫醉瓊樓飯店,我地成班同學最鍾意上二樓食飯,我就最鍾意叫梅菜扣肉飯,大大碟,正,正,正!!!!



醉瓊樓有段時間我屋企都去得幾多, 你可以睇下前幾頁呢到 d 大哥大姐都好多人去0家!

咁有無去瑞利打機呀? 而另一間機竇係正聖 B 對面0既我就唔記得叫乜名啦.

打機梗有啦,我仲記得聖 B 對面,即康樂麵包店的橫街,有間士多可以玩。以前的士多後面都有的打蜜蜂機,我地穿著校服要鬼鬼鼠鼠係士多鋪內暗角玩。

講得出打蜜蜂機, 大家應該都係個一代啦. 我都有去過你提個間機竇打機. 當年一蚊一局. 我提個間瑞利就係個條橫街中間落去個 d 車房 附近.



係兒童機竇,企係度打. 鳳凰個老細有d似呂米高,有冇人記得成日浦鳳凰個呀矇呀?好深近視,個樣重有d似弱智仔.

唔怪得我唔知啦, 我呢世人都未去過兒童場, 自從有分成人場同兒童場之後, 我都唔再被 classify 為兒童啦....really an old cake....

我細個就好多時去2F巴宜總站旁的兒童機場到威,我我已經唔記得個埸叫甚麼名字了。而慈雲山的機鋪還有:
1.惠康對落的機鋪(是全慈雲山最大)
2.國華銀行側面有一間
3.7-11對面有一間
4.潮語浸信會對落亦有一間

加上2F巴宜總站旁的兒童機場,應該總共有五間機鋪
但實際是不是只得五間,及這五間機鋪的名字,就有待各位大大幫忙

1.惠康對落的機鋪(是全慈雲山最大)~???
2.國華銀行側面有一間~369
3.7-11對面有一間~萬年
4.潮語浸信會對落亦有一間~???
5.加上2F巴宜總站旁的兒童機場~國際
6.康體對面~華麗
7.明記粉麵對落~ 草蜢仔


OH THX,實在懷念少年時愛上機鋪的情懷,現在我不知幾唔想入機鋪

同你感覺一樣...宜家無入機鋪好多年
不過記吾記得當年興打o羊機?

最早o既撞塼,麻雀,蒙地卡羅賽車,1942......
最鐘意去鳳凰,同個fd雙打泡泡龍(100板)
1943(打爆大和仲有1/3能源)
2F巴士站果間有:
成龍(爆機3次有3個龍頭logo)
奇奇怪界(不斷來回爆機,獎到廿幾條命)

我以前鍾意玩史泰龍『第一滴血』

係「怒」,要拉板打,算係難打Game. Part 2 係上太空打.

差不多全都不同了, 我住了三十多年, 兩年前結婚才搬出, 父母尚住在慈雲山. 我住過44, 萬年大廈,碧鳳樓,現在慈愛閣. 不過, 我知道:
1.惠康對落的機鋪(是全慈雲山最大)~尚在
3.7-11對面有一間~萬年 - 尚在
懷念以前放學後偷偷摸摸入萬年戲院看工餘場(3級片)!!

噢! 你衰! 點解唔帶埋我去?
當然係偷偷摸摸入萬年戲院看工餘場
我明晚會返慈雲山食飯,會到小菜幾出名的......即是其中一間機鋪迎左右,近華潤超市個間食飯,我是一個大肥仔,那時會穿炒紅短袖衫、白色底衫出現,約九時十五分出現,有機會你見到我記得叫我

我都係慈云山人呀(1978-1991),我住七座,平時去志興茶樓(5座)同埋聯興茶餐廳(7座)飲茶.得閒就同D街坊去四座踢波或者去15座玩老虎街(有錢出架).童年既回憶真係開心啦!

大家好, 我都在慈雲山住了廿多年(19座,28座,華基大廈), 如今搬離左也十多年, 偶然間俾我發現衣個討論區, 花了半天, 觀看了大家的留言, 真係不勝唏噓, 真的很可惜現在才找到這個討論區, 錯失同大家暢談既機會, 更可惜大家post上黎的照片已經看不見了. 睇番最後既post已經係幾個月前, 大家又走失左, 唉! 可惜! 可惜!

呢度 D 慈雲山人,個個都搬晒架啦!
只係偶爾上去慈雲山中心,行下飲下荼~~~~~~haha~~~~

細個時候好鍾意跟爸爸去第5座志興茶樓飲早茶, 佢地d 糯米卷同粉果真係一流, 好懷念!

志興茶樓而家係牛池灣街市, 唔知街坊有冇去過呢?

想當年一到孟蘭節,媽媽會帶領我們兄弟姊妹一齊去中央球場排隊等派米, 記得每次天氣都很熱, 媽媽企係近球場門口接應, 派得的米或蕃薯會交給媽媽, 然後又再去排過, 不過當時又唔覺辛苦或難為情.

仲有.. 仲有.. 唔記得邊個節令, 會有好多人係 24 座對開燒衣紙, 當燒完之後,會將一喳斗零灑係旁邊, 我地一班鄰居細路會圍係旁邊, 當人地燒完走人, 我地會一湧而上執斗零, 有時要係灰燼入面搜尋, 一晚會執到個幾兩蚊, 於是成班細路成身黑蚊蚊去19座樓下士多, 用執番黎既斗零買汽水飲, 此情此景, 猶如昨天.

你以前住 28 座,有冇去過 26 座 " 三鳳 " 飲早茶呀!

當然有啦, 不過好似冇乜招牌點心! 當年星期天常常跟老爸到茶居飲早茶, 搞到而家自已都好似老餅咁, 喜歡飲唐茶

27 座間茶餐室, 好似叫海山冰室, 除了會幫趁佢地買菠蘿飽外, 就很少幫趁, 記得佢地係餐廳內養左兩隻狗, 有一次佢地隻狗仲咬親我媽媽, 我記憶當中, 餐廳係家族式經營, 整家人的禮貌都很差

你以前住既 28 座呀!我記得山邊有個小公園 ~~~

不知你所指是否28座旁只有鞦韆的遊樂場呢, 又或是22座對落的配水庫足球場呢? 記得有次和鄰居小孩到該處踼西瓜波, 當時球場係沙地面, 我著住人字拖鞋, 大力一腳, 結果嘗試了生平的第一次磨薑, 腳脂公血流如注.

兩度我都有去過!不過 22 座山邊上個球場好靜!

毓華街的空地應該曾經有過竹棚戲院, 上映黑白粵語長片, 我記得細個時有次俾個叔叔搶左手上用黎睇戲既幾毫子.

竹棚戲院 ~~ 係 1.2.3.座空地位址呀!前座兩亳、中座三亳、後座五毫 ~~~~~~

係咩, 冇理由喎, 我記得好似去時經過1,2,3座既喎, 而且痴姐你住1,2,3座, 如當時未有1,2,3座, 你又點知有竹棚戲院呢?

又要講下歷史先 ~~~ haha~~ 當年政府拆我地木屋區時,係分批清拆!最早一批搬去 33 -- 36 座不等,後一批搬去 30 -- 32 座,我地就係最後清拆個批人,所以我未搬上慈雲山住個時,已經去過慈雲山好多次 ~~~ 明未!到我地搬上 1.2.3 座時,萬年大廈剛搭棚起緊,所以你講既位置,好可能係舊國華銀行現址 ~~

哦.. 原來如此, 據媽媽說我地係由石硤尾搬入慈雲山, 只記得我家遷到慈雲山時, 媽媽拖著我手, 走到19座樓下, 四周都是空房, 感覺很荒涼, 媽媽抱著我登上四樓, 這就是我生記得的第一個畫面. 所以我應該係第一批搬入慈雲山村既人.

慈雲山開荒牛,係石硤尾、九龍仔、大坑東、大坑西 D 木屋區居民先!其後係何文田、模範村.....
原來慈雲山八層高 D 舊屋村住左三十年先開始清拆 ~~ 時間真快.................

其實住這類型屋的7,8樓既人真係好慘, 大熱天時上落, 真係大汗疊細汗, 唔知而家香港仲有冇這種屋村呢?

有!石硤尾仲未拆!

以前成曰去萬年睇戲,彩雲曲個廣告好多年都冇換

少年時我也常去萬年睇戲, 而且多是一個人去看, 不過踏入社會工作後就少去了, 因為唔會有朋友特意來慈雲山睇戲的.

[ 那些廣告都是一張張的油畫和硬照, 內容都是「記住睇完戲來戲院對白既x記茶餐廳食晚飯啦」之類。跟著出場的就是由DoDo姐「康泰旅行社」了。 ]

睇番這段文字, 立刻勾起那些片段, 開場前, 一張張發霉的幻燈片, 總是沒一次順順播完, 間中卡著一半, 那條錄音帶已花無可花, 聲音迫瀝迫, 草草收場.

我想問:
1) 有無高人知道舊61-65 座那兩個天井位係甚麼用途?
2) 當時63 座出面有無路標呢?

我唔係高人, 不過小時候讀約榮小學, 學校同62座中間係用鐵絲網圍成既操場, 至於62座同63座中間的天井, 好似係有個遊樂場, 63座同64座的天井, 好似係街市, 唔知o岩唔o岩呢?

多謝解答..
雖然我唔係慈雲山人,但我對61-65 座呢個獨一無二的設計有興趣..
只可惜呢數座樓好早因問題公屋關係拆了..

38 則留言:

  1. 你好, 無意中發現這個"慈雲山集體回憶"真係好開心, 我E+都有3幾歲了, 我由出世 (7幾年代) 已經係慈雲山住, 果度真係有太多回憶....有時發夢又會見返以前的事物!
    我是住52座的,最記得是果度的豆腐花, 真係找唔返! 我以前係讀基甸幼稚園, 至正小學之後至正要拆, 我就同細妹轉左去求世軍小學讀6年班..., 以前我最怕果度D飛仔,所以從來都唔會有夜街出. 如果有住52座的舊街坊, 你地仲記唔記風樓有個傻仔成日打佢呀媽, 佢個花名仲叫3傻tim, 有時有d細路有特登去野佢, 係佢門口 叫佢傻仔, 佢就會發狂如果追唔返班細跟佢就打佢呀媽...好慘!
    我睇返有人見過"黑白無常" 同"一班白色"人影係51座行到盡頭, 我真係見過架la, 我果時話見到無人信我呀, "黑白無常"係我小學時深夜是冬天夜晚壯個冷行時見過的. 而"一班白色"係我讀中學時, 讀到夜晚3點幾見到架. 條人影好長下的, 好似好多人排隊是白色的,在51 座行到盡頭,嚇死人架!
    不過唔知仲有無人記得後尾臨拆之前係52座3樓有單燒屍案, 係2個飛女比飛他燒死, 果夜又係好驚!

    回覆刪除
  2. 您好, 52座係咪誠信酒樓個度, 我媽媽成日帶我去飲早茶o架.之後就係附近買"食送".

    "求世軍小學" 係咪即係"聖鮑思高"? 我都係讀呢間!

    回覆刪除
  3. 2000年陳小春,梁詠琪ge電影 友情歲月山雞故事 有D外景在一個公共屋邨拍 有冇人知道果個屋邨在邊度?

    回覆刪除
  4. 我是在大約 1973 或1974 年住慈雲山, 那時我年紀細到小學都未讀, 住第 53座, 即誠信隔離.

    我祖母就住第 1 座, 我那時日間被祖母照顧, 所以那時我會在第 53 座和第 1 座之間走來走去.

    小學讀 保良第四小學上午校, 中學讀佛教孔仙洲紀念中學.

    小時候最愛在第1, 2, 3 座下面的公園玩, 有時在 53 座和52座之間的公園玩. 東區社區中心四樓的錫安, 五樓的圖書館, 南區社區中心五樓(或四樓)的小童群抽會, 1981-1988年都有時去參加活動, 尤其是鍚安, 那裡一個社工, 陳楚強, 時常和他開玩笑, 笑他樣衰. 東區五樓的社區中心, 好像是小童群益會, 在大約 1985年門口曾被古惑仔燒過, 原因, 或者是那年的那兩個女社工勁寸.

    1987-1988年讀中七時, 多數在南區社區中心的地下的大堂溫書.

    第三座唯一一間士多, 近垃圾房的, 在約1980-1985年間, 被古惑仔燒了最少兩次, 因為老板兩夫婦實在太黑人憎. 我在那士多, 在約 1980-1981年, 在內面一部打蜜蜂機, 有無限"奬"的.

    每逢中秋節, 都去中央球場, 看人玩燒臘, 或自己在家附近走廊用汽水蓋玩. 但別人玩的是用練奶罐, 什至整個月餅盒來玩. 剌激非常, 把一杯水倒向半滿臘的月餅盒, 火柱足足有三層高.

    保良第四小學, 我讀五甲和六甲班, 即是精英班, 那時校長是陳顯齊, 副校長是姓余, 我們叫他「余副校」, 他真實姓名倒反而忘記了. 教我小五至小六的中文女老師是姓陸, 兼教美術, 勁變態, 滅絕人性, 時常打學生手掌, 每次打數以十下計, 女學生也不放過, 打手掌是用...........鐵尺, 罰抄每每過百句每次教完一篇課文, 叫兩個同學互相閱讀給對方聽, 若有讀錯音讀漏, 便計算一次錯誤, 全班最差的一個便罰站一整天. 但她亦有優點, 是教中文非常好.

    教我英文的是陳錦洲, 現在在某間保良局所屬小學升做正式校長. 教數學的是何觀球.

    在東區社區中心隔離的一條長命斜好像叫康華街, 有賣勁辣魚蛋豬皮. 辣到你會見到很明顯的咖哩粉還鋪在豬皮外面. 不過很便宜, 一元已經很大包(1980-1985), 份量足夠一份正餐. 還有賣二手書的, 我便用一元買過一本叮噹, 但裡面原來被撕破數十頁.

    在毓華里入面有間書店, 可以用一元租小說看一星期, 曾有兩三年的時間我常去這書店租金庸武俠和倪匡科幻小說. 租一星期便可看完一本神鵰俠侶, 一套有四本, 現在看來都覺不可能.

    約在 1984-1985年, 我晚上九至十時拿著空壺, 常去 52座的雲吞麵檔幫我親人買麵, 五元便有一大壺牛膀米或雲吞麵. 但有一次, 當我去買麵時, 我坐在旁邊一張椅子等待, 有兩個警察經過, 站在檔位旁, 然後一個大水袋從高處掉下, 掉在其中一個警察鞋面上, 我隠約嗅到一陣陣尿味.

    約在讀小六時, 啟德遊樂場派免費遊樂票, 可以在啟德玩一個上午, 我那早上一共玩了五個遊戲.

    聽聞這裡有人說馬敏兒在 87-88 年讀德愛, 真的嗎? 因為在其他網頁我找不到資料.

    黃日華讀聖文德, 吳鎮宇住鳯凰村, 就真
    的.

    在保良四小讀小學時, 在近毓華里的路邊, 有賣許多早晨小吃的, 其中最值得回味的是所謂「粉仔」, 即是上海麵和豬油渣, 我每次買好像三毫或五毫一大碗, 每次都落三大茶匙的辣椒油, 油內明顯見到切碎的紅辣椒, 很好吃. 那老板娘見我落這麼多的辣椒油都頗有微言. 但油渣麵是要下辣椒油才好吃的嗎!!!
    現在去深水埗吃周記油渣麵我都下 幾匙 辣椒油的.

    另外用一毫子有抽金絲貓的, 不過每次我都抽不中.

    在約 198x年在慈雲山山上, 行到和沙田交界處, 和親人去捉了幾隻金絲貓, 和切些給金絲貓住的植物, 是長條形旁邊有鋸齒形的東西.
    不過兩星期後全死啦.

    暫時說到這裡, 實在想不出還有什麼好寫.

    回覆刪除
  5. 我1970年出世
    讀保良四小上午校
    阿"always"提到果d事情:

    - 尤其是鍚安, 那裡一個社工, 陳楚強
    - 那時校長是陳顯齊, 副校長是姓余, 我們叫他「余副校」
    - 陳錦洲
    - 何觀球
    - 東區社區中心對面癲婆辣魚蛋

    我好有印象
    可能我地跟本係識得

    回覆刪除
  6. 推薦毓華里明記粉麵
    牛腩同魚旦好正

    回覆刪除
  7. 痴姐, 呢到得你同我熟123座,
    *********************
    還有我呢, 1976 - 1986年我住在第53座, 但日間在第一座被我祖母照顧, 1987-1993住第三座. 1993年尾搬到東頭村.

    你記唔記得個到 d 鋪呀? 2 座 : 榮華茶餐廳,
    ************************
    是呀, 有三兄弟做老細的.

    3 座 : 禮賢會幼稚園,
    ***************************
    我是讀禮賢會幻稚園的.

    肥伯士多, 雜貨鋪 (細個果時有散裝米賣),
    *********************************
    記得記得.


    文具店 (個老闆娘好吋0下),
    **************************
    你對了一半, 不但個老板娘吋, 她老公亦一樣黑人憎. 他們的文具店最少被縱火兩次.

    小弟乃舊慈雲山59座鄉里,小學就讀『聖文德小學』、中學就讀『培敦中學』,
    *********************************
    據聞, 保良一中和協和是「世仇」, 兩間中學互相不收對方的中五生升讀中六, 聽聞198x年有一個保良一中的會考生拿五個甲等去協和想升中六, 當然他只是玩玩, (有保良一中為母校為什麼不讀), 被協和教師玩到"謝", 培敦和孔仙洲也一樣..............小弟曾在孔仙洲讀中四至中七.


    43座. 聽說因近山邊,所以很雜.小時父母跟本不准我到那邊,
    *******************************
    是呀, 就是西南面的五至十四座, 也是很難搞, 很多道友道姑, 見過十多廿多歲的男女睡在樓梯旁.

    是啊,講起單車,我突然記起24座好似有單車租的,
    *******************************
    德愛中學隔離的配水庫也有單車租, 我在15 歲那年剛學懂踏單車, 便兩次各用三元租單車各半小時, 怎知第二次便是我一生人中抄單車最厲害的一次, "元兇"在外圈轉左, 我在內圈轉左, 我被迫向內彎而抄, 雙手掌擦傷至血肉模糊, 現在住馬鞍山, 一星期三次踏單車也不會受傷的那麼嚴重.


    快餐店我反而記得翠屋, 呢, 0係123座行上去,未到國華銀行果到. 細時果頭仲有間小小公司, 有遊戲機打, 仲有氣墊球玩....
    *****************************
    對對對, 記得在 1980-1985年, 翠屋一個午餐套餐賣 13 元, 小小遊戲機鋪有柽獸機.
    家家頌是否肥佬開的, 在 369 遊戲機鋪隔離的快餐店? 我 1999 年入過去, 問過肥佬, 他說他的店快結業啦, 原因是因為慈雲山中心開幕會搶走大部份生意.


    *********************************
    另外, 1970s 至 1980s 可以有相機拍攝慈雲山, 不論是否單鏡機如 nikon f3 或 fm2, 已經很有錢啦. 佩服.
    *********************************

    各位鄉里...話事話...你地細個時多唔多去過萬年睇戲呀?
    *********************************
    我第一次入萬年就忘記了, 但第一次用私己錢入萬年是 1982年, 辛辛苦苦儲了 十多元, 去看「靚妹仔」. 林碧娸, 溫碧霞.

    *********************************
    各位是否記得新浦崗的麗宮戲院, 一到週末便帶旺整個新浦崗.
    *********************************


    另外, 在一二三座樓下的公園, 試過和隔離屋的幾個朋友, 他們用沙泥和水混和成濕泥, 從公園旁擲去經過斧山道的巴士, 聽到"呯"一聲, 然後全部人立即蹲下, 笑死.


    慈雲山真係人傑地靈0架, 除0左綠林豪傑多, 當年(80年代) d 中學都出0左好多大學生0架
    *********************************
    保良一中應該當之無愧, 預科理科一班四十多人, 竟然超過四十個入到港大. 皇仁英皇都要讓開.

    請恕我賣花讚花香, 我母校佛教孔仙洲曾有一年, 1987-1988年, 亦即是我預科畢業的一年, 中七理科, 廿四人中, 有十一個入港大. 當然, 我只是入理工學院............ 完, 恕我打誑.


    馬達 提到...
    我1970年出世
    讀保良四小上午校
    阿"always"提到果d事情:
    ***************************
    馬達先生, 我先問你, 你是否某個香港音響網的 「型英帥靚正」?
    第二, 我說出我讀保良四小當我讀小六的同學名稱, 你看看是否有熟悉的.

    1980-1981, 保良四小, 6A班, 上午校. 排名不分先後:
    男同學, 文x忠 文x成兩堂兄弟, 潘x良, 劉x福, 周x偉, 莊x堒 (現任醫生),

    女同學的名字我反而忘記許多, 柯x珊, 莫x清, 盧x儀, 胡x兒,

    回覆刪除
  8. 1978-1981年在保良四小教我數學的教師, 現在是某嗇色園小學校長, 連結的第四片相片

    http://caite.fed.cuhk.edu.hk/projects/3i/whatsnew.php?id=6

    ***********************************
    1978-1981年在保良四小教我英語的教師, 現在是屯門保良局志豪小學校長, 中間的相片, 不幸地相片不可放大
    http://psp.proj.hkedcity.net/2007/chi/detail_sch_basic.php?sch_id=342

    *********************************
    如果這裡不准登出網頁, 麻煩刪除這篇.

    回覆刪除
  9. 中學剛開始去打機, 去得最多的機竇就係鳳凰村間瑞利, 書局就去聖B對面間書局, 不過
    *********************************
    聖文德對面有一間文具鋪, 內有一部賭博機, 你入五毫子, 幸運的, 便可收到一至五元, 我只玩過兩次, 一次輸, 一次贏2.5

    我小時得閒就去東區及南區借書, 有一年仲有玩具借
    ********************************
    我也是呀,

    回想房屋署無啦啦由座數改為乜乜樓都幾無謂.
    *********************************
    聽聞房屋署把慈雲山的座數改為中文命名, 是因為覺得以中文命名心理上會提高文化程度.

    其實"盤"人就無時無刻都會發生架啦,就好似係打個招呼咁普
    *********************************
    話說約 1991或 1992年其中一年近農曆新年, 我和四個中學同學, 其實當年各人已就讀港大, 理大, 浸大, 一起去南面的鳯德村的低層去煲煙飲酒, 當大家玩到忘形之際, 三個便衣警察上到來便查各人身份證, 我其中一個朋友醉到一時起不到身, 其中一個警察便極大聲地喝他: "我xxx母, 起身呀", 另外一個 CID 盤我另外一個朋友, 問: 你乜野花朵? 邊個大佬? 我朋友很清醒, 答案一律是: 沒有啊!! 最後警察查到我們並不是什麼古惑仔, 便對我們說, 你們在別人地盤吵到人家睡不著而投訴呀, 快點返家休息吧.


    對, 果時係叫飛仔, 仲未流行叫古惑仔
    ********************************
    好像在 1990年代開始已經有古惑仔這個名詞.

    咁你地有無用過五蚊紙, 有無試過搭過 d 巴士有專人賣車飛, 有無避過 d 土製菠蘿?
    *********************************
    我用過五蚊紙, 搭過有專人賣車票的公共汽車, 是約1978年之前, 土製菠蘿在好像1971-1974炸死幾十人, 其中最轟動首推北角一對十多歲的姐弟被炸死.



    小露寶應該係73~74年左右, 個時都好多人有電視機啦應該, 我反而有 d 印象69~70年個時就要去士多俾錢睇鐵甲人
    ********************************
    佳視的射鵰 (米雪, 白彪)和神鵰(羅樂林, 李通明), 就看過但只各幾集.

    豆漿加大菜糕,D大菜糕用膠蛋載著
    ******************************
    對對, 在保良四小上面早上也有, 用膠蛋載著的大菜糕簡直是一絕, 很有創意.


    OH THX,實在懷念少年時愛上機鋪的情懷,現在我不知幾唔想入機鋪
    *******************************
    是呀, 從十二, 十三歲愛上到機鋪打機, 到廿歲已開始失去興趣.


    今天到此為止, 想不出還有什麼好說的.

    回覆刪除
  10. 馬達先生, 我先問你, 你是否某個香港音響網的 「型英帥靚正」?
    >>
    EXACTLY!

    第二, 我說出我讀保良四小當我讀小六的同學名稱, 你看看是否有熟悉的.
    文偉x兩堂兄弟 is my friend. As I know, they are in Australia now.

    回覆刪除
  11. 更正,

    協和不收保良一中的中五生讀中六, 但保良一中是有收協和的中五生讀中六, 在我中五那一年, 有一個協和姓蕭及與「醜陋的中國人」作者同名的會考生考獲五個A, 去了保一升中六理科, 兩年後以A-Level 四A成績入讀港大 triple e.
    那姓蕭學生是和我在孔記讀預科時, 協和轉來孔記的同學介紹我識的.

    回覆刪除
  12. 馬達, 你是否在 1980-1981年讀保良四小的上午校小六年級? 如果是的話, 你便是我同學.

    在 九十年代初, 我在保良四小附近, 好像近毓華里的, 碰到數學科老師何觀球, 他說保良四小的英文科老師陳錦洲已經升做另一間保良小學的校長了.

    在約九十年代末, 我在 x線電視的新聞中, 內容提及香港一個草地滾球比賽, 見到何觀球在被訪問, 那時他的樣子較為接近我初畢業時, 即 1981年的樣子, 不像現在這麼老,

    1978-1981年在保良四小教我數學的教師, 何觀球, 現在是某嗇色園小學校長, 連結的第四片相片

    http://caite.fed.cuhk.edu.hk/projects/3i/whatsnew.php?id=6

    另外值得一提的必定是陳錦洲, 在我小四那年, 1970或1980 年代沒有體罰的, 他有個習慣, 是用粉筆擲向上課不留心的男學生的頭, 那天我和好像是隔壁或後面的同學談話, 陳錦洲便把他 手上的粉筆擲向我, 當時我並不是故意避開他的粉筆的, 只是我和同學談完便立即彎下身去從地面上的書包拿點東西, 怎知那粉筆便擲向了我後面的同學的身上. 就算我回復了身子也不知道發生了什麼事, 要同學告訴我才知, 事後想起真是笑爆咀.

    那時候, 電視上有一個藝員, 石修, 70 年代以電視劇, 絕代雙驕, 龍虎豹(不是三級雜誌, 真的是電視劇) 做主角, 我總覺得陳錦洲有五分像石修,

    1978-1981年在保良四小教我數學的教師, 陳錦洲, 現在是某嗇色園小學校長, 連結的第四片相片

    http://caite.fed.cuhk.edu.hk/projects/3i/whatsnew.php?id=6


    我昨天, 2007年12月21日, 我回到慈雲山拍攝和走走, 毓華里的大眾書局還在, 但內裡已被放置大型冰箱, 而不是書本.

    隔壁幾個鋪位遠的明x麵店, 老細仍然是他, 廿多年啦, 利害.

    慈x山小食館.

    但為什麼慈雲山剪髮那麼便宜, 在 慈x山小食館附近有一間理髮店, 洗剪恤, hkd58, 已經比香港一般店鋪便宜, 誰知多走兩步, 另一間是 hkd48. 再落去聖文德中學附近的香x成跌打館, 隔離的天 x髮廊, 洗剪恤hkd43. 慈雲山的理髮師不用收工資嗎?

    中一至中三時常去德愛中學和 第 53 座之間的籃球場打球, 昨天去時, 幸好籃球場仍然健在.

    在 198x年代, 那籃球場旁的小馬路, 常有教車師傅在等候學車之人的.

    在 第 61座旁的公眾地方, 有小販賣小食的, 亦有開鋪賣小食的, 其中賣魚肉麵的最好吃, 見著老板娘把一條一條的魚肉從碟中削去熱刺刺的滾水鍋內.

    第14座外面的街市, 那時有時會跟隨我祖母去買菜, 現時記起真的很骯髒, 地上全是汚水, 鮮魚不是放在盤上而是放在地上用膠布盛著. 蔬菜也是. 比起現時的人每每去超級市場買菜真的不好同日而語.

    另外第 13 座旁有小路是可以通去伍若愉診所的.

    第 15 座旁的郵政局, 樓上是郵政局, 而樓下是某大型銀行的分行.

    第 60座, 旁邊是一間石油氣店, 和停車場.

    在第 60座最南面有一間士多, 是禮賢會小學旁, 出面放了一部遊戲機, 另外可以廉價買汽水溝水.

    第 58座向西, 在 八十年代後期開了一間甜湯鋪 (糖水), 有時也會去吃紅豆粥(紅豆沙).

    在讀理大時, 約 1988-1991年, 有時去住在第 14座的朋友家玩樂, 打橋牌或鋤大二, 吃火煱, 有時整晚沒睡, 一到早上便和他們落 十四座樓下的粥檔吃粥和炸麵.

    第4, 或第11, 或第12座, 樓下鋪位有多間開無牌遊戲機中心的, 超雜, 少去為妙.

    北面的第 33 至 47座, 雜不雜我不肯定, 但也是少去的.

    在毓華里近協和中學方向, 在約 1982年開了一間遊戲機鋪, 時常有一群古惑仔在玩.

    回覆刪除
  13. always,
    我大約遲你兩年

    回覆刪除
  14. 匿名1/21/2008

    小弟1971年出生 , 住59座..讀禮賢會幼稚園.張祝珊小學.想找找有無老朋友在呀

    回覆刪除
  15. 匿名2/23/2008

    如果大家有facebook, 可以去join "慈雲山"(search:Tsz Wan Shan)個group ,如果大家係讀123座中心幼稚園,可以join "中心幼稚園"(search : Centre Kindergarten in Tsz Wan Shan")個group 。

    回覆刪除
  16. 匿名2/24/2008

    Exact Group name is:

    Tsz Wan Shan 慈雲山

    thanks for 集體回憶 - 慈雲山 blog, it is an excellent site and very well built and I love it very much. 慈雲山 62

    回覆刪除
  17. 我好懷念慈雲山生活 , 特別小學日子, 我在約榮小學讀書 , 好想好想找當年同學仔,我5-6年班班主任係趙碧娟老師 , 唔知有無人記得, 我都係住62座.

    回覆刪除
  18. 匿名8/14/2008

    我都係慈雲山人!
    家陣住鳳德村,唔知有冇朋友同我一樣呢?
    我以前住15座,讀五邑鄧樹椿小學,而屋企係16座開士多──興發士多,即係有炸魚旦、雞翼果間,唔知有冇舊街坊記得呢?

    回覆刪除
  19. 慈雲山我都住左成 20 年, 出世住到拆. 我想打好多野出黎, 不過遲下先, 我應該有臨拆前既少少相, 係我老友 (佢住 19 座) 影既, 比左 d 我.

    我講下自己既 background 先, 我住十幾座的, 幼稚園讀鳳凰村聖西滿幼稚園 (仲有張畢業証書起度), 小學讀聖文德天主教小學, 中學讀聖文德中學. 中三淘汰試就轉左去第二度. 好記得小學係同十六座相連, 我又做風紀, 又係銀樂隊成員, 不過讀書成績嘛嘛. 成日唔交功課, 暑假起最尾果幾日才做暑期作業 .

    回覆刪除
  20. Hi 您先好 !
    我1967年開始住係32座, 直至拆先搬落鳳德邨. 但係都好掛住以前住嘅地方.樓下街市(25/26座)入便 D 熟食檔: 雄記嘅蛋牛麵、九記奶油多、葉記嘅車仔麵。太多太多啦....
    間中帶個仔上去行下 ,懷念下細個行嗰 D 路.
    仲有套戲叫"癲佬正傳"正正喺32座拍 , 買咗返嚟 , 間中睇下.等自已唔好忘記童年長大嘅地方.

    回覆刪除
  21. 唔講唔知, 原來"癲佬正傳"喺32座拍!

    回覆刪除
  22. 有無66座側,永光小學同學仔,80-86年..

    回覆刪除
  23. 好無意咁發現這個網回憶網頁
    都幾驚訝
    一下子兒時將近忘記既回憶像破既氣球
    全都回到眼前
    打了個特 ,感慨退多
    突然氣溫好像冷了一點
    慈雲山的溫度一向都比外邊冷一點
    我也是曾住慈雲山 43 座 3 樓的一個又黑又瘦的男孩
    讀光慈小學
    待我也找找舊照片
    再 Post 上黎先得

    回覆刪除
  24. Hi loway, 你住43座3樓, 咁我可能識你喎^^

    回覆刪除
  25. 還有 43 座樓下既鐵皮屋美食
    有肥施奶既通心粉同糯米飯
    再作 D 就係外縣夫妻既車仔麵(兩檔)
    再入就係食粥
    而另一出口就買,排骨飯同糯米雞
    如果有錢咪去 44 座食華都餐室
    呀爺呢就鍾意行過去 40 座果間美景茶樓飲茶
    仲有行茖 D 既超魚蛋同 60 座之間既蛋型蛋菜糕
    .......

    回覆刪除
  26. hello
    慈雲山人
    我都係咁諗
    我係咪識你既呢
    我住 213 室
    有五兄弟子妹

    回覆刪除
  27. 我都係住係43座3樓,好想見到以前d街坊或者同學,

    回覆刪除
  28. hi loway, 你後尾係咪搬在去愛民村?

    回覆刪除
  29. 慈雲山人
    細蝦同囝囝佢地先係搬左去何民田愛民村
    我係住向佢地隔離再隔離既
    而我隔離呢就有個百厭仔叫細佬
    而佢地呢就叫我米仔勒
    如果無記錯或估錯
    你家當時應該係有三個單位
    其一個係向一位喉管有事既伯伯隔離
    當時細路仔吾識同人相處
    和你們兄妹少一起玩
    我有無記錯呢?

    回覆刪除
  30. 你無記錯, 我係三個單位個家^^ 我細個應該好少同你玩, 因為對你一家無乜印像~

    回覆刪除
  31. Hi!慈雲山人,我係loway家姐,我都只有少少印象,只記得有一家人有三個單位,如果見到面都可能有d印象,不過我記得樓下買“豬長粉”個家叫“呀象”,佢地都往係三樓,近‘水喉頭’隔幾間,Anyway,你做左厘個Blog,都無意中俾我聯絡返都係往係三樓的一位幼稚園朋友仔“志偉”,好surprise!Thank you!

    回覆刪除
  32. 您好loway 家姐, 買豬腸粉個家我都有d印像, 可能又係要見到面先認得到, 你幼稚園朋友"志偉", 係咪住係近40座個邊?

    回覆刪除
  33. Hi 慈雲山人,係呀!佢住係40座個邊,“鄧x萍”隔離,另外我地成日幫一位瘦師奶剪棉花,佢有兩個細路,好似一個叫呀輝,住係近‘水喉頭’隔幾間,呀象對面,再隔離個家,姓“吳”,佢得一個仔,叫“金橋”,係我小學同學黎,大家都係讀“光慈”上午校,重係同班添,當時係暑期剪棉花都有幾毫子,買下糖食,都幾好呀。
    不過,你細過我,可能唔記得,有人上街叫買“豆腐花”,我地通常唔落糖,5毫子一大湯碗,返屋企落鼓油撈飯,就夠我地五個化骨龍食啦!另外有時上街買“砵仔糕”,我最鍾意食“黃糖”,如果樓下有雪糕車響音樂,就羅個湯碗落去買5~7毫子,返屋企每人分一d,唸起都都好開心! :〉
    不過,你個家好似好乖,都冇物出黎玩!

    回覆刪除
  34. leo chan9/28/2009

    Hi loway, 你住43座3樓,我住係42座5樓,我讀“光慈”下午校1-3,讀聖鮑思高3-6,下午校1980年畢業,40座巴西唔知有無人記得,43座地下輔導處,我叫leo.

    回覆刪除
  35. johnny9/28/2009

    Hi-johnny 我住係42座, 1991拆先搬落鳳德邨. 我都好掛住街市(25/26座)入便 D 熟食檔: 雄記嘅蛋牛麵、九記奶油多、葉記嘅車仔麵,我父親係24座街市賣水果,我喜歡早餐食雄記嘅蛋牛麵.leo.

    回覆刪除
  36. Leo
    我都成日去康樂輔導處玩同做工課
    有個好錫我地既呀 SIR 叫張X偉
    吾知你識吾識佢呢
    我手康樂棋打得都幾勁吓架
    細路仔黎講
    我想找找幾個朋友
    同學 泥鯭,大碌
    鄰居 細佬,細丫同囝囝
    吾知有無人識佢地呢
    我就係馬騮又或都叫米仔
    以前好瘦架
    又黑呢
    loway

    回覆刪除
  37. Hi, Leo chan

    你住42座5樓...?幾號單位?我同你一樣住5樓, 我住7號, 你呢?

    回覆刪除